Lukì 1:6 - Bible Dzùùngoo Unicode

⁶ Jakàrìya, ko e re tààn Elizabɛtsì, è fiɛ̀ sa na tereòn Ŋaablà jaa ra. È na mùn Tsìfaà dzugooma xɔù rèè ko à re shi kpadèunma rèè sapɛ shi jiɛ, arì jààma kiɲaanin naà ni è ra waa.

Lukì 1:6 ပူးပေါင်းရင်းမြစ်များ

Lukì 1:7

Dzin naà ni è re waa, kàtsu Elizabɛtsì naà dzin ker'là waa. Tɔ̀ nìn yè bo à ra, à ko e re kpir'la sa na bɔrɔɔ nòn.

Lukì 16:15

Yesù yè dzin è ra tɔ̀un ci: «È ba mòdzian jaa ra, ye yè e yɛrɛ baà mòdzin tereonma ì, ŋà, Ŋaablà y'a tɔ̀ nìi ni ye duùn. Gè niì gè blà mòdzian rè, yè bà baraka wɔɔ̀ à ɲan, tɔ̀ gèè goo xɔ Ŋaablà ma.»

Lukì 2:25

Àyìwà, kpiri sɔn na ni Yerusalɛmùn yè bà à kir'là ci Simeyɔn. Tɔ̀ kpir'la na tereòn, è bà shia Ŋaablà jɔun. Ŋaablà na à làyiri seòn, ci wò Jaara Moo rìi nà Isirayɛlì mòdzin neè tsi, Simeyɔn na tɔ̀ rii màshua. Ŋaablà re Dzi Fɛnɛɛ na ni à ɲan.

Kɛɛradzin neè faadziɛ 2:25

Tà doùn, màsà kpiri Dawudà na wò rii gooma deò dan e re Kìtaabuà doùn nèe tsuru ci: "Kudɛyn, mun jaa na ni mùn Tsìfaà rà n biìn. À ni mun tɛyn, è bà wɔɔ̀ mun na, sànko ge mà mun bo n shɔùn waa.

Kɛɛradzin neè faadziɛ 23:1

Polì yè e jaà gban to kitsi kunun kuru blàa mòdzin neè sapɛ ra tɔ̀un, è kòmànà dzin ci: «Àwà n neema ì, è bè suu she dzu, min ne jaamabee shi jiiŋ, a ci Ŋaablà ci è fa nìi tsuru, mun na jààma jà n yɛr'la waa.»

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Kɛɛradzin neè faadziɛ 8:21

Wo nìn na ni nèe goo rèe ɲan, wo re shi to na ni à ɲan, kàtsu wo na tereòn Ŋaablà jaa ra waa.

Ɔ̀rɔ̀mùnka reè 8:4

Tɔ fau, gè riì n'a to sàrìyaa ci nìi yè fa è bà tereòn, tɔ̀ dzii yè tsyɛn mùn ɲan, mùn nìì reè na jiɛ gɔɔ̀n kàjaa tsɛ dɛ, fɔ Ŋaablà re Dzia.

Korɛntsika reè jɔ̀naà 11:2

Mun tsoo dzi ɲɛɛn ye tsɛ, è ɲɛn à tsɛ, goo gè o ge, ye taa ni mun mà, mun to kàr'nìi sìun ye ra, y'a màraɔ̀ a ci m'a sìun ye ra nìi tsuru.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Filipika reè 2:15

Tà tsuru ye bà ni ba mòdzin ì, jààma na ni nìì reè rà waa, yè bà fyɛɔ. Ye bà Ŋaablà dzin ì, fyɛ̀ na ni nìì reè rà waa, nèe waatsi ree mòdzin neè fi, twɛy nìì reè na tereòn waa, yè bà baraɔ̀. Ye den den è fi vyevyee tsuru, dziɲaan doùn.

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

Tesalonikika reè jɔ̀naà 3:13

Arì she Ŋaa yè fààn wɔ e dusùkun neè ɲàn, jààma mà jà e ra fɛnɛbee kàjaa tsɛ mùn Fà Ŋaablà jaa dzuun, mùn Tsìfa Yesù nà sii sèè e re mòò rèè sapɛ ka waa. Àmiinà !

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 2:3

Mìn ba à dzugooma xɔù rèè màr'la, m'à tɔ̀ tɔ̀ rii ɲàn, ci mùn y'a tɔ̀.

Yùxanà jɔ̀naà 3:7

N ne dziniin ì, e maà à to mòò pɛn yè e san fìrì. Mòò riì terenbee goo rèè shi jiɛ, tɔ tereòn a ci Kirisà sa tereòn nìi tsuru.