A ci y'a fàànmuɔ̀n nìi tsuru dɛyn nòn, mùn Tsìfa Yesù raa jisee sii sèè, ɲe nà bà ye yɛ̀rɛ̀blàbè saabu, a ci ye sa nà bà ɲe yɛ̀rɛ̀blàbè saabu nìi tsuru.
Àwà Ŋaablà fààn niì siɔ̀n ɲe ra, à na tɔ̀ siɔ̀n ɲe ra ye bara kamà waa, ŋà ye yè fààn tarà. Mun to kɛ̀nsɛɛn ye n yɛrɛ blabe tɔ̀ fàan kamà dɛ̀ɛnin, tɔ̀ na mun seeyràgoo waa.
À seey ni mun na min dzin ci ŋɔ̀nfyɛ̀nbe ɲe tàrau. Tà ko e sa ra, kùùnxɔ̀be ye ja mòò ɲàn goò sɔn kajaa tsɛ, à kùùnxɔ̀be ni mun sa ɲan. Mun goomaa a ci akiribɛy.
Àwà mun kɛ̀nsɛɛn ye ba à kpàdèu à jaa ra ci mun wàsaɔ ye kàjaa tsɛ, tɔ̀ na ba seeyragoo waa. È ɲɛn à tsɛ ɲe gè o ge dèu ye jaa ra, à sapɛ sààben. Tà doùn, ɲe y'à kpàdè rìi fau Tsitè jaa ra ci ɲe wàsaɔ ye kàjaa tsɛ, tɔ bàu sààben.
Tà doùn y'a kpàdè è ra twɛy ɲɛynamoo kur'lèè jaa ra, ye ɲan kɛ̀nbààbee nìi boò, tà ko y'a kpàdè è ra, ci ɲe na bara ɲɔn ye ka è jaa ra maana waa.
Mun ne jɔ̀rɔ̀kɔ reè bàu saabu neema reè giri si yè xɔbe Tsìfaà tsɛ, sɔn ye bà è re kùùnxɔ̀beè tɛ̀y yè dzi Ŋaablà re goomaa dè, arì è na shiɔ̀ tsu waa.
È kòrò mun kɔɔtɔuma nìi màshua, mun si yè bà xɔ à tsɛ, mun fa seey goo sɔn pɛn na waa. Ŋà mun akiri tsùuŋnà, ci dòònuùn ko waatsi sapɛ, Kirisà blàbee nà kpàdè mun gɔn nɔ̀n, è mun to jaama tàmafa min bà saɔn.
Ŋà, arì mun kɛ̀nsɛɛn ye ba nà kon a ci mììngè saaka rìì è ɲɛn ye re ɲɛynaà saakaà ko a faagoò tsɛ, mun taama dzi, mun taama to yè bà dzi ye sapɛ ka.
Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.
Àwà mùn Tsìfa Yesù nà sii sèè, ɲe si nà bà xɔ tsi ì rìì tsɛ, yè bà ɲe re taamadzibe ko ɲe yɛ̀rɛ̀blàbè kun, nìi ɲe re dzi tar'la màsà baanfla à bììn ? À na ye o ?
Y'a tɔ̀ sa, ci ɲe byɛunmaà ko ɲe kuun'n kuru ɲaan faumaà shɔ̀ùn Filipi wɔ̀ rɔ̀n, Ŋaabla akiritsuu siun ɲe ra, ɲe yè dzi à re Kùnàgoo Dziɔ̀ dè ye ra, kaa gir'là ko e raà sa ɲe ka.
Tà tsuru, ye baɔ̀ ɲe yɛ̀rɛ̀blàbè kun Ŋaablà re ɲɛynamoo kur'lèè doùn. È ɲɛn à tsɛ, ye ɲanshiɔ̀, ye yè bà ni ɲɛynaà tsɛ. Dzuunbweè ko byɛnbee ni ye tsɛ, ŋà ye tɔ̀ sapɛ kuɔ e ɲan.
Àwà Filemɔ̀n, wo ɲan kɛ̀nbààbee kamà, mun taama dzibeu cɛyn, min fààn tarà, è ɲɛn à tsɛ, wo baraka ɲan, n neema kpiri, Ŋaa re mòdzin neè vunun ciun.