Korɛntsika reè fiiraa 2:9 - Bible Dzùùngoo Unicode

⁹ Àwà mun ne sɛbɛɛn fa kuàn sɔn ni siin kɔn, min ye dzuun bo siin, min bà ni à tɔ̀, ye ye ba mun vu kuɔn goò sapɛ doùn o.

Korɛntsika reè fiiraa 2:9 ပူးပေါင်းရင်းမြစ်များ

Korɛntsika reè fiiraa 10:6

Ye ye dèumaà shi jiì waatsi riì bwèy y'a dzii tsyɛn, nìì reè na à shi jiɛ waa, ɲe sɔn byɛɔ̀n tà bwèy, ɲe y'à tsìì sàrà twɛy sapɛ ɲan.

Korɛntsika reè fiiraa 2:3

Tɔ̀ rii na mun ne sɛbɛɛn fa kuàn, nìi yɛ mun mà nà bè wɔ, nìì reè wù yè mun taama dzibe, twɛy yè mun taama ŋununbe waa. Mun ɲɛɔ̀n à ra ye soo sookɔɔn sapɛ kajaa tsɛ, ci mun ne taamadzibeè ye sapɛ raa rìì.

Korɛntsika reè fiiraa 2:4

Mun ko byɛnbe brisi, ko vununkɔn ko jaayu bùù rìì nèe sɛbɛn nee fau, m'a sìn ye ra. Mun na à fa m'a ka ye taama ŋununbe dɛ, ŋà ye bà ni à tɔ̀ rii, ci mun ye kɛ̀niɔ̀n fɔ è bè geren.

Korɛntsika reè fiiraa 2:8

Tà doùn mun nà nìi ka ye màxɔ̀n, tɔ̀ rii yɛ y'a kpàdè à ra ci ye y'à kɛ̀niɔ̀n.

Korɛntsika reè fiiraa 8:2

Twɛy mòdzin neè ko e re gbaa sa, dzuunbwey brìsi yè bà ni è tsɛ byɛnbee yè bà saabu, è ko taamadzibe brìsi yè e si forou cɛyn, yè kwɛ̀y fa.

Korɛntsika reè fiiraa 8:24

Tà doùn y'a kpàdè è ra twɛy ɲɛynamoo kur'lèè jaa ra, ye ɲan kɛ̀nbààbee nìi boò, tà ko y'a kpàdè è ra, ci ɲe na bara ɲɔn ye ka è jaa ra maana waa.

Filipika reè 2:12

Tɔ̀ tsuru, mun ne kɛ̀niunma rèè, è mun to ye fi, ye bàu gooma myɛnbaa ì kudɛyn. Arì she mun nibɛybeè ko e sa, ye bè jɔun, ye bà gooma myɛnbaa ì. Shiɲaanbe ko màsɔɔn doùn, ye e tsià faagoò fa.

Filipika reè 2:22

Y'a tɔ̀, Tsìmotè yè e re sɔ̀bɛ̀nbee kpàdèu nìi tsuru, nìi yɛ è yɛrɛ siun Kùnàgoo Dziɔ̀ faagoo rà mun ka a ci dzin ko fà.

Tesalonikika reè fiiraa 3:14

Tà doùn, ɲe yɛ gooma niì dèe ye ra sɛbɛn nee doùn, mòò riì ma tɔ̀ latsuù, ye tɔ̀ tsìfa kààwɔ e maà dzyèè à ka goo sɔn pɛn doùn dɛ, è bà ni seey.

Filemɔ̀n 1:21

È ɲɛn wo re vu kuan tsɛ, mun ɲɛɔ̀n à ra ci mun yɛ nìi sɛbɛn siàn wo ra, wo nà à shi jiì, fɔ è geren mun ne dèumaà tsɛ.