အွန်လိုင်း သမ္မာကျမ်းစာ

« အရင်

နောက်တစ်ခု »

Dzyèèsìbee mòdzin neè 2:3 - Bible Dzùùngoo Unicode

³ Àyìwà, tɔ̀ ye ba fau tɔ̀ tsuru ɔ, nìi mùn tsià goomaa, mùn tɔ̀ niì myɛ̀un mùn ye tɔ̀ bo e si bònè, nìi na wù è mùn tarà mùn ni dzi e tsi tɔ̀ ra ɔ ? Tsìfaà yɛ̀r'la rìì jɔ̀na tɔ̀ goò gooma deu. Nìì reè y'à myɛ̀un, twɛy yè kòmànà à dè kpàdè mùn na ci à sààben.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Dzyèèsìbee mòdzin neè 2:3
42 ပူးပေါင်းရင်းမြစ်များ

Matsiyù 23:33

È myɛn reè jà ! Fɔnfwɛyn kuru ! Y'a kɛ̀sɛɛ̀ ci ye nà dzi e vwɛyn dzùrù, ye yè e dan gbànbe jààndamaan kitsia rà.

အခန်းကိုကြည့်ပါ။

Matsiyù 4:17

Àwà Yesù yè e maaŋ tɔ̀ rii ɲàn, è waajibia faa è dziàn mòdzian nà ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

အခန်းကိုကြည့်ပါ။

Marikì 1:14

Àyìwà Yùxanà kun jiumaà shɔ̀ùn kàsoò doùn, Yesù yè dɔ̀n be Galile mar'lɔùn, è Ŋaablà re Kùnàgoo Dziɔ̀ waajibia faa.

အခန်းကိုကြည့်ပါ။

Lukì 1:69

À ɲe kɔ̀u e tsibaa barakama na, nìi Ŋaablà re faagoofadzin màsà kpiri Dawudà raa tsua mòdzian sɔn.

အခန်းကိုကြည့်ပါ။

Lukì 24:19

Yesù sa yeè è tey ci: «Fee rìì fa ɔ̀ ?» Yè dzin à ra ci: «Goo rìi Nazarɛtsika kpiri Yesù tàrau kɛ̀ ! À kabagoo goo niì reè fau, ko à gooma niì reè dèu, twɛy y'à kpàdèu, ci à bàu kɛɛra barakama Ŋaablà ko mòdzian sa re.

အခန်းကိုကြည့်ပါ။

Yùxanà 15:27

Tà tsuru nìi ye, ye sa nà mun shɛɛrɛbe fa, kàtsu, fɔ goo rèè dzii kun bwèy, ye na ni mun ka.

အခန်းကိုကြည့်ပါ။

Kɛɛradzin neè faadziɛ 2:22

Piyɛrì yè geren goomaa ka kɔn. À ci: «Ye Isirayɛlì mòdzin neè, ye e toro wɔu'n kuru wube, ye n devuà myɛ̀n: Àwà, Nazarɛtsika kpiri Yesù na mòò riì kuru, Ŋaabla tɔ̀ kpàdèu ye ra. Tɔ̀ doùn, è Yesù to ye fi, Ŋaablà y'a ka e re dzibaabe goo niì reè, ko e re kabagoo goo niì reè, ko e re tàànmàshɛn kabagooma niì reè fa kpadèu ye ra, ye na fìriɔ̀ tɔ̀ mà waa.

အခန်းကိုကြည့်ပါ။

Kɛɛradzin neè faadziɛ 4:12

À yè dzin kɔn ci: «E tsi, tɔ tàr'la Yesù soo rii ɲàn. Tà boshɔ̀ùn, Ŋaablà na mòò pɛn kpɛrɛ kpàdè dziɲantsiɛ doùn, nìi dzia mòò tsi waa.»

အခန်းကိုကြည့်ပါ။

Ɔ̀rɔ̀mùnka reè 11:14

Mun tɔ̀ faa gè riì ni à to min jaaɲininbe ɲanfu n kunsi reè rè, è swey yè bà ni tsiuma tàrà.

အခန်းကိုကြည့်ပါ။

Ɔ̀rɔ̀mùnka reè 2:3

Nìì ree twɛy goo rèè faa w'e bà è jààkia, wo sa to tɔ̀ soo rìì faa, w'e bà à kɛ̀sɛɛ̀ ci wo nà a tsi Ŋaablà raa kitsia rà gbɛ ?

အခန်းကိုကြည့်ပါ။

Korɛntsika reè jɔ̀naà 1:21

Àwà, dziɲaan ko e raa akiritsifabee na dzi Ŋaablà tɔ nìi fa e raa akiritsifabee doùn, gbaàn gɔɔ̀ raa waajibia fàkɔ̀ɔ̀nbee, Ŋaablà tɔ̀ rii seun à ka ɲɛynamoo rèè tsi.

အခန်းကိုကြည့်ပါ။

Tesalonikika reè jɔ̀naà 5:3

Mòdzian nà bà dziàn waatsi riì bwèy ci: «Jaancin ni ! Làànfyɛ ni», tɔ̀ rii bwèy, baragoò nà e gbla è tsɛ, a ci ɲìnìnbe jia tàan don kunkɔɔn tsɛ nìi tsuru. È fa e tsi waa.

အခန်းကိုကြည့်ပါ။

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

အခန်းကိုကြည့်ပါ။

Tsitè 2:11

È ɲɛn à tsɛ Ŋaablà yeè e ɲanwùɔ kpàdèu, adamàdzin mòdzian sapɛ tsià tɔ̀ niì baraka ɲan.

အခန်းကိုကြည့်ပါ။

Dzyèèsìbee mòdzin neè 1:1

Dan dan, Ŋaabla goomau ɲe fàbɔɔ rèè ka, è bo à re kɛɛra reè dzu. À tɔ̀ fau jaa giri, à y'à fa fau'n kuru gir'la.

အခန်းကိုကြည့်ပါ။

Dzyèèsìbee mòdzin neè 1:14

Mɛ̀rɛ̀kɛ rèè Ŋaablà re kɛɛra ì rìì, jaa na nìì reè jàa waa, yè bà ni Ŋaablà re faagoò rà. Nìì reè wù yè tsi gbey, Ŋaablà yeè è ka bèe, yè bè wɔ twɛy rà.

အခန်းကိုကြည့်ပါ။

Dzyèèsìbee mòdzin neè 1:2

Ŋà dòònuùn, nèe waatsi latan nee doùn, à goomau mùn ka, è bo e Dzin Kpir'la ɲàn. Àwà, Ŋaabla gè sapɛ ɲɛun è bo wò rii ɲàn, à to gè sapɛ tsifàbe wɔɔ wò rii suun.

အခန်းကိုကြည့်ပါ။

Dzyèèsìbee mòdzin neè 12:25

Tà doùn, ye e yɛrɛ kun, mòò riì goomaa ye ka, e maà e nɔn tɔ̀ re goomaa lamyɛɛ̀n mà waa. Dan dan, mòò riì yè e sarau mòdzian nà Ŋaablà re goomaa ka dzɔ̀nxɔɔ̀ tsɛ, è na e tsiì yè e toro wɔ tɔ̀ re waa. Tɔ̀un, è na e tsi byɛnbee rà waa. Tɔ̀ ye ba twɛy tàrau, nìi goomaa ɲe ka è bo fɔ jìrànxɔɔ̀ doùn doun mɔn, ɲe ye e bon wɔ tɔ̀ raa goomaa nà, ɲe nà dzi tsi dzùrù ?

အခန်းကိုကြည့်ပါ။

Dzyèèsìbee mòdzin neè 4:1

Àwà, Ŋaabla ɲànwɔma nìi làyiri seòn mùn ne tɔ̀ goò na mɛrɔɔn waa. Tà doùn, è tɔ̀ to tsùù sààn, mìn yɛrɛ kaàwɔ, mòò mà nà jà e ɲan, nìi raa goo nà à to, è to dɔ̀n bɛy waa.

အခန်းကိုကြည့်ပါ။

Dzyèèsìbee mòdzin neè 4:11

Tɔ̀ kamà, y'a to mìn maxɔbe, mìn dɔ̀n tɔ̀ ɲànwɔma nɔn. Y'a to mìn tɔ̀ fa, sànko, mòò mà nà jà mùn ɲan, Ŋaablà dzugoomaa shi jiìbɛ̀ybeè kamà, a ci ɲe fàbɔɔ rèè, è to dɔ̀n bɛy waa.

အခန်းကိုကြည့်ပါ။

Dzyèèsìbee mòdzin neè 5:9

Àwà, twɛy goo rèè y'à bàu mòdzin dziitsyɛunma. Tà tsuru, nìì reè y'à dzugoomaa blàbee, à bàu twɛy tsibaa kudɛyn.

အခန်းကိုကြည့်ပါ။

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

အခန်းကိုကြည့်ပါ။

Yùxanà jɔ̀naà 1:1

Àwà fɔ dan dan, nìi na ni, tɔ̀ yeè bà jaamabee Goomaa, ɲe tɔ̀ gooma myɛun, ɲe y'à jà e jaa ra, ɲe y'à lafyɛ, ɲe yè e si dzyɛn à ra.

အခန်းကိုကြည့်ပါ။

Yudè 1:17

Ŋà nìi ye, mun ne kɛ̀niunma rèè, mùn Tsìfa Yesù Kirisà rè kɛɛradzin neè nìi dèu dan, ye taa to tɔ̀ re.

အခန်းကိုကြည့်ပါ။

Goo kpàdèuma rèè 7:10

È na sɛ̀ɛ fààn na ci: «Ɲe re Ŋaablà riì tsùuŋnà màsà gbaaniɛn tsɛ, e tsi, tɔ ni wò rii suun, ko sààtòmòìriɛ.»

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ