Dzyèèsìbee mòdzin neè 1:3 - Bible Dzùùngoo Unicode

³ Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Dzyèèsìbee mòdzin neè 1:3 ပူးပေါင်းရင်းမြစ်များ

Matsiyù 22:24

È ci: «Kàrànfaà, kɛɛra Musà dziun ci kpir'la sɔn ye san è re tààn to dzin bɛy, tseyn kpirimaa wù è tàan ree sen, gè riì ni à to è dzin tàrà à ka, tɔ̀ yeè bà sanbaa rèe tsu.

Marikì 16:19

Àwà, Tsìfa Yesù gooma doumaà shɔ̀ùn kàràndzin neè ka tɔ̀ tsuru, à ɲan yeè sen fu bo è ɲan, è tèyn be jìrànxɔɔ̀ doùn, è bè e tsuù Ŋaablà sirama si jaa rè.

Yùxanà 1:14

Àwà, Goomaa bàu mòdzin, è tsuù mùn fi. À ɲan tsyɛɔ̀n wùɔ ko sààbeen rà. Mùn y'a nɔɔrɔɔ̀ jàu, nɔɔrɔ rìi daun Fà Ŋaablà re dzin kpiri soo raa.

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Yùxanà 1:4

Jaamabee na ni wò rii ɲàn, tɔ̀ jaamabee to yè bà na vyevyee mòdzin neè rè.

Kɛɛradzin neè faadziɛ 2:33

È sèè è blà wɔ à ɲan, à y'à tsùù e sirama si jaa rè. Yesù na Dzi Fɛnɛɛ riì làyiri seòn ɲe re, à fà Ŋaabla tɔ̀ sìun à ra. Àwà, à sa tɔ̀ Dzia rìì jàaŋnà ɲe tsɛ. Ye jaa yɛ nìi rà, ye yè bà à myɛ̀ɛn, tɔ tɔ̀ Dzia tàànmàshɛɛn nì.

Kɛɛradzin neè faadziɛ 7:56

Etsiyɛnìn yè dzin ci: «À siin, mun jaà ni ŋaablaxɔɔ̀ dzii saunmaà nà, Adamà dziàn yè bà tsìiŋnà Ŋaablà sirama si jaa rè.»

Ɔ̀rɔ̀mùnka reè 1:16

Àwà Kùnàgoo Dziɔ̀ seey na ni mun na waa, kàtsu à Ŋaablà re dzibaabe rii, sànko nìì reè sapɛ ɲɛɛn Ŋaablà ra, yè dzi tsi. È jɔ̀n Dzyèèsìbee mòdzin neè tsɛ, è suu kun kpɛrɛ mòdzin neè rà.

Ɔ̀rɔ̀mùnka reè 8:34

Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Kolosika reè 3:1

Àyìwà, ye ba kpunaun ye bo saàn ɲàn ko Kirisà ka, ye jìrànxɔ rɔ̀n naa gè rèè rìì gaa sa, Kirisà tsùuŋnà min niì, Ŋaablà sirama si jaa rè.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Dzyèèsìbee mòdzin neè 1:13

Ŋaabla dzin jàu nòn mɛ̀rɛ̀kɛ rèè kɛ̀n na ci: «Nà a tsuù n sirama si jaa rè, fɔ min b'à ɲan rèè sapɛ wɔ a san dzuun.»

Dzyèèsìbee mòdzin neè 10:12

Ŋà, Ŋaablà Jaa ra Moò, tɔ saaka jaa soo pe rii bou, nìi ni tsuù kudɛyn, è bà ni mòdzian rè gooɲaantsiɛ bo è vu ra. Tà shɔ̀ùn, è tsuù Ŋaablà sirama si jaa rè.

Dzyèèsìbee mòdzin neè 12:2

Àwà Yesù, mùn jaà gban tsùuŋma yè to tɔ̀ rii là, kàtsu mìn bà ɲɛɔ̀n Ŋaablà ra, wò rii tɔ̀ shia dzii saun, è bà à dziitsyɛnbaa. À yè e tsiiŋ, y'à gban gɔɔ̀ rà, y'à vu. Tɔ̀ yeè fa, tɔ̀ na ba à seè goo waa, kàtsu à taa na ni taamadzibe mà, Ŋaabla nìi lamɔnɔ̀n tsùuŋnà à re. Dòònuùn, è tsuuŋnà Ŋaablà sirama si jaa rè.

Dzyèèsìbee mòdzin neè 4:14

Tà doùn, Saaka Jɔundzin bla ni ɲe re, nìi ni dzyee rèè sapɛ kuùn, è bà ŋaablaxɔɔ̀ fi shɛun è bè fɔ Ŋaablà re. Tɔ̀ Saaka Jɔundzin blaa rìì Yesù, Ŋaablà Dzin Kpir'la. Tɔ̀ gàneè kamà, mùn ɲɛɔ̀n goo nìi rà, mìn to tsùù tà tsɛ m'a kun gban gban.

Dzyèèsìbee mòdzin neè 7:27

Nìi Saaka Jɔundzin dzyee reè, twɛy saakaà boò jisee sapɛ e yɛr'la raa gooɲaan neè kamà, yè sèè yè sɔn bo mòdzian raa rèè kamà. Ŋà Yesù, tɔ̀ màgoo na ni tɔ̀ ra waa. È yɛr'la rìì sìun jaa soo kerekete saaka, saaka kpɛrɛ na ni nìi shɔ̀ùn dɛ.

Dzyèèsìbee mòdzin neè 8:1

Àyìwà, mùn yɛ nìi sapɛ deè nèe, tɔ̀ goò kùngɔɔ̀ rìì yɛ, ci tɔ̀ tsuru Saaka Jɔundzin ni ɲe re, nìi tsùuŋnà Ŋaablà re màsà gbaaniɛn sirama si jaa rè, ŋaablaxɔɔ̀ doùn.

Dzyèèsìbee mòdzin neè 9:16

Àwà, à ma kpadè ci mòdzian saun fyeu, à kɛ̀nsɛɛn ye ba e shɛɛ̀n seun'n kur'la sɛbɛn fa tsuuŋnà, sɛbɛn nee shi na dzia jìì waa.

Dzyèèsìbee mòdzin neè 9:26

È ba na tɔ̀ tsuru, è sen fɔ dziɲaan jɔ̀n bwey, à na nà bà byɛn jaa giri faɔ̀. Ŋà, nèe waatsi latan nee ɲan, à nàu, è nà e yɛrɛ sin saaka jaa soo pe rii, sànko è gooɲaan fàan bara.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Piyɛrì jɔ̀naà 3:22

À tèyn bèu jìrànxɔɔ̀ doùn, è bà tsùuŋnà mɔn Ŋaablà sirama si jaa rè. Mɛ̀rɛ̀kɛ rèè ko kùntsii rèè, ko dzibaabe reè sapɛ koroòn à re.

Piyɛrì fiiraa 1:16

Ɲe na e gban mòdzin ì kɛ̀sɛmà raa sina cee goòmà ì kpɛyn ɲe yè mùn Tsìfa Yesù Kirisà rè dzibaabee ko à nàa gooma de ye ra dɛ, ŋà, ɲe yɛ̀r'la jaadzin ni ɲɛun à blàbee mà.

Piyɛrì fiiraa 1:17

È ɲɛn à tsɛ, à blàbee ko nɔɔrɔɔ̀ tàrau è bo Fà Ŋaablà re waatsi riì bwèy, vu sɔn daun è bo Ŋaablà ko e nɔɔrɔ wùɔ rè, tɔ̀ ye dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na.»

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 3:5

Y'a tɔ̀ ci Yesù nàu, è bà ni mòdzian rè gooɲaantsiɛ mɛɛy bo è vu ra, nìi to y'à yɛ̀r'la, gooɲaantsii na ni à vu ra waa.

Yudè 1:25

Ŋaablà soo pee, mùn Tsibaà, Yesù Kirisà, mùn Tsìfaà, tɔ̀ baraka ɲan, nɔɔrɔɔ̀, ko màsàbee, ko dzibaabee, ko kùntsììbee, twɛy yè ɲɛn à tsɛ è sen fɔ dan, è nà dòònuùn nà, è be suu fɔ waatsia sapɛ dzu. Àmiinà !

Goo kpàdèuma rèè 3:21

Mòò riì ye ba dzibaa, mun nà tɔ̀ tsùù n ka n ne màsà gbaaniɛn tsɛ, a ci mun sa bàu dzibaa nìi tsuru, min bè n tsuù n Fa Ŋaablà ka e re màsà gbaaniɛn tsɛ.

Goo kpàdèuma rèè 4:11

«Mùn Tsìfaà ko mùn ne Ŋaablà, wo wù nɔɔrɔɔ̀ ko blàbee, ko dzibaabee ka. Wo wù tɔ̀ ka, kàtsu wo gè sapɛ ɲɛun. À bàu wo sàò yè bà ni, wo to yè è ɲɛn.»