Dzyèèsìbee mòdzin neè 1:2 - Bible Dzùùngoo Unicode

² Ŋà dòònuùn, nèe waatsi latan nee doùn, à goomau mùn ka, è bo e Dzin Kpir'la ɲàn. Àwà, Ŋaabla gè sapɛ ɲɛun è bo wò rii ɲàn, à to gè sapɛ tsifàbe wɔɔ wò rii suun.

Dzyèèsìbee mòdzin neè 1:2 ပူးပေါင်းရင်းမြစ်များ

Matsiyù 13:39

Ɲan nìi bèu vundzin ɲaan sɛ̀n, tɔ Sànwɔbaà rìì. Shìmàn gaa, tɔ dziɲan latan bwey. Shìmàn gaa reè, twɛy yè bà mɛ̀rɛ̀kɛ rèè.

Matsiyù 17:5

Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !»

Matsiyù 21:38

Ɛ̀rɛ̀nzhɛ̀ndzuà faagoo fa reè dzin kpirimaa jàu min niì, yè dzin e si ra ci: "À shɛnsenbaà rìì yɛ, y'a wa m'a vu m'a re shɛɛ̀n tàrà bà e raa."

Matsiyù 26:63

Yesù yè e mɛnshɛ̀n. Saaka Jɔundzin blaa yè dzin à ra kɔn ci: «Ŋaablà jaamaa tsoò kamà, à dè mùn na wo rìì ye ba Ŋaablà Jaara Modzìàn, Ŋaablà Dzin Kpir'la.»

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Matsiyù 3:17

Vu sɔn yeè bo ŋaablaxɔ rɔ̀n tɔ̀un, tɔ̀ yeè dzin ci: «Min Dzin Kpir'liì kɛ̀niɔ̀n, nèe tɔ̀ rii. À goò dzi mun na fɔ è bè geren.»

Marikì 1:1

Yesù, Ŋaablà Jaara Moò, [Ŋaablà Dzin Kpir'la], tɔ̀ re Kùnàgoo Dziɔ̀ dziikuan nì siin.

Marikì 12:6

Àwà, è to dzùtsià dzin kpiri soo pee dòònuùn, à tɔ̀ niì kɛ̀niɔ̀n fɔ è bè geren. À lataan, è tɔ̀ ka è re, è dzin ci: "È kpɛ̀yn nà blà wɔ mun dzin kpir'la ɲàn."

Marikì 12:7

Ɛ̀rɛ̀nzhɛ̀ndzua faagoo fa reè dzin kpirimaa jàu min niì, yè dzin e si ra ci: "À shɛnsenbaà rìì yɛ nèe, y'a wa m'a vu, shɛɛ̀n yè bà mùn naa."

Yùxanà 1:10

Goomaa na ni dziɲan na. Wò rii baraka ɲan, Ŋaabla dziɲan ɲɛun, tà ko e sa ra, dziɲan na à tɔ̀ waa.

Yùxanà 1:14

Àwà, Goomaa bàu mòdzin, è tsuù mùn fi. À ɲan tsyɛɔ̀n wùɔ ko sààbeen rà. Mùn y'a nɔɔrɔɔ̀ jàu, nɔɔrɔ rìi daun Fà Ŋaablà re dzin kpiri soo raa.

Yùxanà 1:3

Goomaa nì baraka ɲan, Ŋaabla gè sapɛ ɲɛun, gèsɔn pɛn na ɲɛn à shɔ̀ùn waa.

Yùxanà 13:3

Yesù na à jaa tɔ̀, ci Fà Ŋaabla goò sapɛ dzyeèma wɔɔ wò suun, wo daun w'e bo Ŋaablà rii lè, wò to nà e kpɛyn sèè wò rii lè.

Yùxanà 13:32

[À saabu rɔ̀n Ŋaablà blabee ye tɔ], Ŋaablà yɛr'la sa nà à to, à blàbee yè tɔ̀ wò saabu rɔ̀n. À nà tɔ̀ fa dòonen.

Yùxanà 15:15

Mun na ye kir'là faagoofadzin ì dɛ, kàtsu nìi faagoofadzian, tɔ̀ na sɔn tɔɔ̀ e kuntsiɛ̀ rè goo rèè ɲàn waa. Ŋà, mun ye kir'là n dzunwɛynsi ì, kàtsu, mun goo o goo myɛ̀un n Fa Ŋaablà re, mun y'à tou ye yè tɔ̀ sapɛ tɔ.

Yùxanà 16:15

Gè o ge mun Fà Ŋaablà raa, tɔ mun sa raa rìì. Tɔ̀ rii kamà, mun ci Dzwɛ̀mabaà nà nìi tàrà bo mun ne, à nà ye toro kɔ̀ tɔ̀ ra.»

Yùxanà 17:2

Tɔ̀ fa, kàtsu wo fààn siun à ra, è bà ni dziɲan modzian sapɛ kuùn. Tà tsuru, wo nìì reè sapɛ wɔɔ à suun, è jaamabe dziù dòbɛɛ sìn twɛy rà.

Yùxanà 3:16

Ɔ̀ɔn, Ŋaabla dziɲan modzian kɛ̀niun, à yè è kɛ̀n, fɔ è Dzin Kpiri soo sìn saaka, sànko mòò o moò ye ɲɛn tɔ̀ ra, tɔ̀ tsìfa mà bara waa, ŋà, è jaamabe dziù dòbɛɛ tàrà.»

Yùxanà 3:25

Àwà, sɔ̀swɛy yè nà fù Yùxanà rè kàràndzin neè swey ko Dzyèèsìbee mòdzin sɔn fi. Mòo dzia fɛnɛbe nìi tsuru, è bè làndà shià tsɛ, è na tɔ̀ rii gooma deè.

Yùxanà 5:26

Jaamabee ni Fàà ɲàn nìi tsuru, à y'à sìun Dzin Kpirimaa nà, è bà ni tà sa ɲan tɔ̀ tsuru.

Yùxanà 5:27

Àwà, à kitsi kun'na dzi siun Dzin Kpirimaa nà, kàtsu, à Adamà dziàn.

Yùxanà 9:29

Ɲe y'à tɔ̀, ci Ŋaabla goomau Musà ka. Ŋà, nìi nèe kpir'lee, ɲe na tɔ̀ danmà tɔ̀ dɛ.»

Kɛɛradzin neè faadziɛ 10:36

Ŋaablà yeè e re goomaa dèu Isirayɛlì mòdzin neè rà, nìi Kùnàgoo Dziɔ̀. À tɔ̀ xɛɛrɛ goòmàà dèu è ra, è bo à Jaara moo Yesù rìì ɲàn, tɔ̀ riì mòdzian sapɛ tsifaà.

Kɛɛradzin neè faadziɛ 2:17

"Goo nìi reè nà fa dziɲaan dò bwey, twɛy rìì siin: Mun Ŋaabla nà n ne Dzia jàà dziɲantsiɛ doùn mòdzian sapɛ tsɛ. Tɔ̀un, ye dzin kpir'leè ko ye dzin taan reè nà mun ne kɛɛrabee fa. Ye re dzunwɛyn neè nà bà jɛ̀y faa, ye re mòòbɔɔ rèè yè bà sìràn nèè faa, yè goo rèè jàa twɛy doùn.

Ɔ̀rɔ̀mùnka reè 1:4

À kpunan boumaà fùn nèè fi, Ŋaablà re Dzi Fɛnɛɛ y'à kpàdèu dzibaabe ka ci à Ŋaablà dzin, Yesù Kirisà, mùn Tsìfaà.

Ɔ̀rɔ̀mùnka reè 8:17

Tà doùn, mìn ba à dzin ì, mùn shɛnsenbaa ì sa: Ŋaablà shɛnsenbaa ì ko Kirisà shɛnsensi ì, è ɲɛn à tsɛ, mìn ba ni byɛnbee rà ko à ka, nɔɔrɔ nà ɲɛn mùn sa tsɛ ko à ka.

Korɛntsika reè jɔ̀naà 2:7

Ŋà Ŋaablà raa akiritsifabee, ɲe tɔ̀ rii gooma deè. Tɔ̀ akiritsifabee na gòndo mɛnɛn tsùuŋma, Ŋaabla na nìi ŋɛ̀nɛ̀ɲaɔ̀n sani dziɲan ye ɲɛn, è bà ni à ka nɔɔrɔ ɲɛn ɲe tsɛ.

Korɛntsika reè jɔ̀naà 8:6

Ŋà ɲe re, Ŋaablà soo pe rii ni, nìi Fàà, gè sapɛ boo tɔ̀ niì ɲan, mùn yeè bà à raa, ko Tsìfa soo pe, nìi Yesù Kirisà, gè sapɛ ni tɔ̀ niì baraka ɲan, ɲe sa ni nìi baraka ɲan.

Galatsika reè 4:4

Ŋà waatsi riì na kpàdeò tɔ̀ dzii tsyɛun min niì, Ŋaablà yeè e Dzin Kpir'la ka na, è nà kere tàan re, sàrìyaa dzuun.

Efɛsika reè 1:10

Tɔ̀ làtigɛɛ doùn, à nà nìi fa, tɔ̀ rii yɛ, tɔ̀ waatsia dzii ye tsyɛn waatsi riì bwèy, è jìrànxɔ̀ dòùn gee sapɛ, ko dzɔ̀nxɔ̀ tsɛ̀ gee sapɛ ladzyèè soo, kùntsii soo yeè bà ni è sapɛ re, nìi Yesù Kirisà.

Efɛsika reè 3:9

Tɔ̀ gòndo riì na mɛnɛn tsùuŋnà fɔ waatsi gbaan gè sapɛ ɲɛnbaa Ŋaablà ɲan, tɔ nà kun nìi tsuru, min tɔ̀ bo vyevyeè rà mòdzian sapɛ re.

Dzyèèsìbee mòdzin neè 1:5

Àwà, Ŋaabla dzin jàu mɛ̀rɛ̀kɛ rèè kɛ̀n ni nà nèe tsuru ci: «Wo rìì mun Dzin Kpir'la, Mun bàu wo Fàà she.» À to dzin jàu è kɛ̀n ne goo ɲan nèe tsuru kɔn ci: «Mun nà bà à Fà, è bà mun dzin.»

Dzyèèsìbee mòdzin neè 1:8

Ŋà, à Dzin Kpir'la, à dziun tɔ̀ raa goò ɲàn ci: «Dò na ni wo raa màsàbee mà waa Ŋaablà. Wo màsàbee faa a re mòò rèè tsɛ ko sààben ka.

Dzyèèsìbee mòdzin neè 11:3

Mùn ɲɛɔ̀n Ŋaablà ra nìi fa, tɔ̀ rii y'à tou m'a tɔ̀, ci goomaa nì baraka ɲan, Ŋaabla dziɲan ɲɛun. Tà tsuru, mùn jaa ni gè o ge rà dziɲan doùn, Ŋaabla twɛy sapɛ ɲɛun, è bo gè ɲàn, jaadzin na nìi jàa waa.

Dzyèèsìbee mòdzin neè 2:3

Àyìwà, tɔ̀ ye ba fau tɔ̀ tsuru ɔ, nìi mùn tsià goomaa, mùn tɔ̀ niì myɛ̀un mùn ye tɔ̀ bo e si bònè, nìi na wù è mùn tarà mùn ni dzi e tsi tɔ̀ ra ɔ ? Tsìfaà yɛ̀r'la rìì jɔ̀na tɔ̀ goò gooma deu. Nìì reè y'à myɛ̀un, twɛy yè kòmànà à dè kpàdè mùn na ci à sààben.

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Dzyèèsìbee mòdzin neè 4:14

Tà doùn, Saaka Jɔundzin bla ni ɲe re, nìi ni dzyee rèè sapɛ kuùn, è bà ŋaablaxɔɔ̀ fi shɛun è bè fɔ Ŋaablà re. Tɔ̀ Saaka Jɔundzin blaa rìì Yesù, Ŋaablà Dzin Kpir'la. Tɔ̀ gàneè kamà, mùn ɲɛɔ̀n goo nìi rà, mìn to tsùù tà tsɛ m'a kun gban gban.

Dzyèèsìbee mòdzin neè 5:8

À bàumaà ko e raà sa Ŋaablà Dzin Kpiri, à byɛnbe niì fau, tɔ̀ y'a tou, è Ŋaablà dzugoomaa blàbeu'n kuru tɔ.

Dzyèèsìbee mòdzin neè 7:28

Musà rè sàrìyaa mòò riì reè tsùɔ Saaka Jɔundzin ì, twɛy mòdzin ì, nìì reè ŋɔn fyɛn. Ŋà, sàrìyaa raa goò shɔ̀ùn, Ŋaabla làyir'là seun è mòò riì tsùù Saaka Jɔundzin, tɔ y'a Dzin Kpir'la rìì, è bà à baɔ̀ modzin dziitsyɛunma kudɛyn.

Dzyèèsìbee mòdzin neè 7:3

Mòò na à fà tɔ̀, mòò na à na tɔ̀, à to boo tsu riì ɲàn, mòò na tɔ̀ tsu tɔ. Mòò na à kere goòmà deò min sɔn pɛn, mòò to na à san goòmà deò min sɔn pɛn. À saakagoojaabobaa kudɛyn a ci Ŋaablà Dzin Kpir'la.

Dzyèèsìbee mòdzin neè 9:26

È ba na tɔ̀ tsuru, è sen fɔ dziɲaan jɔ̀n bwey, à na nà bà byɛn jaa giri faɔ̀. Ŋà, nèe waatsi latan nee ɲan, à nàu, è nà e yɛrɛ sin saaka jaa soo pe rii, sànko è gooɲaan fàan bara.

Piyɛrì jɔ̀naà 1:20

Sani dziɲaan yè ɲɛn, à goò na tɔ̀ tsùuŋnà nòn. È kòmànà kpàdè nèe waatsi latan nee ɲan, ye kamà.

Piyɛrì fiiraa 3:3

Soore, ye bà à tɔ̀ ci waatsi latan neè ɲàn, ɲànŋmɛ̀ynfabaa ì nà nà, ɲànŋmɛ̀yn goo reè ni ji nìì reè ɲàn, è yɛ̀r'leè kur'la goo ɲaan neè yè bà è kuru kuɔn.

Yudè 1:18

È na dziàn ye ra ci: «Waatsi latan neè ɲàn, ɲànŋmɛ̀ynfabaa ì nà bà ni, è yɛ̀r'leè kur'la goo ɲaan neè yè bà è kuru kuɔn è ɲɛn è re Ŋaablà jɔun shiɲaanbɛybeè tsɛ.»