Goo kpàdèuma rèè 8:9 - Bible Dzùùngoo Unicode

⁹ Kòòyu rɔn jaama ge ɲɛunma rèè tara zhiigia tara soo sapɛ yeè san. À tsɛ konkor'neè tara zhiigia tara soo sapɛ yeè bara.

Goo kpàdèuma rèè 8:9 ပူးပေါင်းရင်းမြစ်များ

Goo kpàdèuma rèè 12:4

À kplaa yè jìran nɔ̀n swɛyn nèè tara zhiigia tara soo fla bo mɔn, è maa dzɔ̀nxɔɔ̀ tsɛ. Tɔ̀un, kparan ɲaan yè bè e tsiì taàn donkunkɔɔn jaaterema, à y'à dziàn shù tsùù, à ye kere min niì, wò y'a ɲɔn bo mɔn.

Goo kpàdèuma rèè 16:3

Mɛ̀rɛ̀kɛɛ̀ fiiraa yè e raa yukuɔn ɲankere ji kòòyua tsɛ. Kòòyua sapɛ yeè bà tsììn, a ci mòdzin saunma raa. Kòòyu rɔn jaama gee sapɛ yeè san.

Goo kpàdèuma rèè 8:10

Tà shɔ̀ùn, mɛ̀rɛ̀kɛɛ̀ zhììgìraa yè vur'la fyɛ. Swɛyn brìsi yè shɛn bo jìran nɔn, à deon a ci sàkɔ̀ɔ̀dziira, è nà mɛɛy ba rèè tara zhiigia tara soo tsɛ, ko donkungɔ reè.

Goo kpàdèuma rèè 8:12

Tà shɔ̀ùn, mɛ̀rɛ̀kɛɛ̀ nààlènaa yè vur'la fyɛ. Tɔ̀un, bwèè, ko kuɔ̀, ko swɛyn nèè baragoò yè twɛy tàrà, è tara zhiigia tara soo soo reè sapɛ yeè siin yè tsì. Bwèè tara zhiigia tara soo vyeè na ba bɛrɛ dɛ, feèn tà tsuru.

Goo kpàdèuma rèè 8:7

Mɛ̀rɛ̀kɛɛ̀ jɔ̀naà yè vur'la fyɛ tɔ̀un. Sankaamadzian, ko sàà, ko tsìɛn gbiimaunmaà e si ɲan, tɔ̀ yeè kere ji dzɔ̀nxɔɔ̀ tsɛ. Dzɔ̀nxɔɔ̀ tara zhiigia tara soo sapɛ yeè dzu, gɔ̀ɔ rèè tara zhiigia tara soo sapɛ yeè dzu, vun ciraan sapɛ yeè dzu.

Goo kpàdèuma rèè 9:15

Twɛy mɛ̀rɛ̀kɛ nààlen nèè mabyɛ̀n tsuuŋnà jii niì, ko kuu nìi, ko jisee niì, ko waatsi niì kamà, tɔ̀ wɔumaà, twɛy yè foro tɔ̀un, yè bà ni dzɔ̀nxɔɔ̀ mòdzian tara zhiigia tara soo sapɛ vu.

Goo kpàdèuma rèè 9:18

Tɔ̀ sàà, ko sàtsur'la, ko gìrìbi rìi na boò shù rèè dzu, tɔ̀ gooɲaan zhiigia yè mòdzian tara zhiigia tara soo sapɛ vu.