Filipika reè 4:3 - Bible Dzùùngoo Unicode

³ Wo rìi sa to mun faagoofasi taki takìà, m'a gaa a re, e wɔ è ra. È wɔu mun na Kùnàgoo Dziɔ̀ faagoò doùn, è ɲɛn Klemà tsɛ ko mun faagoofasi dzyee reè sapɛ. È sapɛ tsoo rèè sɛbɛɔ̀n jaamabee sɛbɛɛn doùn.

Filipika reè 4:3 ပူးပေါင်းရင်းမြစ်များ

Lukì 10:20

Ye re fààn ɲinaunmaà ko e sa kwey rèè mà, e maà tɔ̀ bà e taama dzibee goo waa. Ye tsoo rìi sɛbɛunma ni arìjinɛɛ̀ doùn Ŋaablà re, ye e taama dzibe tɔ̀ rii là.»

Ɔ̀rɔ̀mùnka reè 12:1

Tà doùn, n neema ì, è ɲɛn Ŋaablà re màtsur'la tsɛ, mun ye màxɔ̀ɔn, ci ye e yɛrɛ sin Ŋaablà ra saaka jaama, nìi fɛnɛɔ̀, è bà dzi Ŋaablà ra. Tɔ̀ rii nà bà Ŋaablà blabèù'n kuru taki ye re.

Ɔ̀rɔ̀mùnka reè 16:12

Ye tswɛ̀y sin Tsirifayinà ko Tsirifosà rà, twɛy tàan nìì reè yè e yɛrɛ siun faagoò rà Tsìfaà rè. Ye tswɛ̀y sin Pɛrɛsisì sa ra, tàan kɛ̀niunmaà, tɔ̀ niì sa faagoo giri fau Tsìfaà rè.

Ɔ̀rɔ̀mùnka reè 16:9

Ye tswɛ̀y sin Uribɛ̀n nà, mùn faagoofasià Kirisà ɲàn, ko Sitakisì, mun ne kɛ̀niunmaà.

Filipika reè 1:12

Neema ì, mun sào ni ye yè nìi tɔ̀, tɔ̀ rii yɛ ci goo nìì reè mun tàrau, tɔ bàu saabu rìì, Kùnàgoo Dziɔ̀ yè bè jɔun.

Filipika reè 1:16

Twɛy y'à dèe kɛ̀nbààbe ka, kàtsu y'à tɔ̀ ci mun tsùuŋnà Kùnàgoo Dziɔ̀ sààbeen dèè rìì kamà.

Filipika reè 1:27

Ŋà ye e re jaamabee fa rii, a ci Kirisà rè Kùnàgoo Dziɔ̀ ci è fa nìi tsuru. Tà tsuru, mun bèu ye siin ò, mun to na be ò, mun y'à myɛ̀n ci ye san gbaɔn akiri soo ka, ye yè bà ni ɲɛynaà Kùnàgoo Dziɔ̀ sikuan nà esire.

Filipika reè 1:5

È ɲɛn à tsɛ, ye yè e nin wɔu Kùnàgòò Dzìù dee faagoò ɲàn mun ka, fɔ à jisee jɔnaa, è bè suu dòònuùn dzu.

Filipika reè 1:7

Min bà n kɛsɛɛ̀ tɔ̀ tsuru ye sapɛ ra, tɔ tereòn, è ɲɛn à tsɛ, ye goojaa ni mun duùn. È mun to jɔ̀rɔ̀kɔ reè dzu, min bà Kùnàgoo Dziɔ̀ sààbeen dèe m'a sàn gban, ye sapɛ nin ni tà doùn Ŋaablà ɲanwùɔ ɲàn, mun ka.

Filipika reè 4:2

M'a gaa neema taan Evodzì rè, m'a gaa neema taan Sɛntsishì rè, ci yè e maxɔbe, yè byɛ̀n soo ma Tsìfaà ɲàn.

Kolosika reè 1:7

Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.

Goo kpàdèuma rèè 17:8

Wo kpar'niì jàu, à na ni, ŋà à na ni dɛ. À nà nà tèyn bo kɔ̀ɔ̀ tsun gbloùntòò doùn, è bè e barama nɔ̀n. Tɔ̀un, mòdzin niì reè ni dzɔ̀nxɔɔ̀ tsɛ, è tsoo na sɛbɛɔ̀n Ŋaablà re jaamabee sɛbɛɛn doùn waa, è sen fɔ dziɲaan jɔ̀n bwey, twɛy nà kpar'nee jà, è ji è dzii tsɛ. À nà ji è dzii tsɛ, kàtsu à na ni, ŋà à na ni dɛ, à to nà sèè jà kɔn yeu.

Goo kpàdèuma rèè 20:12

Tà shɔ̀ùn kɔn, min mòdzin saunma rèè jà, modzin bla sen ɲɛn modzin kiɲaanin tsɛ, è tsìiŋnà màsà gbaaniɛn jaaterema. Sɛbɛn ì dzii yè san tɔ̀un. Sɛbɛn kpɛrɛ sa yeè san, nìi jaamabee sɛbɛɛn. Kitsia yè kùnùn mòdzin saunma rèè tsɛ è kòrò ko è faadziɛ ka, tɔ̀ niì sɛbɛɔ̀n sɛbɛn neè doùn.

Goo kpàdèuma rèè 20:15

Mòò o moò tsoo sɛbɛunma na ja jaamabee sɛbɛɛn doùn, twɛy sapɛ yeè maa sà blà rɔn.

Goo kpàdèuma rèè 21:27

Goo nootsi pɛn fa dɔ̀n mɔn, Ŋaablà cɛn goofabaa fa dɔ̀n mɔn, doodebaa to fa dɔ̀n mɔn, fɔ nìì reè tsoo sɛbɛɔ̀n sààtòmòìriɛ rè jaamabee sɛbɛɛn doùn.

Goo kpàdèuma rèè 3:5

Àwà, mòò riì ye ba dzibaa, tɔ̀ sa nà vya fyɛ ì wɔ tɔ̀ tsuru. Mun fa à tsoò tsùsa bo jaamabee sɛbɛɛn doùn waa, mun to nà n tsiì à ra n Fa Ŋaablà ko e re mɛ̀rɛ̀kɛ rèè jaa ra, ci m'a tsìfa tɔ̀.