Efɛsika reè 5:4 - Bible Dzùùngoo Unicode

⁴ Seey bɛy goòmà rèè, gooma kuntan neè ko gooma kor'nèè, twɛy tsu na dàaŋnà, fɔ gooma niì reè baraka sìan Ŋaablà ra.

Efɛsika reè 5:4 ပူးပေါင်းရင်းမြစ်များ

Marikì 7:22

ɲànmɔ̀ɔ̀beè, jaacɛnbɛybeè, ɲanbee, mòdzìn sànfir'la, kɛ̀kɛ̀ɛ̀y goo reè, jaaɲininbeè, mòdzìn tsòò bar'la, yɛ̀rɛ̀blàbeè, ko akiribɛybeè.

Yùxanà 6:23

Jàmaà bur'la ɲɔun min niì Tsìfaà rè baraka sìunmaà shɔ̀ùn Ŋaa ra, konkoron swey na daɔn Tsiberiyadzì wɔ̀ rɔ̀n, yè nà e tsiì tɔ̀ gàneè tààkuùn.

Ɔ̀rɔ̀mùnka reè 1:28

È na e tsiì yè Ŋaabla tɔ cɛyn nìi fa waa, tɔ̀ kamà Ŋaablà sa yeè è ko e akiri ɲaan to e si ra, yè goo dàà bɛɛ faa.

Korɛntsika reè fiiraa 1:11

Ye sa re Ŋaablà mafyɛ̀nkɔɔn ɲe re, ye nà wɔ ɲe ra tɔ̀ ka. Tà tsuru, ɲe nà Ŋaablà ɲanwùɔ kwɛ̀yge rìi tàrà mòò gir'le màfyɛyn baraka ɲan, tɔ nà bà baraka sian goo Ŋaablà ra mòò gir'le, ɲe kamà.

Korɛntsika reè fiiraa 9:15

Baraka yè sìn Ŋaablà ra è ɲɛn à re kwɛ̀ɛ tsɛ, nìi jaa tsu fa dzi de !

Efɛsika reè 1:16

kudɛyn mun baraka sìan Ŋaablà ra ye kamà, mun taa to yè bà ni ye mà n ne Ŋaabla mafyɛyn nèè doùn.

Efɛsika reè 4:29

Gooma ɲaan pɛn mà bo e dzu, fɔ gooma wuu, nìi dzia fààn wɔ e myɛnbaa rèè ɲàn, è wùù fa è ra, à màgoo ye ba ni.

Filipika reè 4:6

E maà vyɛ̀ɛ̀y goo sɔn pɛn na waa. Ŋà goò sapɛ doùn, e magoo ni nìi rà, y'a gaa Ŋaablà re ko màfyɛyn ka, ye baraka sìn à ra.

Kolosika reè 3:8

Àwà dòònuùn, ye san bo à sapɛ ɲan: vununta ò, ɲanacin ò, ɲanbe o, ɲɛ̀yn o, tà ko seey bɛy goòmà nìì reè sapɛ boò e dzu.

Tesalonikika reè jɔ̀naà 3:9

Ye yɛ ɲe taama dzibeò nìi tsuru Ŋaablà jaa dzuun, ɲe na à tɔ̀ ɲe nà tswɛ̀y riì sìn Ŋaablà ra ye kamà waa.

Tesalonikika reè jɔ̀naà 5:18

Goo sapɛ doùn, ye baraka sìn Ŋaablà ra, kàtsu tɔ̀ rii y'à sàɔ ye kàjaa tsɛ, Yesù Kirisà ɲàn.

Filemɔ̀n 1:8

Tɔ̀ kamà, min goo ji wo jɔun a ci à wù è fa nìi tsuru, Kirisà mun labaɔ̀ kàjaa sapɛ tsɛ tà doùn.

Dzyèèsìbee mòdzin neè 13:15

Yesù baraka rɔ̀n, mùn yeè tsoo dzi ɲɛɛn Ŋaablà tsɛ kudɛyn, tɔ̀ yeè bà mùn ne saaka bokɔɔn à re. Tɔ̀ dzuɔn, Ŋaablà tsoò yè bà ni mùn dzu waatsi sapɛ.

Piyɛrì fiiraa 2:18

Gooma bla blaa ni è dzu, dzin to na ni à doùn. Tà tsuru, mòdzin niì reè ni fìr'là gè doùn, nìì reè yè e tsiɔ twɛy rà yeu, è twɛy màniɛ̀n gɔɔ̀n kur'la goo seeybɛyma reè ka, yè è kùnànban.

Piyɛrì fiiraa 2:7

Ŋà Lotsì, è tɔ̀ tsi kàtsu tɔ̀ na mòdzin tereunma, twɛy gooɲaan fa reè rè seeybɛy goo reè yè bà na à xɔn biiŋnà fɔ è bè geren.

Yudè 1:10

Twɛy mòdzin neè na nìi tɔ̀ waa, è tɔ̀ rii tsoo bar'la. È ko e dzwɛka akir'la to nìi tɔ̀, twɛy rìì yè bar'la.

Yudè 1:13

È ni a ci kòòyua fù tèynkɔɔn ku reè, è kànkankɔɔn yè è seeyragoo reè bo jia. Yè bà ni a ci swɛyn tsyeerekɔɔn ì, tsitsiì tsìù bian nì màrà tsùuŋnà è tɛyn kudɛyn.