Efɛsika reè 5:3 - Bible Dzùùngoo Unicode

³ Kɛ̀kɛ̀ɛ̀ybeè ko goo nooŋmaà kaatsi gè o ge, ko jaacɛnbɛybeè, twɛy tsoo tsu mà kiri e fi waa, kàtsu tɔ̀ na dàaŋnà Ŋaablà re mòò rèè fi waa.

Efɛsika reè 5:3 ပူးပေါင်းရင်းမြစ်များ

Matsiyù 15:19

Goo nìì reè boò duùn nɔ̀n, tɔ̀ rii yɛ, kɛ̀sɛmà ɲaan neè, ko mòdzìn vua, ko ɲànmɔ̀ɔ̀bee ko kɛ̀kɛ̀ɛ̀ybeè, ko shɔnbeè, ko doò, ko tsoo bara goo reè.

Lukì 12:15

Tà shɔ̀ùn, Yesù yè dzin jàmaà nà ci: «Ye e yɛrɛ kaàwɔ ! Ye e yɛrɛ kun nàfor'la kɛ̀n gereunmaà nà. Fee kamà min tɔ̀ dè, a kɛnsɛɛn ye nàfor'la tàrà dzii o dzii, a re jaamabee na ni tɔ̀ suun dɛ !»

Lukì 16:14

Àyìwà, Faridziɲɛn rèè dziu twɛy gooma reè myɛ̀n Yesù dzu min niì, yè jiran à mà, kàtsu è na ɲɛɛn kɛ̀niɔ̀n fɔ è bè geren.

Kɛɛradzin neè faadziɛ 15:20

Ŋà, mùn yeè sɛbɛn ni ka è re, mùn y'a dè è ra tà doùn, ci è mà ɲɔ̀n kɔɔ shu tàà waa. Ci yè dzi e re saaniin fɛɛ̀ rà. Ci è mà shu còrò vuuma tàà waa, è to mà shu tsiin ɲɔn waa.

Kɛɛradzin neè faadziɛ 20:33

Mun na n jaàn bo ɲɛyn ne, mun na n jaàn bo sɛn'ne, mun to na n jaàn bo mòò pɛn ne vya ì rè.

Ɔ̀rɔ̀mùnka reè 1:29

È ɲan tsyɛɔ̀n terenbɛybe goo kaatsià sapɛ ka, ɲanbee, kur'la goo ɲaan neè, jaaɲininbeè, mòdzìn vua, kaà, jàànfaà, ɲaan kaatsià sapɛ. È tsoo bar'la faa.

Ɔ̀rɔ̀mùnka reè 16:2

Y'a ladɔn Ŋaa re mòdzin neè ladɔun'n kur'la. À màgoo nà tsìì e ra goo o goo ra, ye wɔ a ra tɔ̀ ka. È ɲɛn à tsɛ, à mòò giri dzwɛ̀mau, arì mun yɛ̀r'la.

Ɔ̀rɔ̀mùnka reè 6:13

E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re.

Korɛntsika reè jɔ̀naà 10:8

Mùn mà bà kɛ̀kɛ̀ɛ̀ygòòfabaa ì a ci è swey y'à fau nìi tsuru waa, fɔ è bè wɔ è mòkun gbaa mòo zhììgi ye san bwèy sɔn doùn.

Korɛntsika reè jɔ̀naà 5:1

Àwà mùn y'a myɛ̀ɛn min niì sapɛ, ci kɛ̀kɛ̀ɛ̀ybe ni ye fi, arì nìi kaatsi na ni ɲɛynabɛy reè tsu fi waa. À dèe ci ye ɲan, sɔn ni e fa rè tààn ka.

Korɛntsika reè jɔ̀naà 6:13

Ɲwɛyn ge rèè, twɛy doòn raa, doòn tɔ̀ yeè bà ɲwɛyn ge rèè raa. Ŋaablà to nà twɛy fiɛ̀ sa bara bo mɔn. Ŋà gɔɔ̀n, tɔ̀ na kɛ̀kɛ̀ɛ̀ybee raa waa. À Tsìfaà raa rìì, Tsìfaà yè bà à raa.

Korɛntsika reè jɔ̀naà 6:18

Ye vwɛ̀yn kɛ̀kɛ̀ɛ̀ybee jɔun ! Mòdzin gooɲaan dzyee niì reè sapɛ faa, à sapɛ gɔɔ̀n dà kèrè goo, ŋà kɛ̀kɛ̀ɛ̀ybee, tɔ gooɲaan, à nìi faa e yɛr'la gɔɔ̀n rà.

Korɛntsika reè fiiraa 12:21

Mun shiɔ̀ ci mun nà nà dɔ̀n bo rìi fa ye re mɔn kɔn, mun ne Ŋaabla mà nà bè mun màjàà ye kamà waa. Mun mà nà gɛyn mòò giri kamà, twɛy nìì reè sapɛ gooɲaan fa dɔun è to na e tsiiŋnà yè e re jaamabee fau'n kur'la lakere, yè sèè bo e re nookɔɔn goo reè, ko e re kɛ̀kɛ̀ɛ̀ybè goo reè, ko e re seeybɛybe goo reè kpɛyn waa.

Efɛsika reè 5:12

È ɲɛn à tsɛ, twɛ̀y mòdzin neè goo nìì reè faa mɛnɛn doùn, è dèkɔɔn sa seey.

Efɛsika reè 5:5

Ye b'a tɔ̀, ci mòdzin kɛkɛ̀ɛ̀yraa, ko mòdzin nooŋmaà, ko mòdzin jaacɛnbɛɛ, tɔ̀ niì ko ɲɔ̀nkɔbaa sa soo, twɛy pɛn dzii na ni Kirisà ko Ŋaablà re màsàbee ɲàn waa.

Filipika reè 1:27

Ŋà ye e re jaamabee fa rii, a ci Kirisà rè Kùnàgoo Dziɔ̀ ci è fa nìi tsuru. Tà tsuru, mun bèu ye siin ò, mun to na be ò, mun y'à myɛ̀n ci ye san gbaɔn akiri soo ka, ye yè bà ni ɲɛynaà Kùnàgoo Dziɔ̀ sikuan nà esire.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tesalonikika reè jɔ̀naà 4:3

Nìi Ŋaablà sao, tɔ̀ rii yɛ, ye yè bà fɛnɛɔ̀, ye yè e yɛrɛ taàn kɛ̀kɛ̀ɛ̀ybeè mà.

Tesalonikika reè jɔ̀naà 4:7

Àwà Ŋaablà na mùn kiri ci mìn re jaamabee fa noo ɲàn waa, ŋà, ci mùn y'a fa fɛnɛbee doùn.

Tsìmotè jɔ̀naà 2:10

Ŋà è raa màwɔɔ ye byɛ̀n faadzii wuu ì rìì mà, a ci tàan nìì reè ci ye shia Ŋaablà jɔun, twɛy raa faadziɛ ni nìi tsuru.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Tsìmotè jɔ̀naà 6:10

È ɲɛn à tsɛ, ɲɛɛn kɛ̀nbààbee rìì gooɲaan sapɛ jiɛ̀. À saabu ɲan, mòò giri yè e dan gbànbeu ɲɛynaà nà, yè byɛnbe giri ji e yɛrɛ tsɛ.

Tsìmotè fiiraa 3:2

Mòdzian taa fa bà ni mòò mà e yɛrɛ tɛy, è nà ɲɛɛn kɛ̀n, yè bà yɛ̀rɛ̀dèra ì, è blà e yɛr'le, è Ŋaablà tsoobarabaa ì, è na e ker'làgè blàbee, è goowuu tɔ bɛy ì, è màgoo na ni Ŋaabla ɲan.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Tsitè 1:7

Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.

Tsitè 2:3

À dè tàànbɔɔ reè rà, ci tɔ̀ soo tsuru, è sa yeè e re jaamabee fa, a ci mòdzìn fɛnɛ wù è re jaamabee fa nìi tsuru. È mà bà mòdzìn fìvyɛbaa ì waa, è mà bà dɔ̀ɔ̀kɔɔn ì waa, ŋà yè bà kàràn wùù sinbaa ì.

Dzyèèsìbee mòdzin neè 12:16

Ye e yɛrɛ kaàwɔ sa, mòò pɛn mà nà bà mòdzin kɛkɛ̀ɛ̀yra waa. Mòò pɛn to mà bà goo fɛnɛɛ noobaa, a ci Isawù waa, tɔ̀ niì yè e re dzin jɔna shɛɛn ɲancinaun, ɲwɛyn ɲɔn soo ka.

Piyɛrì jɔ̀naà 5:2

Ŋaablà re sààkur'lìi kɛ̀ɛ̀yfaɔ̀ e ma, ye tɔ̀ kɔ̀ ɲwɛyn, y'a kààwɔ. E maà à fa a ci à yè e ma fààn waa, ŋà y'a fa rii ci à dzi ye ra, a ci Ŋaablà ci è fa nìi tsuru. E maà à bà tɔ̀nɔ̀n gàà shi nanmara ni nìi ɲàn waa, ŋà y'a bà e dusùkùn nà goo.

Piyɛrì fiiraa 2:10

Gooma na ni nìì reè vwɛ̀ɛ gɔɔn raa goo rèè kpɛyn è ɲɛn è kur'la goo nooŋma rèè tsɛ, yè bà Tsìfaà rè kùntsììbee ɲanfyɛnbee. È kùun xɔ, è blà e yɛr'le, è to yè bà ni jìrànxɔɔ̀ nɔɔrɔ ge reè tsoo bara, tɔ̀ shiɲaanbe na ni è ra.

Piyɛrì fiiraa 2:14

È jaà tsyɛɔ̀n ɲànmɔ̀ɔ̀beè rìì là, è to na cɛn jàa gooɲaan faa rà. Nìì reè sàn na gbaɔn waa, è twɛy màniɛ̀n, gè ɲɛyn goo to na ɲan è mà. È mòdzin dangauma ì.

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

Goo kpàdèuma rèè 2:14

Ŋà, mun jàaŋnà wo ra dɛyn. Mun jàaŋnà wo ra dɛyn, kàtsu swey ni ye ɲan, twɛy yè e gbaɔn Bàlaamùn naa kàr'nà kpɛyn. Bàlaamùn nì Bàlakì duùn wɔu è bà ni à to Isirayɛlidzin neè yè ɲɔ̀n kɔɔ shu rèè tàà, yè ɲànmɔ̀ɔ̀bè goo fa.

Goo kpàdèuma rèè 2:21

Mun to waatsi siɔ̀n à ra, è bà ni nimisa, è làkere dɔn e re jaamabee doùn. Arì she, à sàò to na ni è nimisa è re ɲànmɔ̀ɔ̀bee dziibà waa.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Goo kpàdèuma rèè 22:15

Nìì reè nà to da rɔn, twɛy rìì siin: Kɛ̀kɛ̀ɛ̀y gòò fa reè, tɔ̀ gòò fa reè, goo nooŋma fa reè, vui fa reè, ɲɔ̀n gòò fa reè ko nìì reè sapɛ ni doò fyɛ̀ùn.

Goo kpàdèuma rèè 9:21

Yè bà ni nimisa, yè làkere dɔn e re jaamabee doùn, yè e re mòdzìn vu reè, ko e re tɔ̀ goo reè, ko kɛ̀kɛ̀ɛ̀y goo reè, ko shɔnbe rèè dzii bà, è na tɔ̀ fa waa.