Efɛsika reè 5:2 - Bible Dzùùngoo Unicode

² Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Efɛsika reè 5:2 ပူးပေါင်းရင်းမြစ်များ

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Yùxanà 13:34

Mun nà dzugooma xɔù yeu de ye ra nìi yɛ ci: Ye e si kɛ̀n. Mun ye kɛ̀niun kɛ̀nìùn'n kur'liì rà, e sa yeè e si kɛ̀n tɔ̀ tsuru.

Yùxanà 6:51

Ɲwɛyn ge jaama niì boo jìran nɔ̀n, tɔ mun gɔɔ̀n rìì. Mòò riì ye tɔ̀ ɲwɛyn geè sɔn ɲɔn, tɔ nà to tsùù jaamabee rà kudɛyn. Mun nà ɲwɛyn ge nìi sìn, tɔ mun gɔɔ̀n rìì. À sìn kuàn nì, è jaamabee sìn dziɲantsiɛ mòdzian sapɛ ra.»

Ɔ̀rɔ̀mùnka reè 15:16

È ɲɛn à tsɛ, à mun bàu Yesù Kirisà rè faagoofadzin kun kpɛrɛ mòdzin neè rè, è mun bo ji n si e re Kùnàgoo dziɔ̀ faagoò kamà, gè riì ni à to kun kpɛrɛ mòdzin neè yè bà kwɛ̀yge, nìi dzi Ŋaablà ra, è bà fɛnɛɔ̀ Ŋaablà re Dzia baraka rɔ̀n.

Ɔ̀rɔ̀mùnka reè 4:25

À dɔ̀un dziira mùn ne fìrìgoo rèè rìì kamà, è sèè kpunan bo saàn ɲàn, è kpadè ci mùn tereòn.

Ɔ̀rɔ̀mùnka reè 8:3

Àwà sàrìyaa fa ni dzi nìi fa waa kàtsu à ŋɔn fyɛnbeu mòdzin ne fààn dzyɛnbee kamà, Ŋaablà tɔ̀ fau. Gooɲaan yè bà saabu, è yɛr'la Dzin Kpir'la bàji nau adamàdzin mòdzin gooɲaantsi rèè bosi, è nà gooɲaan raa bara gɔɔ̀n ɲàn.

Ɔ̀rɔ̀mùnka reè 8:37

Ŋà tɔ̀ sapɛ doùn, ɲe kɛ̀nbaà baraka rɔ̀n, ɲe bàu dzibaa ì fɔ è bè geren.

Korɛntsika reè jɔ̀naà 16:14

Ye goò sapɛ fa ko kɛ̀nbààbe ka e fi.

Korɛntsika reè jɔ̀naà 5:7

Tɔ̀ doùn, ye e foò fyɛ bo buru fua gè bɔrɔɔ ɲàn, ye bà a ci buru fa guuŋma yeu è ɲɛn à tsɛ buru fua gè na ni ye ɲan dɛ, kàtsu Kirisà, ɲe re Geren n tsɛɛ̀ sɛr'là sààtòmòìriɛ bou saaka.

Korɛntsika reè fiiraa 2:14

Baraka yè sìn Ŋaablà ra, wò riì mùn bàa dzibaa e ka waatsia sapɛ doùn Kirisà baraka rɔ̀n, à y'à to ɲe saabu rɔ̀n Kirisà yè tɔ̀ min niì sapɛ, a ci ɲinin kinin dziù.

Korɛntsika reè fiiraa 2:15

Ɔ̀ɔn, nìì reè ni bar'la gè doùn, ko nìì reè ni tsià gè doùn, ɲe ni Ŋaablà re a ci Kirisà rè ɲinin kinin dziù twɛy fi.

Korɛntsika reè fiiraa 8:9

Mùn Tsìfa Yesù Kirisà yè e ɲanwùɔ kpàdèu nìi tsuru ye tɔ̀ tɔ̀. Tɔ̀ niì na gètsi, ye kamà, è bau gbakɔɔn gè rii ni à to ye yè bà gètsi à re gbaa saabu rɔ̀n.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Galatsika reè 2:20

Mun kpɛ̀yn ni jaamabee rà, ŋà à na mun ne jaamabe fakɔɔn dɛ waa, Kirisà rìì ni jaamabee rà mun ɲan. È ɲɛn à tsɛ, mun ni jaamabe riì rà gɔɔ̀n kàjaa tsɛ dòònuùn, mun tɔ̀ faa ɲɛynaà nì baraka ɲan Ŋaablà Dzin Kpir'la ɲàn, tɔ̀ niì mun kɛ̀niun, è yɛrɛ sin mun kamà.

Efɛsika reè 1:4

Sani dziɲaan yè ɲɛn, à na ɲe ɲankɛrɛn boo nòn Kirisà ɲàn e jaara, gè riì ni à to ɲe yè bà fɛnɛ ì ko jààkìbɛy ì à jaa dzuun, à re kɛ̀nbààbee doùn.

Efɛsika reè 3:17

Àwà m'a gaa sa, Kirisà yè e tsuùma bo ye dùsùkuan doùn, ɲɛynaà baraka rɔ̀n. Ye jiɛ̀ ye gban kɛ̀nbààbee ɲàn, ye dzuun bau'n kuru yeè bà wù à tsɛ.

Efɛsika reè 3:19

Ɔ̀ɔn, ye yè Kirisà rè kɛ̀nbààbee tɔ̀, tɔ̀ niì gereon mòdzin tɔmaà sapɛ tsɛ, ye ɲan yeè bà ni tsyɛn Ŋaablà ɲan, tsyɛun'n kur'la sapɛ ra.

Efɛsika reè 4:15

Ŋà mùn ye sààbeen dè ko kɛ̀nbààbe ka, mùn nà bɔɔ goò sapɛ doùn Kirisà ɲàn, tɔ̀ niì kùngɔɔ̀.

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Efɛsika reè 5:15

Ye e yɛrɛ kaàwɔ taki e re jaamabee fau'n kur'la rà. E maà bà mòdzin akiribɛy ì waa, ye bà mòdzin akiritsi ì.

Efɛsika reè 5:25

Kpir'leè, ye e re tààn rèè kɛ̀n a ci Kirisà sa ɲɛynamoo kur'là kɛ̀niun nìi tsuru, è yɛrɛ sin à kamà.

Filipika reè 4:18

Mun gèè sapɛ tarau, fɔ mun jaa yè cɛn à ra. Ye gè o ge sìun Epaforodzitsì rà ci è nà sìn mun na, mun y'à sapɛ tarau. Mun jaa cɛun. À bàu a ci wushuna kinin dziù, è bà a ci saaka, Ŋaablà yeè e tsiiŋ nìi rà, è dzibe à ra.

Kolosika reè 3:14

È geren tɔ̀ sapɛ tsɛ, ye kɛ̀nbààbee ji e ma, tɔ̀ niì ye shìù'n kuru wubee e si ra cɛyn.

Tesalonikika reè jɔ̀naà 4:9

Àwà nìi neemasia kɛ̀nbààbee, à na wɔɔ̀ mòò yè sɛbɛn ka ye re tɔ̀ ra dɛ, kàtsu ye yè e si kɛ̀n, ye yɛ̀r'leè tɔ̀ kàraun Ŋaabla re.

Tsìmotè jɔ̀naà 2:6

Tɔ̀ yeè e yɛrɛ siun mòdzian sapɛ kungɔ̀ màbò sara. Tɔ bàu shɛɛrɛbe, nìi fau e waatsi ɲan.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Dzyèèsìbee mòdzin neè 8:3

Saaka jɔundzian gè o ge, à tsùuŋnà nì, è bà kwɛ̀y faa gè rèè, ko saaka rèè ladzia Ŋaablà tsɛ. Tà doùn Yesù, ɲe raa saaka jɔundzian, tɔ̀ sa wù, è bà ge ì ladzia Ŋaablà tsɛ.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Dzyèèsìbee mòdzin neè 9:23

Twɛy gè rèè jìrànxɔɔ̀ raa gè rèè ɲɛyn nì. Twɛy ye ba fɛnɛbeè tɔ̀ tsuru, tɔ̀ doùn, à wù jìrànxɔɔ̀ raa rèè yè fɛnɛbe saaka ka, nìi vùn twɛy saaka rèè sapɛ ma.

Dzyèèsìbee mòdzin neè 9:26

È ba na tɔ̀ tsuru, è sen fɔ dziɲaan jɔ̀n bwey, à na nà bà byɛn jaa giri faɔ̀. Ŋà, nèe waatsi latan nee ɲan, à nàu, è nà e yɛrɛ sin saaka jaa soo pe rii, sànko è gooɲaan fàan bara.

Piyɛrì jɔ̀naà 4:8

Goò sapɛ jɔun, ye e si kɛ̀n cɛyn. È ɲɛn à tsɛ, kɛ̀nbààbee saabu ɲan, gooɲaantsii gir'lì mɛɛ̀.

Yùxanà jɔ̀naà 3:16

Ɲe kɛ̀nbààbee tɔ̀ è ɲɛn nìi tsɛ, tɔ̀ rii siin: Kirisà yè e xɔɔn sìun ɲe kamà. Tà doùn, ɲe sa wù ɲe yè e xɔɔn sìn neema reè kamà.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Goo kpàdèuma rèè 1:5

ko Yesù Kirisà, Shɛɛrɛ vusootsià, fùn jɔna kpunaunmaà, dzɔ̀nxɔɔ̀ tsɛ màsa reè raa Màsaa, twɛy sa yeè tɔ̀ fa e re. Àwà, Ŋaablà Jaara Moo Yesù rìi mùn kɛ̀niɔ̀n, è bà mùn tsi bou e re gooɲaantsiɛ ɲàn e tsiɛn baraka rɔ̀n,

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.