Efɛsika reè 2:1 - Bible Dzùùngoo Unicode

¹ Àwà, è kòrò ye re fìrìgoo rèè ko ye re gooɲaan neè ka, ye na saɔn.

Efɛsika reè 2:1 ပူးပေါင်းရင်းမြစ်များ

Kolosika reè 2:13

Àwà, ye nìì reè na saɔn è ɲɛn ye re fìrìgoo rèè ko ye re shimaangoo fabɛybeè tsɛ, à ye sèè bàu jaama ko e ka. À mùn ne fìrìgoo rèè sapɛ mɛɛy bou mùn mà.

Ɔ̀rɔ̀mùnka reè 8:2

È ɲɛn à tsɛ, Ŋaablà re Dzia raa sàrìya riì jaamabee sìan Yesù Kirisà baraka rɔ̀n, tɔ̀ y'a tsi bou gooɲaan ko saàn raa sàrìyaa suun.

Efɛsika reè 4:18

È akir'là ni tsitsiɛ̀ ɲàn, yè bà tɔnɔn ì Ŋaablà re jaamabee kàjaa tsɛ, è ɲɛn è ɲan tɔ̀bɛ̀ybeè tsɛ ko è re dùsùkùnxɔ̀beè.

Yùxanà 5:21

Àwà, Fàmaa fùn nèè sèè kpunaàn, è jaamabee sìn è ra nìi tsuru, tɔ̀ fau'n kuru soo rà, Dzin Kpirimaa n'a re è jaamabee sìn nìì reè rà, à sìan twɛy rìì là.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà 14:6

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Efɛsika reè 5:14

Goo o goo to ye dzi kpadè nòn, tɔ bàu vyevyee. Tɔ̀ kamà è bà deò nèe tsuru ci: «Wo rìi ni ciɛ̀ rà, kpunan e fù bo fùn nèè fi, Kirisà nà e vyevyeè bo wo tsɛ.»

Tsìmotè jɔ̀naà 5:6

Ŋà fùnshɔ̀ùntaan nìi ni dziɲaan ɲàn raa dzibee goo reè rìì fyɛ̀ùn, tɔ̀ kɛ̀nsɛɛn ye ba jaama, à bàa saɔn rìì.

Yùxanà 5:25

Sààben na, mun nì ci e ra, waatsi nàa waatsi ra, à yɛ̀rɛ̀ to yè bà wɔɔ nòn sa, mòdzin saunma rèè nà Ŋaablà Dzin Kpir'la vuà myɛ̀n, nìì reè to nà à myɛ̀n yè ɲɛn à ra, twɛy nà jaamabee fa.

Korɛntsika reè jɔ̀naà 15:45

Tɔ̀ rii y'à to è bà sɛbɛɔ̀n Ŋaablà re Goomaa doùn nèe tsuru ci: «Mòdzìn jɔna niì bàu Adamà jɔ̀naà, tɔ bàu gɔɔ̀n mòdzin, jaamabe ni nìi ɲàn.» Ŋà nìi Adamà lataan, tɔ xɔɔn mòdzin, nìi jaamabee sìan.

Yùxanà 10:10

Shɔɔ̀n nà kuàn na pɛn waa, è shɔnbeè rìì fa, è vui fa, è baragoò fa. Mun nà kuàn nì yɛ mòdzian yè jaamabee dziù tàrà, y'à tàrà, fɔ è jaa yè bè cɛn.»

Goo kpàdèuma rèè 3:1

Àwà, ɲɛynamoo kur'lìi ni Saridzì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Ŋaablà re dzi ɲɛɛ̀nuàn ko swɛyn ɲɛ̀ɛ̀nuàn ni mòò riì rè, tɔ nìi dèe, tɔ̀ rii siin: Mun wo faadziɛ tɔ̀. Wo tsoò boo ci wo jaama, tɔ̀ to y'à tàrà wo saɔn rìì.

Lukì 15:32

Mun kpɛ̀yn jaa ra, à wù, mùn yeè jaaravi fa she, mìn taama dzibe. Wo tseyn kpir'liì yɛ nèe, à na saɔn rìì, ŋà, dòònuùn, à sèè bàu jaama. À na fìriunà, ŋà, à sèè jàu she."»

Lukì 15:24

Mun dzin nìi yɛ nèe, mun ne à na saɔn rìì, ŋà, dòònuùn, mun y'à jàu ci à sèè bàu jaama. À na fìriɔ̀, ŋà, à sèè jàu she." Tɔ̀un, è taama dzibeuma yè fù jaaravi brìsi re.

Matsiyù 8:22

Yesù ci à ra ci: «A gban mun kpɛyn, a to fùn nèè yè e re fùn nèè wɔ.»

Korɛntsika reè fiiraa 5:14

Kirisà rè kɛ̀nbààbee fààn ɲinaɔn ɲe mà, è ɲɛn à tsɛ, mòò sɔn ye ba saun mòdzian sapɛ kamà, tɔ̀ y'a kpadèe ci mòdzian sapɛ sa saun ni.