Efɛsika reè 1:4 - Bible Dzùùngoo Unicode

⁴ Sani dziɲaan yè ɲɛn, à na ɲe ɲankɛrɛn boo nòn Kirisà ɲàn e jaara, gè riì ni à to ɲe yè bà fɛnɛ ì ko jààkìbɛy ì à jaa dzuun, à re kɛ̀nbààbee doùn.

Efɛsika reè 1:4 ပူးပေါင်းရင်းမြစ်များ

Matsiyù 24:22

Ŋaablà ma ba na sɔn boo twɛy jisee reè rà fyeu, mòò pɛn fa ni tsi waa. Ŋà, à nìì reè boo e jaara, twɛy kamà à sɔn boo twɛy jisee reè rà.

Matsiyù 24:24

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara Modzìàn, doodebaa ì yè fù, ci ye kɛɛra ì. È nà tàànmàshɛn bla bla ì, ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Matsiyù 24:31

À nà e re mɛ̀rɛ̀kɛ rèè ka vuru blaa fyɛ vuà ka. À nìì reè boo e jaara, yè twɛy ladzyeè dziɲaan nɔ̀nkɔn nààleèn min niì sapɛ, è sen ŋaablaxɔɔ̀ kùngɔ soo rà, è bè fɔ kùngɔ soo rà.»

Matsiyù 25:34

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

Yùxanà 10:16

Sàà kpɛrɛ ì ni mun ne, nìì reè na ni nèe sàà gba rèe doùn waa. Fɔ min bè twɛy sa xɔ na. È nà mun vuà myɛ̀n. Tà doùn, è sapɛ nà bà sàà kuru soo, kplatsuubaa soo yeè bà ni è ka.

Yùxanà 15:16

E maà à ji e duùn, ci ye rìì mun boo e jaa ra dɛ. À na tɔ̀ tsuru waa, ŋà, mun nì ye boo n jaa ra. Mun tɔ̀ fau nì, sànko, min ye ka bè Ŋaablà re faagoò rà, faagoo nìi nàfa na do jàa waa. Tà tsuru, ye nà gè o ge gaa Fà Ŋaablà re mun tsoo ka, à nà tɔ̀ sìn ye ra.

Yùxanà 17:24

Fà Ŋaablà, mun sào ni, wo nìì reè sìun mun na, mun nà bà ni min niì, è sa yeè bà ni mɔn, tà ko yè mun nɔɔrɔɔ̀ jà. Wo tɔ̀ nɔɔrɔɔ̀ sìun mun na, kàtsu wo mun kɛ̀niɔ̀n, tɔ̀ y'a tàrà dziɲan na ɲɛn ŋe waa.

Kɛɛradzin neè faadziɛ 13:48

Àyìwà, nìì reè na Dzyèèsìbee mòdzin ì waa, twɛy dziu twɛy gooma reè myɛ̀n è dzu min niì, è taama yè dzibe fɔ è bè geren. Yè e maa yè tsoo dzi ɲɛɛn Ŋaablà tsɛ e re goomaa kamà. Tà doùn, Ŋaablà na jaamabe dòbɛɛ ɲɛɔ̀n nìì reè sapɛ ra, twɛy sapɛ yeè ɲɛn Tsìfaà rà.

Kɛɛradzin neè faadziɛ 15:18

Fɔ waatsi gbaan, mun y'à tou twɛy goo rèè yè tɔ̀."»

Kɛɛradzin neè faadziɛ 18:10

mun ni wo ka. Mòò pɛn fa dzi e mɛɛy wo tsɛ, è gooɲaan fa wo ra waa. Gooma, kàtsu, mòò giri ni wɔ̀ rèe doùn, yè bà mun ne.»

Ɔ̀rɔ̀mùnka reè 8:33

Tsì rii nà Ŋaablà jaara modzìn nèè sàn wɔ ? Ŋaablà rii na à kpàdèe ci moo tereòn gbɛ ?

Korɛntsika reè jɔ̀naà 1:8

Wò rii nà fààn wɔ ye ɲan sa fɔ à lataan, gè riì ni à to mùn Tsìfa Yesù Kirisà raa jisee sii sèè, jààma mà jà ye ra waa.

Galatsika reè 5:13

Àwà neema reè, nìi kpɛ̀yn ye, ye kiriu xɔrɔnbe rii kamà. Ŋà, tɔ̀ xɔrɔnbee mà bà saabu, è nà gɔɔ̀n kur'la goo ɲaan faa ka e ma waa. Ye nìi fa, tɔ̀ rii yɛ kɛ̀nbààbee doùn, ye e magoo wɔ e si ɲan.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Efɛsika reè 3:17

Àwà m'a gaa sa, Kirisà yè e tsuùma bo ye dùsùkuan doùn, ɲɛynaà baraka rɔ̀n. Ye jiɛ̀ ye gban kɛ̀nbààbee ɲàn, ye dzuun bau'n kuru yeè bà wù à tsɛ.

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Efɛsika reè 5:2

Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Efɛsika reè 5:27

À y'à fa, gè riì ni à to, ɲɛynamoo kur'là yè kpàdè wò jaaterema ko nɔɔrɔ ka, fyɛ̀ na ni nìi rà waa, ɲɔ̀ɔ̀ɲɔ̀rɔ̀ma na ni à ra waa, ko twɛy tsur'lèè pɛn, ŋà à fɛnɛɔ̀, jààma pɛn to na ni à ra waa.

Filipika reè 2:15

Tà tsuru ye bà ni ba mòdzin ì, jààma na ni nìì reè rà waa, yè bà fyɛɔ. Ye bà Ŋaablà dzin ì, fyɛ̀ na ni nìì reè rà waa, nèe waatsi ree mòdzin neè fi, twɛy nìì reè na tereòn waa, yè bà baraɔ̀. Ye den den è fi vyevyee tsuru, dziɲaan doùn.

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

Kolosika reè 2:2

Mun tɔ̀ faa, gè riì ni à to è vunun yè cin, è shìuma yè to e si ra kɛ̀nbààbee doùn, tà ko yè dzi akiritsifabe brisi dziitsyɛunma tàrà, yè Ŋaablà re gòndoo tɔ̀, nìi Kirisà,

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Tesalonikika reè jɔ̀naà 3:12

Arì she Tsìfaà yè sɔn ba e ɲan kɛ̀nbààbee tɛ̀y è blàbe cɛyn e ko e si fi, tà ko mòdzian sapɛ ka, a ci ɲe sa ye kɛ̀niɔ̀n nìi tsuru !

Tesalonikika reè jɔ̀naà 4:7

Àwà Ŋaablà na mùn kiri ci mìn re jaamabee fa noo ɲàn waa, ŋà, ci mùn y'a fa fɛnɛbee doùn.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Tsìmotè fiiraa 2:10

Tɔ̀ rii y'à to mun goò sapɛ ladzyèèmaa tsià n ma, Ŋaablà jaara moo rèè kamà, gè riì ni à to Yesù Kirisà baraka ɲan, twɛy sa yeè tsiuma tàrà, yè nɔɔrɔ dòbɛɛ tàrà.

Tsìmotè fiiraa 2:19

Tɔ̀ ko e sa ra Ŋaabla dzunbama nìi tsùuŋnà, tɔ ni e shɔùn kpan, nèe gooma ree reè yè bà sɛbɛɔ̀n à tsɛ tàànmàshɛn, nìi yɛ ci: «Tsìfaà yè e raa rèè tɔ̀.» Tà ko «Mòò o moò Tsìfaà tsoo kir'là, è dan gbànbe terenbɛybee rà.»

Yàkubà 2:5

N neema ì, mun ye nìì reè kɛ̀niɔ̀n fɔ è bè geren, ye e toro wɔ. Dziɲan dzin nèè nìì reè jàa gbakɔɔn, Ŋaabla twɛy ɲankɛrɛɔ̀n rìì, yè bà gètsi ɲɛynaà kàjaa tsɛ, tà ko è re màsàbe riì làyiri seòn e kɛnbaa rèè rè, yè tɔ̀ tàrà shɛn.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

Piyɛrì jɔ̀naà 1:20

Sani dziɲaan yè ɲɛn, à goò na tɔ̀ tsùuŋnà nòn. È kòmànà kpàdè nèe waatsi latan nee ɲan, ye kamà.

Piyɛrì jɔ̀naà 2:9

Ŋà ye, ye bàu kun ɲankɛrɛunma, màsà kpir'là rè saakagoojaabobaa ì, jàmààndzin fɛnɛ ì, Ŋaabla nìì reè bàu e raa yè bà ni à re goo blà bla fauma rèè dè, à nìì reè kiri bou tsitsiɛ̀ ɲàn, yè nà à re vyevyee kabagoomaa nà.

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Yùxanà jɔ̀naà 4:16

Nìi ɲe, kɛ̀nbààbe riì ni Ŋaablà ɲan ɲe kàjaa tsɛ, ɲe tɔ̀ tɔ̀, ɲe to yè bà ɲɛɔ̀n à ra. Ŋaabla kɛ̀nbààbe rii. Kɛ̀nbààbe ni mòò riì ɲàn, tɔ ni Ŋaablà ɲan, Ŋaablà sa yeè bà ni à ɲan.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.

Goo kpàdèuma rèè 17:8

Wo kpar'niì jàu, à na ni, ŋà à na ni dɛ. À nà nà tèyn bo kɔ̀ɔ̀ tsun gbloùntòò doùn, è bè e barama nɔ̀n. Tɔ̀un, mòdzin niì reè ni dzɔ̀nxɔɔ̀ tsɛ, è tsoo na sɛbɛɔ̀n Ŋaablà re jaamabee sɛbɛɛn doùn waa, è sen fɔ dziɲaan jɔ̀n bwey, twɛy nà kpar'nee jà, è ji è dzii tsɛ. À nà ji è dzii tsɛ, kàtsu à na ni, ŋà à na ni dɛ, à to nà sèè jà kɔn yeu.