Efɛsika reè 1:3 - Bible Dzùùngoo Unicode

³ Tsoo dzi yeè ɲɛn Ŋaa tsɛ, mùn Tsìfa Yesù Kirisà Fàà, wò riì yè e re Dzia dzwɛɛ̀ sapɛ ladzyèèmaa kuun mùn mà jìrànxɔɔ̀ doùn, Kirisà ɲàn.

Efɛsika reè 1:3 ပူးပေါင်းရင်းမြစ်များ

Lukì 2:28

È nàu dɔ̀n à ka min niì, Simeyɔn yeè Yesù tsi, à y'à kun e suun. Tɔ̀un, è tsoo dzi ɲɛn Ŋaablà tsɛ nèe tsuru ci:

Yùxanà 14:20

Tɔ̀ sii sèè ye wɔ, ye nà à tɔ̀, ci mun ni n Faà ɲàn, mun ni ye ɲan, ye yè bà ni mun ɲan.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Yùxanà 20:17

Yesù yè dzin à ra ci: «Maà n kun tsìì to waa, kàtsu mun na teyn be Fà Ŋaablà kpakèrè ŋe waa. Bè neema karàndzin neè rìì kpɛyn, e bè dzin è ra, ci mun ci mun tèyn beè n Faà rè, è bà ye sa Fa. Ɔ̀ɔn, ci mun tèyn beè n ne Ŋaablà re, ye sa re Ŋaablà.»

Ɔ̀rɔ̀mùnka reè 12:5

Tɔ̀ soo tsuru, ɲe sa giri, ŋà Kirisà ɲàn mùn gɔnkungɔ soo rii, mùn soo sookɔɔn sapɛ yeè bà e si gɔɔ̀n gàneè sɔn.

Ɔ̀rɔ̀mùnka reè 15:6

Ye tɔ̀ fa, gè riì ni à to ye nɔɔrɔ ɲɛn mùn Tsìfa Yesù Kirisà Fà Ŋaablà tsɛ duungoo soo, ko vu soo ka.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 12:12

Àwà mòdzian gɔɔ̀n gɔn soo pe rii, à gàne rèè yè bà giri. Gɔɔ̀n gàne rèè giribee ko e raà sa, à soo pe nìi tsuru, Kirisà sa tà tsuru.

Korɛntsika reè fiiraa 1:3

Tsoo dzi ye ɲɛn Ŋaa tsɛ, mùn Tsìfa Yesù Kirisà Fàà, màtsur'la sapɛ dzyeèma Faà, ko vununciàn sapɛ dzyeèma Ŋaablà.

Korɛntsika reè fiiraa 11:31

Tsoo dzi ye ɲɛn Ŋaa tsɛ kudɛyn, mùn Tsìfa Yesù Kirisà Fàà, tɔ̀ y'a tɔ̀ ci mun na doò dèe waa.

Korɛntsika reè fiiraa 5:17

Tà tsuru, mòdzian sɔn ye ba ni Kirisà ɲàn, à bàu gè ɲɛunma yeu. Goo bɔrɔɔ sapɛ dɔ̀n bou, goò sapɛ yeè siin è bà yeu.

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Galatsika reè 3:9

È ɲɛn tɔ̀ tsɛ, nìì reè sapɛ ɲɛynaà faɔ̀, dzwɛ kuɔn twɛy sapɛ ma a ci Ibraximà, tɔ̀ niì sa bàu ɲɛynamoo.

Efɛsika reè 1:10

Tɔ̀ làtigɛɛ doùn, à nà nìi fa, tɔ̀ rii yɛ, tɔ̀ waatsia dzii ye tsyɛn waatsi riì bwèy, è jìrànxɔ̀ dòùn gee sapɛ, ko dzɔ̀nxɔ̀ tsɛ̀ gee sapɛ ladzyèè soo, kùntsii soo yeè bà ni è sapɛ re, nìi Yesù Kirisà.

Efɛsika reè 1:17

Mun tɔ̀ faa, gè riì ni à to, mùn Tsìfa Yesù Kirisà rè Ŋaablà, nɔɔrɔɔ̀ Fàà, tɔ̀ yeè akiriblabe sìn ye ra, è bà goo rèè kpàdèe, ye yè dzi Ŋaablà tɔ cɛyn.

Efɛsika reè 1:20

À tɔ̀ ka faagoò fau Kirisà ɲàn, nìi yɛ à y'à kpunan bo fùn nèè fi, à yè b'a tsùù e sirama si jaa rè jìrànxɔɔ̀ doùn mɔn.

Efɛsika reè 2:6

Yesù Kirisà ɲàn à ɲe kpunan bou saàn ɲàn esire, è ɲe tsùù jìrànxɔɔ̀ doùn esire à ka.

Efɛsika reè 3:10

Tɔ̀ yeè fa, gè riì ni à to, jìrànxɔ rɔ̀n kùntsii rèè ko fààntsi rèè y'à tɔ̀ dòònuùn ɲɛynamoo kur'là baraka rɔ̀n, Ŋaablà ɲan akiriblabee kaatsià giribee nìi boò.

Efɛsika reè 6:12

È ɲɛn à tsɛ, ɲe na ni kaà rà ko adamàdzin mòdzin ì ka waa, ŋà ɲe ko nìì reè ni à ra, tɔ kùntsii rèè rìì, ko fààntsi rèè, ko dziɲaan tsitsiɛ̀ kùntsii rèè, ko gooɲaan kwey nìì reè ni jìrànxɔ rɔ̀n.

Filipika reè 2:11

Nɛɛ̀n sapɛ to y'à dè, ci Yesù Kirisà rìì Tsìfaà, è nɔɔrɔ ɲɛn Fà Ŋaablà tsɛ.

Dzyèèsìbee mòdzin neè 8:5

Twɛy saaka goojaabo reè faagoò faa bùù gba vyamaa gàne fɛnɛ riì doùn, tɔ jìran nɔ̀n naà bosi rìì, è bà à ɲɛyn. À ni a ci Ŋaablà y'a kpàdèu Musà rà nìi tsuru bùù gba vyamaa gban bwèy rɔ̀n. Ŋaabla dziun ci: «Musà, à fau'n kur'liì kpàdèu wo ra jèèn tsɛ, a maxɔbe, a fa tà tsuru.»

Dzyèèsìbee mòdzin neè 9:23

Twɛy gè rèè jìrànxɔɔ̀ raa gè rèè ɲɛyn nì. Twɛy ye ba fɛnɛbeè tɔ̀ tsuru, tɔ̀ doùn, à wù jìrànxɔɔ̀ raa rèè yè fɛnɛbe saaka ka, nìi vùn twɛy saaka rèè sapɛ ma.

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.