Tsìmotè jɔ̀naà 6:9 - Bible Dzùùngoo Unicode

⁹ Àwà nìì reè sapɛ y'a gaa ye yè bà gètsi, dzuunbweè twɛy sapɛ tar'la. È kur'la goo ɲaan ɲaùn gir'lèè yɔ̀ɔ̀ yè è kuàn, twɛy nìì reè mòdzian bar'la, yè è kùngɔ fìrì peu.

Tsìmotè jɔ̀naà 6:9 ပူးပေါင်းရင်းမြစ်များ

Matsiyù 13:22

Shìmàndzin neè bèu tɔrɔn daaku gane riì ɲàn, mòdzin neè swey ni tɔ̀ daaku ganee rìì tsuru. È gooma ree myɛ̀ɛn, ŋà dziɲaun vyɛ̀ɛ̀yràgoo reè, ko nàfor'la raa sànfir'la bàa saabu è gooma ree ŋòò è ɲan, à na dzia dzin wɔ waa.

Matsiyù 19:22

Dzunwɛɛn dziu twɛy gooma reè myɛ̀n min niì, à taama ŋununbeuma yè geren, kàtsu à na gètsi blà.

Matsiyù 26:15

È bè dzin è ra ci: «Min Yesù wɔ ye suun, ye nà fee sìn mun na ?» Twɛy yè siin, yè warifyɛ moòtsyeùn dan wɔ à suun.

Matsiyù 6:19

E maà nàforo ladzyèè tsùù e re dzɔ̀nxɔɔ̀ tsɛ waa. Dzɔ̀nxɔɔ̀ tsɛ, daa rèè ko kpɛ̀ɛkpɛɛ̀ baragoò faa, shɔn rèè sa yeè bà dzii rèè kɛɛ̀, yè gè rèè sen.

Marikì 4:19

ŋà è vyɛ̀ɛ̀yràgoo reè dziɲan ree doùn, ko nàfor'la raa sànfir'la, ko è kur'la goo giri kpɛ̀rɛ̀kuru bàa saabu è gooma ree ŋòò è ɲan, à na dzia dzin wɔ waa.

Lukì 12:21

Tà shɔ̀ùn, Yesù yè dzin kɔn ci: «Mòò riì nàfor'la ladzyee e yɛr'le dziɲantsiɛ doùn, tɔ̀ y'a tàrà gèsɔn pɛn na ni à re Ŋaablà re, tɔ̀ tsìfa raà sa ni tɔ̀ gètsià raà rìì tsuru.»

Lukì 21:35

E maà à to tɔ̀ yeè e tarà waa, kàtsu tɔ̀ jisee nà bàrà dzɔ̀nxɔɔmaà tsɛ mòdzian sapɛ ra, jàci myɛ̀ɛn shu kuàn nìi tsuru.

Kɛɛradzin neè faadziɛ 8:20

Ŋà, Piyɛrì yè dzin à ra ci: «Wo ko a re ɲɛɛn, e fiɛ̀ sa yeè bara, kàtsu, wo y'à jàtsi kuun, ci Ŋaabla gè niì sìan maana, tɔ dzia fì ɲɛyn ka.

Efɛsika reè 4:22

Tɔ̀ dzuɔn nì yɛ ye san bo e re jaamabe bɔrɔɔ goo rèè ɲàn, nìi juu bɔrɔɔ, tɔ̀ niì nàa bar'la ka, è ɲɛn sànfir'la kur'la goo ɲaan neè tsɛ.

Tsìmotè jɔ̀naà 1:9

Mìn nèe fàànmun: sàrìyaa na tsùuŋnà mòdzin tereonmaà kamà waa fɔ terenbɛy reè, ko mòdzin mabaunma rèè, ko nìì reè na shia Ŋaablà jɔun waa, ko gooɲaan fa reè, ko nìì reè màgoo na ni Ŋaablà ɲan waa, ko Ŋaabla tɔ bɛy reè, ko nìì reè yè e fa vua, nìì reè yè na vua, ko mòdzìn vu reè.

Tsìmotè jɔ̀naà 3:7

À wù sa, à tsoo dzi yeè bà ni ɲɛynabɛy reè dzu, gè riì ni à to à mà nà bà ɲanfyɛnbee gè, tɔ̀ yeè nà bà saabu è mɛɛy Sànwɔbaà rè yɔ̀ɔ̀ doùn waa.

Tsìmotè jɔ̀naà 6:10

È ɲɛn à tsɛ, ɲɛɛn kɛ̀nbààbee rìì gooɲaan sapɛ jiɛ̀. À saabu ɲan, mòò giri yè e dan gbànbeu ɲɛynaà nà, yè byɛnbe giri ji e yɛrɛ tsɛ.

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Tsìmotè fiiraa 2:26

Tà tsuru è akir'là sèeŋmaà è mà, è nà tsi bo Sànwɔbaà rè yɔ̀ɔ̀ dzu tɔ̀ niì na è kuɔn, yè bà à sàɔ faa.

Tsitè 2:12

Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

Yudè 1:11

È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.