Tsìmotè jɔ̀naà 6:5 - Bible Dzùùngoo Unicode

⁵ ko sɔ̀swɛy xɔù dòbɛy mòdzin akiri barauma ì ko e si fi, sààbeen na ni è ɲan waa, è to yè bà Ŋaablà jɔun shiɲaanbeè jàa tɔ̀nɔ̀n tàrà shi.

Tsìmotè jɔ̀naà 6:5 ပူးပေါင်းရင်းမြစ်များ

Matsiyù 12:33

Ye dzin gɔɔ̀ wù, ye dzin à dziàn sa wù. E to ye dzin gɔɔ̀ ɲaan, ye dzin à dziàn sa ɲaan. Gɔɔ̀ sapɛ tɔ̀ɔ e dziàn nì nà.

Matsiyù 21:13

È dzin è ra ci: «À sɛbɛɔ̀n ci: "Mun ne gbàà nà kiri Ŋaabla mafyɛn gba, ŋà ye, ye y'à baɔ̀ gookoron fa reè mɛnɛnmà."»

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Korɛntsika reè jɔ̀naà 11:16

Àwà sɔn ye ba e kɛsɛɛ̀ è tɔ̀ goò sɔ̀swɛy fa, ɲe na dɛ̀rɔɔ̀n tɔ̀ ra waa, Ŋaablà re ɲɛynamoo kur'lèè tsu to na dɛ̀rɔɔ̀n tɔ̀ ra waa.

Tesalonikika reè fiiraa 3:6

Neema reè, mùn nìi dè wɔɔ e suun mùn Tsìfa Yesù Kirisà tsoo ra, tɔ̀ rii yɛ ci neema ge o ge pìrìpàrà modzìn, à to na jiɛ ɲe re kàràn sìunmaà tsɛ waa, ye e mabo tɔ̀ ra.

Tsìmotè jɔ̀naà 1:6

Swey tɔ̀ shia bàjiu, yè e yɛrɛ firi bè gooma dɔntsɔ̀bɛy reè ka.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Tsìmotè jɔ̀naà 3:8

Tɔ̀ soo tsuru, ɲɛynamoo kur'là goojaabo reè sa wù yè bà mòdzìn sɔbɛn ì, è na gooma fii debaa ì waa, è na mììn faa waa, è to na tàrà faa nanmarama waa.

Tsìmotè jɔ̀naà 4:7

Tàànbɔ̀ɔ̀rìì sina niì reè ko Ŋaabla goòmàà na byɛɛ̀n waa, twɛy jà e to mɔn, a yɛrɛ karàn Ŋaablà jɔun shiɲaanbeè rìì là.

Tsìmotè jɔ̀naà 4:8

E a gɔɔ̀n dɛ̀ɛ̀y ɲuun fa ra, tɔ̀ nàfaà dzyɛ̀n, ŋà nàfa ni nìi ɲàn è geren, tɔ̀ rii Ŋaablà jɔun shiɲaanbeè, è ɲɛn à tsɛ jaamabee làyir'là seòn tɔ̀ rii ɲàn she ko gbey sa.

Tsìmotè jɔ̀naà 6:6

À sààben, Ŋaablà jɔun shiɲaanbeè tɔ̀nɔ̀n tàrà shi blà, ŋà fɔ a suun naà yè bà a jaa cɛɛ̀n.

Tsìmotè fiiraa 3:5

Yè e yɛrɛ baà ci ye shia Ŋaablà jɔun, tɔ̀ to y'à tàrà è na e tsiiŋnà à ɲan dzibaabee rà waa. A dan gbànbe twɛy mòdzin neè rà.

Tsìmotè fiiraa 3:8

Àwà, Zhanɛsì ko Zhanbɛrɛsì yè e dzun wɔu Musà rà nìi tsuru dan, y'à sɔ̀swɛy, tɔ̀ soo tsuru, twɛy mòdzin neè sa yeè e dzun wɔɔ̀ sààbeen rà, y'à sɔ̀swɛy. È mòdzin akiri barauma ì, è to na gèsɔn wùbee ɲɛynaà kàjaa tsɛ waa.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Piyɛrì fiiraa 2:15

È shi tereunmaà bàjiu, yè e gban Bòzɔrì dzin kpiri Bàlaamùn naa shia kpɛyn, terenbɛybee sàr'là dzibeu tɔ̀ niì rà.

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

Yudè 1:11

È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.

Goo kpàdèuma rèè 18:13

ko nange rìi kir'là kanɛli, ko nange kpɛrɛkuru ì, ko ɲinin kinin dziù rèè, ko mà tsusaa gè fama niì kir'là miiri, ko wushunaà, ko ɛ̀rɛ̀nzhɛ̀ndzìn yua mììngeè, ko ɲin'na ko fa wùɔ, ko shìmàn kaatsi sɔn, ko dzwɛka kun bla reè, ko sàà rèè, ko shù rèè, ko kaa faa vwɛ̀ɛ̀ràge rèè, ko jòn nèè, twɛy gè gɔɔra rèè sapɛ.

Goo kpàdèuma rèè 18:3

Tɔ fau, kàtsu è re ɲànmɔ̀ɔ̀be ɲaɔ̀n mììngeè siun kun neè mòdzian sapɛ ra, y'à mìn. Dzɔ̀nxɔɔ̀ tsɛ màsa reè ɲànmɔ̀ɔ̀bee fau à ka, dzɔ̀nxɔɔ̀ tsɛ duru fa reè yè bà gètsi ì à re gè wùù reè giribee kamà.»