Tsìmotè jɔ̀naà 6:19 - Bible Dzùùngoo Unicode

¹⁹ Tà tsuru è nà nàforo ladzyèè tsùù gàne gban gban ɲan e jɔun gbey, yè bà ni jaamabe takia tàrà.

Tsìmotè jɔ̀naà 6:19 ပူးပေါင်းရင်းမြစ်များ

Matsiyù 19:21

Yesù yè dzin à ra ci: «E ba ni à re a dzii yè tsyɛn taki, b'à suun ge reè sapɛ gɔɔ, a ɲɛɛn sìn gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Lukì 12:33

Ye e suun ge reè gɔɔ, ye gbakɔɔn reè kɔ̀ à ɲɛɛn nà. Ye nàfòrò marama lamɔnɔ̀n tsùù, nìi na dzia bara waa. Ye nàforo marà tsùù e yɛrɛ jɔun gbey, nàfor'liì na dzia dò waa, shɔn ì fa dzi à tàrà shɔn, daa ì tsu to fa dzi dɔn à ɲan mɔn.

Lukì 16:25

Ibraximà yè dzin à ra tɔ̀ rii ɲàn ci: "N dzin kpiri, a taa to, ci wo na ni dziɲantsiɛ doùn waatsi riì bwèy, xɛɛrɛ na ni wo tsɛ fɔ è bè geren. Ŋà, Lazarì do, tɔ̀ yeè e raa jaamabee sapɛ fau byɛnbee rìì ɲàn. Àwà, dòònuùn tɔ̀ jaayuà tsɛ̀u mìin, wo yè bà byɛɛn.

Lukì 16:9

Àwà, mun nì ci e ra, dziɲan nafor'liì ni e re, y'a sen, y'a ka mòdzin ì dzwɛ̀ma, ye dzunwɛynsi ì gaa à ka. Tɔ̀ tsuru è na dò, twɛy dzia à to, ye yè dɔ̀n Ŋaablà re gàne rɔ̀n, nìi na doò waa.»

Lukì 18:2

À ci: «Kitsikununbaa sɔn na ni wɔ̀ sɔn ɲan, à naà shia Ŋaablà jɔun waa, à to naà mòò pɛn gàsin tsuɔ waa.

Lukì 18:22

Àwà, Yesù tà myɛ̀un min niì, è dzin kpir'la rà ci: «Goo soo wo fɔɔn ŋe. B'à suun ge reè sapɛ gɔɔ, a ɲɛɛn tanan gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Efɛsika reè 3:17

Àwà m'a gaa sa, Kirisà yè e tsuùma bo ye dùsùkuan doùn, ɲɛynaà baraka rɔ̀n. Ye jiɛ̀ ye gban kɛ̀nbààbee ɲàn, ye dzuun bau'n kuru yeè bà wù à tsɛ.

Filipika reè 3:12

À na ni a ci mun y'à sapɛ tarau nòn tàmafa ci mun dzii tsyɛun nòn dɛ, ŋà mun vwɛ̀ɛ rìì à kpɛyn, min bà ni à kaa kun. È ɲɛn à tsɛ, Yesù Kirisà mun sa kuun.

Filipika reè 3:14

Mun vwɛ̀ɛ fɔ è bè wɔ e daùn, gè riì ni à to, Ŋaablà re kir'là Yesù Kirisà ɲàn jìrànxɔɔ̀ doùn, min tɔ̀ tɔ̀n'nà tàrà.

Tsìmotè jɔ̀naà 6:12

Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.

Tsìmotè fiiraa 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, è kòrò jaamabee làyir'là ka, tɔ̀ niì ni Yesù Kirisà ɲàn,

Tsìmotè fiiraa 2:19

Tɔ̀ ko e sa ra Ŋaabla dzunbama nìi tsùuŋnà, tɔ ni e shɔùn kpan, nèe gooma ree reè yè bà sɛbɛɔ̀n à tsɛ tàànmàshɛn, nìi yɛ ci: «Tsìfaà yè e raa rèè tɔ̀.» Tà ko «Mòò o moò Tsìfaà tsoo kir'là, è dan gbànbe terenbɛybee rà.»

Piyɛrì jɔ̀naà 1:4

È bà shɛn, nìi lamɔ̀nɔ̀n tsùuŋnà, à na fyeerà, à na noora, à na fɔr'la, è bà màrà tsùuŋnà ye re jìrànxɔɔ̀ doùn.