Tsìmotè jɔ̀naà 6:18 - Bible Dzùùngoo Unicode

¹⁸ À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Tsìmotè jɔ̀naà 6:18 ပူးပေါင်းရင်းမြစ်များ

Matsiyù 5:42

Mòò y'a fyɛn gè rà, à kɔ̀ ! Mòò to ye gè dandan a re, maà a nɔn waa.

Lukì 12:21

Tà shɔ̀ùn, Yesù yè dzin kɔn ci: «Mòò riì nàfor'la ladzyee e yɛr'le dziɲantsiɛ doùn, tɔ̀ y'a tàrà gèsɔn pɛn na ni à re Ŋaablà re, tɔ̀ tsìfa raà sa ni tɔ̀ gètsià raà rìì tsuru.»

Lukì 3:11

È dzin è ra ci: «Mɛ̀yɛ̀ dzin fii ni wo mòò riì rè, pɛn na ni nìi rè, soo sìn tɔ̀ ra. Ɲwɛyn ɲɔnàma to ni wo mòò riì rè, pɛn na ni nìi rè, sɔn sin tɔ̀ ra.»

Kɛɛradzin neè faadziɛ 10:38

Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.

Kɛɛradzin neè faadziɛ 11:29

Tà dzuà doùn, kàràndzin niì reè ni Antsiyɔshì, twɛy yè byɛ̀n à mà, ci ye e si ji e si tsɛ, è sa ko e bɛrɛ. Tɔ̀ tsuru, ye kàràndzìnsi niì reè ni Yude mar'la ɲàn, ye nà tɔ̀ ka bè è re, y'à ka e yɛrɛ dzwɛma.

Kɛɛradzin neè faadziɛ 9:36

Àyìwà, wɔ̀ sɔn na ni, ci Yɔpɛ̀. Tàan sɔn na ni tɔ̀ wɔ̀ rɔ̀n, tɔ̀ sa yeè bà na Yesù rè kàràndzin. Tɔ̀ taàn tsoo na ci Tàbità. Gɛ̀rɛ̀kì goòmà nɔ̀n, ci 'Dɔrɔkasì', nìi dzuɔn ci Dagbɛ. Tɔ̀ taàn na goowùɔ faa kudɛyn, è bà wɔɔ̀ gbakɔɔn reè rà.

Ɔ̀rɔ̀mùnka reè 12:13

Ŋaablà re mòdzin neè màgoo ni nìi rà, ye è dzwɛ̀ma tɔ̀ ka, ye bà ni tɔnɔn ladɔɔn ɲan tsuù ɲàn.

Ɔ̀rɔ̀mùnka reè 12:8

Nìi raà mòdzìn màxɔn, tɔ̀ yeè mòdzian màxɔ̀ɔn. Nìi raà kwɛ̀yfa, tɔ̀ yeè kwɛ̀ɛ faa, à mà e bonè siin waa. Nìi raà jɔundzinbe, tɔ̀ yeè tɔ̀ fa ko sɔ̀bɛ̀nbe ka. Mòò riì màtsur'la, tɔ̀ yeè tɔ̀ fa ko taamadzibe ka.

Korɛntsika reè jɔ̀naà 16:2

Shikuan jisee jɔna sapɛ, e soo sookɔɔn sa yeè ɲɛɛn sɔn bo tsùù e taàkuùn e sa ko e bɛrɛ, gè riì ni à to min wɔ mɔn, ɲɛyn ladzyee goo mà jà à ɲan dɛ.

Korɛntsika reè fiiraa 8:12

È ɲɛn à tsɛ goò faa ŋɛ̀nɛ̀ɲan wuɔ ye ba ni nòn, nìi ni a suun è ka a fa, Ŋaabla tɔ̀ rii siɛ̀n, nìi na ni a suun, à na sɔɔn tɔ̀ kpɛyn waa.

Korɛntsika reè fiiraa 8:9

Mùn Tsìfa Yesù Kirisà yè e ɲanwùɔ kpàdèu nìi tsuru ye tɔ̀ tɔ̀. Tɔ̀ niì na gètsi, ye kamà, è bau gbakɔɔn gè rii ni à to ye yè bà gètsi à re gbaa saabu rɔ̀n.

Galatsika reè 6:10

Tà tsuru, goowùɔ jaa wùù ye ba ni waatsi o waatsi, mùn y'a fa mòdzian sapɛ re, mùn ɲɛynamoosi reè raà yè geren.

Efɛsika reè 4:28

Mòò riì na shɔnbe faa, tɔ̀ yeè shɔnbeè dzii bà. È maxɔbe, è faagoo dàaŋma fa e yɛr'la si rèè ka, gè riì n'a to mòò riì màgoo ni gè ra, è dzi tɔ̀ kɔ̀.

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Dzyèèsìbee mòdzin neè 13:16

E maà e taa myɛn goowuu faa rè waa, ye bà e si dzwɛ̀maa, kàtsu, tɔ̀ tsuru saaka rèè rìì dzi Ŋaablà ra.

Yàkubà 2:5

N neema ì, mun ye nìì reè kɛ̀niɔ̀n fɔ è bè geren, ye e toro wɔ. Dziɲan dzin nèè nìì reè jàa gbakɔɔn, Ŋaabla twɛy ɲankɛrɛɔ̀n rìì, yè bà gètsi ɲɛynaà kàjaa tsɛ, tà ko è re màsàbe riì làyiri seòn e kɛnbaa rèè rè, yè tɔ̀ tàrà shɛn.

Piyɛrì jɔ̀naà 3:11

È vwɛ̀yn ɲaan jɔun, è wùɔ fa. È jaanciàn gaa, è gban à kpɛyn.

Yùxanà jɔ̀naà 3:17

Dziɲan nafor'la ni mòò riì suun, tɔ̀ ye e neemasia byɛunma jà, à to na matsuru à ra waa, Ŋaablà kɛnbààbe ni tɔ̀ ɲan dzùrù ?

Yùxanà zhììgìraa 1:11

Mun ne kɛ̀niunmaà, maà gooɲaan shɔ̀ùnmìnàn waa, ŋà goowùɔ rìì shɔ̀ùnmìnàn. Mòò riì goowùɔ faa, tɔ Ŋaablà raa, ŋà mòò riì gooɲaan faa, tɔ̀ na Ŋaablà jaɔ̀ waa.