Tsìmotè jɔ̀naà 6:17 - Bible Dzùùngoo Unicode

¹⁷ Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Tsìmotè jɔ̀naà 6:17 ပူးပေါင်းရင်းမြစ်များ

Matsiyù 12:32

Mòò o moò ye de dɔ̀n Adamà dziàn ɲàn, Ŋaablà nà e yɛrɛ to tɔ̀ tsìfa re tɔ̀ ra. Ŋà mòò o moò ye de dɔ̀n Ŋaablà re Dzi Fɛnɛɛ ɲàn Ŋaablà fa e yɛrɛ to tɔ̀ tsìfa re she, à fa e yɛrɛ to à re gbey.

Matsiyù 19:23

Tà doùn, Yesù yè dzin e re kàràndzin neè rà ci: «Sààben na, mun nì ci e ra, gètsià dɔn ɲan Jìrànxɔɔ̀ Màsàbee doùn.

Matsiyù 25:16

Tɔ̀un, nìi sɛnu kunun nuàn tàrau, tɔ̀ yeè duru dzii kun suu è faagoo fa à ka, à y'à tsuru nùn tàrà.

Matsiyù 27:57

Àyìwà ɲɛ̀rɛɛ̀rà nàu dzi, kpiri getsi sɔn yeè nà, tɔ̀ tsoo Yusufù, è bà boò Arimate wɔ̀ rɔ̀n. Tɔ̀ sa na baɔ̀ Yesù rè kàràndzin.

Matsiyù 6:32

Àwà, tɔ̀ riì sapɛ yɛ, nìì reè na Ŋaablà tɔ waa, twɛy rìì twɛy gè rèè gaa. Ŋà ye, ye Fà Ŋaablà riì ni jìrànxɔ rɔ̀n, tɔ̀ y'a tɔ̀, ye màgoo ni twɛy sapɛ ra.

Marikì 10:24

Yesù twɛy gooma niì reè dèu, tɔ̀ yeè kàràndzin neè shi. Yesù yè sèè kɔn, è dzin è ra ci: «N dzin ì, Ŋaablà re Màsàbee doùn dɔ̀ɔ̀n ɲan dɛ !

Lukì 19:2

Kpiri sɔn na ni tà wɔ̀ rɔ̀n, tɔ̀ tsoo yè bà na ci Zakè. Àwà, Zakè na xɔnsɔɔn tsi reè kùntsii rìì, è bà na gètsi sa.

Lukì 3:11

È dzin è ra ci: «Mɛ̀yɛ̀ dzin fii ni wo mòò riì rè, pɛn na ni nìi rè, soo sìn tɔ̀ ra. Ɲwɛyn ɲɔnàma to ni wo mòò riì rè, pɛn na ni nìi rè, sɔn sin tɔ̀ ra.»

Kɛɛradzin neè faadziɛ 14:17

Tà to y'à tàrà, à goo ì ka à kpàdèe kudɛyn ci wo wù, kàtsu à ŋaà jàa ye re, è bo ŋaablaxɔ rɔ̀n, è ye re shìman reè wùbe e waatsi ɲan. Ɔ̀ɔn, wò rii ɲwɛɛ̀n ka ye laboò, è ye ɲantsyɛn taamadzibeè rà.»

Kɛɛradzin neè faadziɛ 14:27

Àyìwà, è wɔu Siiri jamaan Antsiyɔshì tɔ̀un, yè ɲɛynamoo kur'là mòdzian ladzyeè. Tà doùn, Ŋaablà baraka rɔ̀n, è dziu goo o goo rìì fa jìɛ̀ doùn, tà ko nìì reè kun kpɛrɛ mòdzin neè, Ŋaabla dziɛ saun twɛy rè nìi tsuru, sànko è sa yeè ɲɛn à ra, yè tɔ̀ sapɛ kpunan bo è ra.

Kɛɛradzin neè faadziɛ 17:25

Gèsɔn pɛn na à fɔɔn waa. Moo yè bà ni gè sìn à ra, à màgoo na ni tɔ̀ ra waa. Jaamabee ò, ŋɔ̀ɔ̀n ò, gè o ge, wò rii y'à sapɛ siàn.

Ɔ̀rɔ̀mùnka reè 11:20

À kpɛ̀yn sààben ! È jèè bou mɔn, è re ɲɛynabɛybeè yè bà saabu, ŋà wo yè bà shiɔ̀ mɔn, tɔ ɲɛynaà nì saabu. Tà doùn, maà a yɛrɛ blabe waa, ŋà shi rii.

Efɛsika reè 5:5

Ye b'a tɔ̀, ci mòdzin kɛkɛ̀ɛ̀yraa, ko mòdzin nooŋmaà, ko mòdzin jaacɛnbɛɛ, tɔ̀ niì ko ɲɔ̀nkɔbaa sa soo, twɛy pɛn dzii na ni Kirisà ko Ŋaablà re màsàbee ɲàn waa.

Kolosika reè 3:16

Kirisà rè goomaa yè e tsuù e ɲan, è buu. Ye e si kàràn, ye e si lasɔnmin akiriblabeè sapɛ ka ko ye ì ka: zàbùrù ye ì, màkìrì ye ì ko Ŋaa blabe ye ì. Ye è cèè Ŋaablà re ko e dusùkuan sapɛ ka è kòrò à ɲanwùɔ ka.

Tesalonikika reè jɔ̀naà 1:9

À bèu wɔ fɔ ɲe wɔumaà ye re mɔn, ye ɲe kuun kuun'n kur'liì rà, tà ko ye sèè bou ɲɔ̀n rèè kpɛyn nìi tsuru ye yè e yɛrɛ sin Ŋaablà jaama takia rà, ye yè e ba tɔ̀ re jòn, è tɔ̀ sapɛ lakɛ̀ɛ.

Tsìmotè jɔ̀naà 1:3

Àwà to Efɛsì wɔ̀ rɔ̀n, a ci mun wo màxɔ̀un nìi tsuru mun bèkɔɔn nà Maseduwanin mar'lɔùn. Tà tsuru nìì reè ni mɔn yè bà kàràn kpɛrɛkuru ì sìan mòdzian nà, e dzin twɛy rà ci y'à dzii bà.

Tsìmotè jɔ̀naà 3:15

Tà tsuru mun kɛ̀nsɛɛn ye cin, mòo wù è re goo shi jiì jììŋ'n kur'liì rà Ŋaablà jaamaa rè gbàà doùn, tɔ̀ niì y'à rè ɲɛynamoo kur'là, sààbeen tsindzian ko à sàngbanmaà, wo yè tɔ̀ tɔ̀.

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Tsìmotè jɔ̀naà 5:21

M'a gaa wo re gaaŋ'n kur'la sapɛ, Ŋaablà ko Yesù Kirisà ko mɛ̀rɛ̀kɛ ɲankɛrɛunma rèè jaa ra, e nèe goo rèe rèè shi jiì, a maà mɛɛy mòò tsɛ, a to mà mòò bo mòò ɲàn.

Tsìmotè jɔ̀naà 6:13

Ŋaablà riì jaamabee sìan gè sapɛ ra, ko Yesù Kirisà rìi shɛɛrɛbe wuu bou Pɔɔnsi Pilatsì jaaterema, twɛy jaa ra, mun nìi jia wo jɔun, tɔ̀ rii siin:

Tsìmotè jɔ̀naà 6:9

Àwà nìì reè sapɛ y'a gaa ye yè bà gètsi, dzuunbweè twɛy sapɛ tar'la. È kur'la goo ɲaan ɲaùn gir'lèè yɔ̀ɔ̀ yè è kuàn, twɛy nìì reè mòdzian bar'la, yè è kùngɔ fìrì peu.

Tsìmotè fiiraa 4:10

È ɲɛn à tsɛ Demasì nèe dziɲan ree goo rèè kɛ̀niɔ̀n nìi fa, tɔ̀ ye e nɔun mun ne è geren Tesalonikì. Keresɛnsì, tɔ dɔ̀n bèu Galatsi mar'la ɲan, Tsitè yè bè Dalamasì màr'lɔ̀ùn.

Tsitè 2:12

Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Tsitè 3:6

Mùn Tsibaa Yesù Kirisà baraka rɔ̀n, à tɔ̀ Dzia jàaŋ mùn tsɛ giri.

Piyɛrì fiiraa 1:11

Tɔ̀ tsuru, mùn Tsìfaà ko mùn Tsibaa Yesù Kirisà rè màsà gane dobɛɛ dziɛ̀ nà san ye re brìsi, ye yè bà ni dɔn.