Tsìmotè jɔ̀naà 5:6 - Bible Dzùùngoo Unicode

⁶ Ŋà fùnshɔ̀ùntaan nìi ni dziɲaan ɲàn raa dzibee goo reè rìì fyɛ̀ùn, tɔ̀ kɛ̀nsɛɛn ye ba jaama, à bàa saɔn rìì.

Tsìmotè jɔ̀naà 5:6 ပူးပေါင်းရင်းမြစ်များ

Matsiyù 8:22

Yesù ci à ra ci: «A gban mun kpɛyn, a to fùn nèè yè e re fùn nèè wɔ.»

Lukì 12:19

Tɔ̀ faumaà shɔ̀ùn, mun dzia dzin n yɛr'la ci: "Aa kpiri, wo jaàn ciun dòònuùn. Gèè giri wo tɛyn, wo dzia nìi bà a magoo jii giri doùn. Tɔ̀ kamà a dzia a ɲanwɔ, e ɲwɛyn fa, e mììn fa, a taama dzibe."

Lukì 15:13

À na cin waa, tseyn kpirimaa yè e raa nìn ge reè sapɛ sen, è gɔɔ. È gɔrɔun, à y'à ɲɛɛn sen, è fù, è dɔ̀n be jìì rà wɔ̀ gbààn sɔn ɲan. À bèu wɔ mɔn, è bè to dzunwɛyn bɔɔbeè rà, è suun ɲɛɛn sapɛ bara bara do.

Lukì 15:24

Mun dzin nìi yɛ nèe, mun ne à na saɔn rìì, ŋà, dòònuùn, mun y'à jàu ci à sèè bàu jaama. À na fìriɔ̀, ŋà, à sèè jàu she." Tɔ̀un, è taama dzibeuma yè fù jaaravi brìsi re.

Lukì 15:32

Mun kpɛ̀yn jaa ra, à wù, mùn yeè jaaravi fa she, mìn taama dzibe. Wo tseyn kpir'liì yɛ nèe, à na saɔn rìì, ŋà, dòònuùn, à sèè bàu jaama. À na fìriunà, ŋà, à sèè jàu she."»

Lukì 16:19

Tà shɔ̀ùn, Yesù yè neè gooma ree ka tàlen ban mòdzian rè ci: «Kpiri nafòròtsi sɔn na ni, a y'a jà, à vya o vya wɔɔ̀, à sapɛ vya wùù wuu kpa xɔ xɔù. A y'a jà, à ɲwɛyn o ɲwɛyn ɲɔɔ̀n, à sapɛ ɲwɛyn dzi dziù è bà giri, jaaravi to na doò à re.

Lukì 7:25

Ye to bou ye bè fee rìì jà ? Ye bèu mòò rìì jà nìi vya wùù jiunà e ma ɔ̀n ? Àwà nìì reè vya wùù reè wɔɔ̀, yè bà e re jaamabee faa dziɔ̀ tsɛ, twɛy ni màsà gba rèè rìì doùn.

Efɛsika reè 2:1

Àwà, è kòrò ye re fìrìgoo rèè ko ye re gooɲaan neè ka, ye na saɔn.

Efɛsika reè 2:5

Tɔ̀ kamà, ɲe nìì reè na saɔn è ɲɛn ɲe re fìrìgoo rèè tsɛ, à ɲe bàu jaama ko Kirisà ka. À ɲanwùɔ rìì baraka ɲan, ye tsiɔ.

Efɛsika reè 5:14

Goo o goo to ye dzi kpadè nòn, tɔ bàu vyevyee. Tɔ̀ kamà è bà deò nèe tsuru ci: «Wo rìi ni ciɛ̀ rà, kpunan e fù bo fùn nèè fi, Kirisà nà e vyevyeè bo wo tsɛ.»

Kolosika reè 2:13

Àwà, ye nìì reè na saɔn è ɲɛn ye re fìrìgoo rèè ko ye re shimaangoo fabɛybeè tsɛ, à ye sèè bàu jaama ko e ka. À mùn ne fìrìgoo rèè sapɛ mɛɛy bou mùn mà.

Tsìmotè fiiraa 3:6

È ɲan, swey dɔ̀n beè gba ì doùn, tàan nìì reè ŋɔn fyɛn, gooɲaan seen ni è kùùn, kur'la goo kaatsià sapɛ yeè bà ni è ɲan, yè twɛy kun e re yɔ̀ɔ̀ ka.

Yàkubà 5:5

Ye yè e re jaamabee fau dzɔ̀nxɔɔ̀ tsɛ, dziɔ̀ ko tswɛɛ tsɛ. Ye ceyn wɔu e yɛrɛ ɲan a ci dzwɛkà ì, vuɛ jisee kamà.

Goo kpàdèuma rèè 18:7

È yɛr'la blàbeò è bè wɔ kàjaa riì mà, è bà à kpàdeò ci gè wùù wuu ì ni wò re, ye tɔ̀ raa byɛnbe ko vununkɔn ji à tsɛ. Ye tɔ̀ fa à ka, kàtsu à dziàn e duùn, ci wò màsà tàànma tsùuŋnà, wo na fùnshɔ̀ùntaan waa, ci shìgoo bèe bo min, è wò tàrà.

Goo kpàdèuma rèè 3:1

Àwà, ɲɛynamoo kur'lìi ni Saridzì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Ŋaablà re dzi ɲɛɛ̀nuàn ko swɛyn ɲɛ̀ɛ̀nuàn ni mòò riì rè, tɔ nìi dèe, tɔ̀ rii siin: Mun wo faadziɛ tɔ̀. Wo tsoò boo ci wo jaama, tɔ̀ to y'à tàrà wo saɔn rìì.