Tsìmotè jɔ̀naà 5:5 - Bible Dzùùngoo Unicode

⁵ Fùnshɔ̀ùntaan takia, nìi too e soone, tɔ̀ yeè e sixɔbeò Ŋaablà tsɛ è bà à màfyɛ̀ɛn fyɛ̀ùn'n kur'la sapɛ, feèn ko bwèè sa.

Tsìmotè jɔ̀naà 5:5 ပူးပေါင်းရင်းမြစ်များ

Lukì 18:1

Àyìwà, twɛy goo rèè shɔ̀ùn, Yesù yè nèe gooma ree ka tàlen ban e re kàràndzin neè rè, nìi nà à kpàdè è ra, ci è wù yè bà Ŋaablà mafyɛ̀ɛn kudɛyn, è mà e gɔn vu ja kuraa.

Lukì 18:7

Àwà, Ŋaabla nìì reè bo baɔ̀ e jaara, yè bà e vu boò à ra, y'à màfyɛ̀ɛn feèn ko bwèè sa, y'a kɛ̀sɛɛ̀ ci Ŋaablà fa sàrìyaa kùnùn è twɛy dzià sìn è ra gbɛ ? Ye yè bà à kɛ̀sɛɛ̀, ci è bà nà cin è kòmànà wɔ è ra gbɛ ?

Lukì 2:37

Tà shɔ̀ùn, tɔ̀ kpir'la yè dò, à y'à to. Tɔ̀un, Anì yè to e soone, à sìà yè bè wɔ fɔ jii cɛɛ̀n ko dzin nààlen. Kudɛyn, à na ni Ŋaablà re gbà blàa fɔɔn doùn. Feèn ko bwèè sa, à na goo faa Ŋaablà re, nìi yɛ, à suàn wɔɔ̀, è bà Ŋaablà mafyɛ̀ɛn.

Kɛɛradzin neè faadziɛ 26:7

Ɲe re mòò rèè kun teeŋ fii rèè sapɛ ɲɛɔ̀n à ra, ci tɔ̀ làyir'là nà bo e shi tsɛ. Tɔ̀ rii kamà, yè bà e ɲanshiɔ̀ yè Ŋaablà blabee feèn ko bwèè sa. Mun ɲɛn niì faɔ̀ tà goò rà dɛ màsà kpiri Agiripà, Dzyèèsìbee mòdzin neè jàaŋnà mun na, è ɲɛn tɔ̀ rii tsɛ !

Kɛɛradzin neè faadziɛ 6:1

Àwà, tɔ̀ jisee kamà, Yesù rè kàràndzin neè na giribe beè vu rìi mà, è na giribe beè tɔ̀ vuà rìì mà. È na kuru fii, è sa yeè bà na Dzyèèsìbee mòdzin ì. Kuru soo dzin neè na kungoòmà sɔn deè, nìi kir'là, ci gɛ̀rɛ̀kì goòmàà. Kuru fiira dzin neè yè bà na Dzyèèsìbee mòdzin neè raa goomaa dèe. Gɛ̀rɛ̀kì gòòmà de reè, yè nà e maa yè jàa kuru fiira dzin neè rà, yè è tsoo dèe, ci è na ɲwɛyn tan'na faa e shi tsɛ ye raa fùnshɔ̀ùntaan rèè ka waa.

Kɛɛradzin neè faadziɛ 9:39

Tɔ̀un, Piyɛrì yè fù, è gban è kpɛyn suu. Àwà, Piyɛrì bèu wɔ mɔn, taàn fùàn ɲɛɔ̀n gbà nìi doùn sangasoò jìran nɔ̀n, yè bè à ka mɔn. Fùnshɔ̀ùntaan rèè sapɛ yeè e kpɛrɛ̀ Piyɛr'là tɔ̀un, yè bà gɛɛ. Tàbità na ni jaamabee rà è ka waatsi riì bwèy, à mɛ̀yɛ̀rii niì reè ko mɛ̀yɛ bla niì reè lamɔnɔun, yè twɛy kpàdèe Piyɛr'là.

Kɛɛradzin neè faadziɛ 9:41

Piyɛrì y'à si kun, è wɔ à ra, è fù. Tà shɔ̀ùn, è kòmànà kàràndzin neè ko fùnshɔ̀ùntaan rèè sèè kiri e shɔùn, è taàn jaama kpadè è ra.

Ɔ̀rɔ̀mùnka reè 1:12

Mun nìi gaa tɔ̀ rii yɛ, ye ko mun yè bè dzi e si màxɔ̀n ɲɛynaà doùn. Ye raa ɲɛynaà yè mun màxɔ̀n, mun sa raà yè ye màxɔ̀n.

Ɔ̀rɔ̀mùnka reè 1:5

À baraka rɔ̀n, mùn y'à ɲanwùɔ tàrau, min bà kɛɛradzin, min bà ni wɔ kuan mòdzian sapɛ ra à tsoò kamà, yè ɲɛyna fa à ra, y'à dèvuà shi jiì.

Korɛntsika reè jɔ̀naà 7:32

Mun nìi gaa, tɔ̀ rii yɛ ye mà vyɛ̀ɛ̀y waa. Mòò riì na furu faɔ̀ waa, tɔ̀ vyɛ̀ɛ̀ymaà Tsìfaà raa goo rèè rìì. È ɲɛn à tsɛ, à y'à gaa wò goo yè bà dzi Tsìfaà rà.

Korɛntsika reè jɔ̀naà 7:34

Tà doùn, à taraɔ̀ kàjaa fii rèe fi. Tɔ̀ soo tsuru, tàan nìi na kpiri seòn waa, ko canguru kpiri tɔ bɛɛ, twɛy vyɛ̀ɛ̀ymaà Tsìfaà raa goo rèè rìì, gè riì ni à to yè fɛnɛbe gɔɔ̀n ko akir'là kàjaa tsɛ. Ŋà tàan nìi furuɔ̀, tɔ vyɛ̀ɛ dziɲaan raa goò rìì ka. È ɲɛn à tsɛ, à y'à gaa wò goo yè dzibe e re kpir'la rà.

Efɛsika reè 6:18

Ye Ŋaablà mafyɛ̀ɛn kudɛyn à re Dzia baraka rɔ̀n, màfyɛ̀yn kaatsià sapɛ ka. E taa yeè bà ni tɔ̀ mà kudɛyn, e ɲan yè bà shiɔ̀ à ra fau'n kur'la sapɛ. Ye màfyɛɛ̀n faa Ŋaablà re mòò rèè sapɛ re.

Filipika reè 4:6

E maà vyɛ̀ɛ̀y goo sɔn pɛn na waa. Ŋà goò sapɛ doùn, e magoo ni nìi rà, y'a gaa Ŋaablà re ko màfyɛyn ka, ye baraka sìn à ra.

Tsìmotè jɔ̀naà 2:1

Àwà, mun mòdzian màxɔ̀ɔn nìi jɔ̀na na, tɔ̀ rii yɛ, yè Ŋaablà mafyɛn fyɛ̀ùn'n kur'la sapɛ: màfyɛ̀ynà goo kaatsià sapɛ, ko tswɛ̀y fàrà goo ì, mòdzian sapɛ re.

Tsìmotè jɔ̀naà 5:16

Àwà fùnshɔ̀ùntaàn ì ye ba ni ɲɛynamoo taàn sɔn ne, à yè wɔ è ra, tɔ̀ seen mà bà ɲɛynamoo kur'là raa waa. Tà tsuru, nìi reè fùnshɔ̀ùntaan taki reè, è dzi wɔ twɛy rà.

Tsìmotè jɔ̀naà 5:3

Fùnshɔ̀ùntaan taki reè, a magoo wɔ twɛy ɲàn.

Tsìmotè fiiraa 1:3

Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Piyɛrì jɔ̀naà 3:5

Dan dan, tààn fɛnɛ niì reè si na xɔ Ŋaablà tsɛ, twɛy na e mawɔɔ̀ tɔ̀ rii tsuru. È mà na jàaŋnà e re kpir'leè rè.