Tsìmotè jɔ̀naà 5:22 - Bible Dzùùngoo Unicode

²² Maà a si tabe tsuù mòò pɛn tsɛ e faagoo kɛ̀ɛ̀yfa à mà Ŋaa re gbàà doùn. Maà a ba mòò pɛn tɛ̀y e re gooɲaan doùn. À to e bà fyɛɔ.

Tsìmotè jɔ̀naà 5:22 ပူးပေါင်းရင်းမြစ်များ

Kɛɛradzin neè faadziɛ 13:3

Àwà, è suàn wɔu, yè Ŋaablà mafyɛ̀n, tà shɔ̀ùn, yè e si rèè tsùù tsùù Barinabasì ko Sɔlì tsɛ yè dzwɛ ji è ra, yè kòmànà à to yè bèe Tsìfaà rè faagoò rà.

Kɛɛradzin neè faadziɛ 18:6

Ŋà, twɛy na e tsiì à ra waa, y'à ɲɛ̀ɛn. Tɔ̀un, Polì sa yeè e re vya rèè ɲan yuuyuu, è dzin è ra ci: «Nìì ye ye tàrà, tɔ̀ ye yɛ̀r'la rìì gaa goo, à na mun ne goo dɛ waa. Àwà, è sen dòònuùn nà, mun nà n jaa ji kun kpɛrɛ mòdzin neè kpà.»

Kɛɛradzin neè faadziɛ 20:26

Tɔ̀ kamà, m'a dè màxɔbee e ra she, e ge o ge ye na sèè bo mun ne kàr'nà kpɛyn, nìi ye na à tsìfa tàrà, tɔ̀ na mun ne goo dɛ.

Kɛɛradzin neè faadziɛ 6:6

Àwà, è twɛy mòkun ɲɛɛ̀nuàn bou, yè nà è kpàdè kɛɛradzin neè rà. Tɔ̀un, twɛy sa yeè Ŋaablà mafyɛ̀n è re, yè e si rèè tsùù è tsɛ, yè dzwɛ ji è ra.

Efɛsika reè 5:11

Tsitsii dzuun goo nafà bɛy reè, e maà e san ji twɛy ɲàn waa, ye è dzuun ni bo.

Tsìmotè jɔ̀naà 3:10

È re jaamabee ɲan yeè siin ŋe, jààma ma ja è ra, yè kòmànà goojaaboo faagoò fa.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Tsìmotè jɔ̀naà 3:6

À mà bà mòdzin nìi tuubiɔ̀ yeu waa. Tɔ mà nà bà saabu è yɛrɛ blabe fɔ è bè geren, tɔ̀ yeè nà kitsi mɛɛy ka à tsɛ, a ci kitsi riì mɛrɔun Sànwɔbaà tsɛ waa.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Tsìmotè jɔ̀naà 4:14

Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.

Tsìmotè fiiraa 1:6

È ɲɛn tɔ̀ tsɛ, mun wo taa toò ci wo Ŋaablà ɲanwùɔ kwɛ̀yge rìi tàrau, mun si rèè tsùuŋmaà doùn wo tsɛ, tɔ̀ sàà dzu den kpɛrɛ.

Tsìmotè fiiraa 2:2

Wo nìi myɛ̀un mun dzu shɛɛrɛ giri jaa ra, tɔ̀ kɛ̀ɛ̀yfa mòdzin ì mà a ɲɛɔ̀n nìì reè rà, è sa yeè bà dzia à kàràn mòò kpɛrɛ ì rà.

Dzyèèsìbee mòdzin neè 6:2

Jaara foo kaatsi nìì reè ni, twɛy raa kàr'nà, tà ko si rèè yè tsùù mòò tsɛ màfyɛyn yè fa à re, tà ko fùn nèè sèè kpunaàn raa goò, ko kitsi latan niì nà kùnùn.

Yùxanà fiiraa 1:11

È ɲɛn à tsɛ mòò riì y'à tswàa, tɔ̀ sa dzyèeŋnà à ka e re faadzii ɲaan neè doùn.

Goo kpàdèuma rèè 18:4

Àwà, min vu kpɛrɛ myɛ̀n è bo jìrànxɔ rɔ̀n kɔn, tɔ dziàn ci: «N ne mòdzin ì, ye bo Babilɔnìn, à re gooɲaan doùn à mà nà e ba e tɛy, à tàr'la gooɲaan neè yè e sa tarà waa.