Tsìmotè jɔ̀naà 5:21 - Bible Dzùùngoo Unicode

²¹ M'a gaa wo re gaaŋ'n kur'la sapɛ, Ŋaablà ko Yesù Kirisà ko mɛ̀rɛ̀kɛ ɲankɛrɛunma rèè jaa ra, e nèe goo rèe rèè shi jiì, a maà mɛɛy mòò tsɛ, a to mà mòò bo mòò ɲàn.

Tsìmotè jɔ̀naà 5:21 ပူးပေါင်းရင်းမြစ်များ

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Matsiyù 25:41

Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

Matsiyù 28:20

N goo o goo dèu e ra, ye tɔ̀ sapɛ karàn è ra, y'à màrà. Àwà fɔ dziɲan yeè bè dò, màan ji o ji seroun, mun ni ye ka.»

Lukì 20:21

Àwà, twɛy mòdzin neè y'à tey tɔ̀ rii ɲàn nèe tsuru ci: «Mùn kàrànfaà, ɲe y'à tɔ̀, ci wo nìi dèe, ko wo nìi sapɛ kar'na mùn na, à sapɛ tereòn. Mòdzian sapɛ soo wo re. Ŋaablà to ci mìn re jaamabee shi jiì nìi tsuru, wo re kàr'nà tɔ̀ sààbeen rìì xu kpadèe.

Lukì 9:26

Tɔ̀ rii kamà, wo mòò riì ci wo seè, mun ko n ne gooma reè kamà, Adamà dziàn sa ye na nà e nɔɔrɔɔ̀ doùn sii rìi sèè, è nà e fa Ŋaablà nɔɔrɔɔ̀ doùn ko mɛ̀rɛ̀kɛ̀ fɛnɛ reè raà doùn, à tsu fa e tsiì è tɔ̀ tsìfa tɔ̀ tɔ sii sèè waa.

Korɛntsika reè fiiraa 5:16

Tà doùn, dòònuùn, ɲe na mòò pɛn tɔ̀ adamàdzin mòdzin niu'n kur'la dɛ. Ɲe kɛ̀nsɛɛn ye ba Kirisà tɔ̀u a ci adamàdzin mòdzin, dòònuùn, ɲe na à tɔ̀ tɔ̀ tsuru dɛ.

Tesalonikika reè jɔ̀naà 5:27

M'a gaa e re gaaŋ'n kur'la sapɛ Tsìfaà kamà, ci nèe sɛbɛn nee, y'a to è kàràn neema reè sapɛ re.

Tsìmotè jɔ̀naà 6:13

Ŋaablà riì jaamabee sìan gè sapɛ ra, ko Yesù Kirisà rìi shɛɛrɛbe wuu bou Pɔɔnsi Pilatsì jaaterema, twɛy jaa ra, mun nìi jia wo jɔun, tɔ̀ rii siin:

Tsìmotè fiiraa 2:14

Mòdzian taa to twɛy goo rèè rè, a dè màxɔbe è ra Ŋaablà jaa ra, ci è mà gooma ì kùùn si sɔswɛy gir'là fa waa. È ɲɛn à tsɛ à yè e lamyɛ̀nbaa rèè màgoo bara boshɔ̀ùn, à na gèsɔn wùbee waa.

Tsìmotè fiiraa 4:1

Àyìwà mun y'à dè màxɔbee wo ra Ŋaablà ko Yesù Kirisà jaa ra, tɔ̀ niì nà kitsia kùnùn jaama reè ko fùn nèè sa tsɛ, mun y'à dè màxɔbe à nà jisee ko à re màsàbee tsoo ra,

Yàkubà 3:17

Ŋà akiriblabe rìi daɔn è bo jìrànxɔ rɔ̀n, tɔ ni mòò riì ɲàn, à tsìfa fyɛɔ, à na kaa faa, à vunun ma dzi, à mɔ̀nɲɔɔ̀n, à màtsur'la fɔ è bè geren, faadzii wuu ni à ɲan, à na ɲànkɛrɛn faa, à to na duungoofiitsi.

Piyɛrì fiiraa 2:4

Àwà, mɛ̀rɛ̀kɛ nìì reè gooɲaan fau, Ŋaablà na twɛy to mɔn waa. À jɔ̀rɔ̀kɔ wɔu è ra, à yè è ji tsitsiì brìsià ɲàn jààndamaan doùn, è ni min niì, yè bà kitsia jisee màshua.

Yudè 1:6

Mɛ̀rɛ̀kɛ nìì reè na to e re kùntsììbee tsììma nɔn waa, ŋà è bou e yɛr'là gbaa doùn, twɛy shì ji tsuuŋma ni jɔ̀rɔ̀kɔ ì ka kudɛyn tsitsiì brìsià ɲàn, yè kitsia jisee blaa màshu ji tsuù.

Goo kpàdèuma rèè 14:10

tɔ̀ sa nà Ŋaablà re vununta ɲaɔ̀n mììngeè mìn, nìi tèrèke jiɔ̀ à re vununtaà yukuɔn doùn. À tsìfa nà byɛn sàà ko gìrìbià ɲàn Ŋaablà re mɛ̀rɛ̀kɛ rèè ko Sààtòmòìriɛ jaa ra.