Tsìmotè jɔ̀naà 5:17 - Bible Dzùùngoo Unicode

¹⁷ Ɲɛynamoo kur'la bɔɔ nìì reè ɲɛynamoo kur'la kuru kuun'n kuru wuu faa, twɛy wù blàbe ka shiɲaan jaa fii, gooma na ni nìì reè yè e yɛrɛ siɔ̀n waajibi faa ko mòdzìn kar'na faagoò rà waa.

Tsìmotè jɔ̀naà 5:17 ပူးပေါင်းရင်းမြစ်များ

Matsiyù 24:25

Y'a myɛ̀un dɛ, min toro kɔ̀u nòn !

Lukì 10:7

Fɔɔn re dzin niì reè ye e tsiì ye jaà ye re, ye to tà fɔɔn doùn. È ye ɲwɛyn nìi sìn e ra, ye tɔ̀ ɲɔn. Yè yu rìi sìn e ra, ye tɔ̀ mìn, kàtsu, faagoofadzian wù e sar'là ka. E maà e tɔɔnsi tsiɛ lakere kere beè waa.

Lukì 12:42

Yesù yè dzin à ra ci: «Wo re o, mòo dzia ɲɛn gbàà goojaabobaa rìi rà à akiri yè bà dzi, tɔ mòdzìn kaatsi kɛ̀n ? Tɔ mòdzin, à kùntsiɛ̀ y'à tsùɔ e re gbàà doùn jòn dzyee reè kùùn, è bà ni è re ɲwɛɛ̀n sìn è ra e waatsi ɲan.

Yùxanà 4:38

Mun ye ka bèu dzù sɔn ɲan, ye na faagoo faɔ̀ min niì waa, ci ye yè b'a shìmaan gaa. Swey y'à faagoò fau, ye yè è re byɛnbee tɔ̀n'nà tàrà.»

Kɛɛradzin neè faadziɛ 11:30

È to tɔ̀ rii fau. Yè e si ji e si tsɛ tɔ̀un, y'à sìn Barinabasì ko Sɔlì rà, ci yè b'a sìn Yude mar'la kàràndzìn kur'là jɔundzin neè rà.

Kɛɛradzin neè faadziɛ 20:35

Min niì sapɛ, mun na à kpàdèe ye ra kudɛyn, ci ye faagoò fa tɔ̀ tsuru, ye wɔ gbakɔɔn reè rà. Tsìfa Yesù nìi dèu, mìn taa to tɔ̀ re. À dziun ci: "E mòò kɔ̀, dzwɛ ni tɔ̀ rii ɲàn, è geren mòò y'à kɔ."»

Kɛɛradzin neè faadziɛ 28:10

Tɔ̀ goò yè bà saabu, blàbe giri yè ɲɛn ɲe tsɛ mɔn fɔ è bè geren. Ɲe ci e ye bo mɔn waatsi riì bwèy, ɲe yè bè, gè o ge màgoo ni ɲe ra e re jìɛ̀ doùn, yè tɔ̀ sapɛ sin ɲe ra.

Ɔ̀rɔ̀mùnka reè 12:8

Nìi raà mòdzìn màxɔn, tɔ̀ yeè mòdzian màxɔ̀ɔn. Nìi raà kwɛ̀yfa, tɔ̀ yeè kwɛ̀ɛ faa, à mà e bonè siin waa. Nìi raà jɔundzinbe, tɔ̀ yeè tɔ̀ fa ko sɔ̀bɛ̀nbe ka. Mòò riì màtsur'la, tɔ̀ yeè tɔ̀ fa ko taamadzibe ka.

Ɔ̀rɔ̀mùnka reè 15:27

À kpɛ̀yn sààben y'à ŋɛ̀nɛ̀ɲaun, ŋà è na wù y'à fa sa, kàtsu è re tsìi ni è ra. È ɲɛn à tsɛ, kun kpɛrɛ mòdzin neè ye ba e ninma jau xɔn raa goo rèè ɲàn è bo è re, à wù è sa yeè e ninma ja suun ge reè ɲàn, è bo kun kpɛrɛ mòdzin neè rè.

Ɔ̀rɔ̀mùnka reè 16:12

Ye tswɛ̀y sin Tsirifayinà ko Tsirifosà rà, twɛy tàan nìì reè yè e yɛrɛ siun faagoò rà Tsìfaà rè. Ye tswɛ̀y sin Pɛrɛsisì sa ra, tàan kɛ̀niunmaà, tɔ̀ niì sa faagoo giri fau Tsìfaà rè.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Korɛntsika reè jɔ̀naà 16:16

ci ye e majàà twɛy mòdzìn tsu rèè rè, ko nìì reè sapɛ faagoò faa ko è ka, yè bà ni tɔ̀ faagoo xɔù soo rà.

Korɛntsika reè jɔ̀naà 3:9

È ɲɛn à tsɛ, ɲe ko Ŋaablà yeè e si faagoofasi ì à re faagoò doùn. Ye rìì Ŋaablà re dzù faramaà, ye yè bà à re gbà jiramaà.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Galatsika reè 6:6

Mòò riì kàr'na Ŋaablà re goomaa nà, à wù tɔ̀ yeè e karànbaà nìn bo e suun ge reè sapɛ ɲan.

Filipika reè 2:16

Tɔ̀un, è jaamabee goomaa to ye suun, tɔ nà bà mun yɛ̀rɛ̀blàbè kun Kirisà rè jisee sii sèè, è kpàdè ci mun na vwɛyn maana, mun na byɛnbee fa maana waa.

Filipika reè 2:29

Tà doùn y'a kùùntsiu'n kuru wube Tsìfaà ɲàn ko taamadzibeè sapɛ ka. Ye blà wɔ tɔ̀ tsuru mòdzin neè ɲàn.

Filipika reè 4:3

Wo rìi sa to mun faagoofasi taki takìà, m'a gaa a re, e wɔ è ra. È wɔu mun na Kùnàgoo Dziɔ̀ faagoò doùn, è ɲɛn Klemà tsɛ ko mun faagoofasi dzyee reè sapɛ. È sapɛ tsoo rèè sɛbɛɔ̀n jaamabee sɛbɛɛn doùn.

Tsìmotè jɔ̀naà 3:5

È ɲɛn à tsɛ, mòò riì na dziɔ̀ e yɛr'la rè tsun'nà nà, tɔ nà dzi Ŋaablà re ɲɛynamoo kur'là ladɔn dzùrù ?

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Tsìmotè jɔ̀naà 4:14

Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.

Tsìmotè jɔ̀naà 4:16

A taa to a yɛr'le, a taa to a re kàr'nà rè. A ɲanshì tɔ̀ ra, è ɲɛn à tsɛ à fakɔɔn tɔ̀ tsuru, tɔ nà wo yɛ̀r'la tsi, è wo lamyɛnbaa rèè sa tsi.

Tsìmotè jɔ̀naà 4:6

Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.

Tsìmotè jɔ̀naà 5:19

Mòò ye jààki mɛɛy ɲɛynamoo kur'là bɔɔ̀ sɔn tsɛ, a ma shɛɛrɛ fii tàmafa zhììgi vu myɛ̀n, ma a tsiì tɔ̀ ra.

Tsìmotè jɔ̀naà 5:3

Fùnshɔ̀ùntaan taki reè, a magoo wɔ twɛy ɲàn.

Tsìmotè fiiraa 2:6

Fɛɛfabaa rìi byɛɛn è fɛɛ fa, tɔ̀ rii jɔ̀na wù è nin tarà shìmaan ɲàn.

Tsìmotè fiiraa 4:2

ci waatsi wuu sen ɲɛn waatsi ɲaan tsɛ, e Ŋaablà re Goomaa dè, a tsi à tsɛ. Doò dzuun bo, mòdzian sɔ̀ɔ̀n dè, e màxɔ̀n. Mɔ̀ɲɔn brisi doùn, yè kàràn.

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Dzyèèsìbee mòdzin neè 13:24

Ye e jɔundzin neè sapɛ tswa. Nìì reè sapɛ to Ŋaablà raa, ye twɛy sapɛ tswa. Itali jamaan kàràndzin neè yè e tswau.

Dzyèèsìbee mòdzin neè 13:7

E jɔundzin bɔrɔɔ niì reè yè è toro kɔ̀ dɔ̀un Ŋaablà re goomaa nà, ye e taa to twɛy rè. È re jaamabee lataun nìi tsuru, ye tɔ̀ siin, e sa yeè ɲɛn Ŋaablà ra è raà tsuru.