Tsìmotè jɔ̀naà 5:10 - Bible Dzùùngoo Unicode

¹⁰ À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsìmotè jɔ̀naà 5:10 ပူးပေါင်းရင်းမြစ်များ

Matsiyù 25:17

Kunun fiitsià sa yeè tɔ̀ soo fa, tɔ̀ sa yeè e raà tsuru fii tàrà.

Matsiyù 5:16

Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Lukì 7:38

Taàn nàu wɔ, è dɔ̀n Yesù bonè, è bè e kunun gban à sàn nèè tɛyn, è maa è gɛɛ. È gɛyn fɔ à jaayuà yè bè Yesù sàn nèè fyee. Tà shɔ̀ùn, è kungwɛ̀ɛn ka à sàn nèè tsùsa, è mà nùù nùù. Tɔ̀un, è ɲin'nà kon à sàn nèè tsɛ.

Lukì 7:44

Tà shɔ̀ùn, è jaa kere taàn nà, è dzin Shimɔ̀n nà ci: «Wo tàan rèe jàa kɛ̀ ? Mun nàu wo kpà, wo na yu pɛn sìn, è ka mun san nèè fòò waa. À to yè e jaayuà ka mun sàn nèè fòoŋ è tsùsa e kungwɛ̀yn neè ka.

Kɛɛradzin neè faadziɛ 10:22

Twɛy yè dzin ci: «Kaadzin kuntsii niì tsoo ci Kɔrɔnayì, tɔ̀ rii ɲe ka naɔ. À mòdzin tereonma, à Ŋaablà blabee, à tsoo dzi yeè bà ni Dzyèèsìbee mòdzin neè sapɛ dzu. Ŋaablà re mɛ̀rɛ̀kɛ sɔn y'a gaaŋnà à re, ci è wo kiri na e re tsii, ci gooma ni wo re, wo y'à dè à ra.»

Kɛɛradzin neè faadziɛ 22:12

Àwà, kpiri sɔn na ni mɔn, ci Ananiyasì. Tɔ̀ kpir'la na shia Ŋaablà jɔun, è bà Musà rè sàrìyaa goo rèè shi jiɛ e jiu'n kur'la. Dàmasì wɔ̀ɔ̀ Dzyèèsìbee mòdzin neè sapɛ na à tsoo dzi kir'là.

Kɛɛradzin neè faadziɛ 6:3

Tɔ̀ kamà, mùn kòòsi kàràndzin ì, mùn nà à gaa e re, ye mòkun ɲɛɛ̀nun bo e ɲan, e ɲɛɔ̀n nìi reè rà, Ŋaablà re Dzia yè bà ni è ɲan, è akiri yè bà blà. Tɔ̀ tsuru, mùn nà ɲwɛɛ̀n raa faagoò to twɛy suun.

Kɛɛradzin neè faadziɛ 9:36

Àyìwà, wɔ̀ sɔn na ni, ci Yɔpɛ̀. Tàan sɔn na ni tɔ̀ wɔ̀ rɔ̀n, tɔ̀ sa yeè bà na Yesù rè kàràndzin. Tɔ̀ taàn tsoo na ci Tàbità. Gɛ̀rɛ̀kì goòmà nɔ̀n, ci 'Dɔrɔkasì', nìi dzuɔn ci Dagbɛ. Tɔ̀ taàn na goowùɔ faa kudɛyn, è bà wɔɔ̀ gbakɔɔn reè rà.

Kɛɛradzin neè faadziɛ 9:39

Tɔ̀un, Piyɛrì yè fù, è gban è kpɛyn suu. Àwà, Piyɛrì bèu wɔ mɔn, taàn fùàn ɲɛɔ̀n gbà nìi doùn sangasoò jìran nɔ̀n, yè bè à ka mɔn. Fùnshɔ̀ùntaan rèè sapɛ yeè e kpɛrɛ̀ Piyɛr'là tɔ̀un, yè bà gɛɛ. Tàbità na ni jaamabee rà è ka waatsi riì bwèy, à mɛ̀yɛ̀rii niì reè ko mɛ̀yɛ bla niì reè lamɔnɔun, yè twɛy kpàdèe Piyɛr'là.

Ɔ̀rɔ̀mùnka reè 12:13

Ŋaablà re mòdzin neè màgoo ni nìi rà, ye è dzwɛ̀ma tɔ̀ ka, ye bà ni tɔnɔn ladɔɔn ɲan tsuù ɲàn.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Kolosika reè 1:10

Tà tsuru, e jiì saàn yè bà ni byɛn Tsìfaà sàɔ mà, e goo yè dzibe à ra kàjaa sapɛ tsɛ. E faadzii wuɔ yè dzin ì wɔ, ye bɔɔ bè jɔun Ŋaablà tɔɔ̀ ɲàn.

Tsìmotè jɔ̀naà 2:10

Ŋà è raa màwɔɔ ye byɛ̀n faadzii wuu ì rìì mà, a ci tàan nìì reè ci ye shia Ŋaablà jɔun, twɛy raa faadziɛ ni nìi tsuru.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Tsìmotè jɔ̀naà 3:7

À wù sa, à tsoo dzi yeè bà ni ɲɛynabɛy reè dzu, gè riì ni à to à mà nà bà ɲanfyɛnbee gè, tɔ̀ yeè nà bà saabu è mɛɛy Sànwɔbaà rè yɔ̀ɔ̀ doùn waa.

Tsìmotè jɔ̀naà 5:16

Àwà fùnshɔ̀ùntaàn ì ye ba ni ɲɛynamoo taàn sɔn ne, à yè wɔ è ra, tɔ̀ seen mà bà ɲɛynamoo kur'là raa waa. Tà tsuru, nìi reè fùnshɔ̀ùntaan taki reè, è dzi wɔ twɛy rà.

Tsìmotè jɔ̀naà 5:25

Tɔ̀ fau'n kuru soo rà faadzii wuu reè sa tɔ̀ɔ tabe. Nìì reè to na tɔ ŋe, twɛy tsu mɛnɛunma fa to waa.

Tsìmotè jɔ̀naà 6:18

À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Tsìmotè fiiraa 1:5

Ɲɛyna fyɛuma nìi ni wo ɲan, mun taa ni tɔ̀ re. Tɔ̀ niì bàu ni wo nabɔɔ Loyisì ko wo na Enisì jɔ̀na ɲan, mun ɲɛunà à ra ci tɔ̀ soo ni wo sa ɲan.

Tsìmotè fiiraa 2:21

Tà doùn, mòò riì nà e foò fyɛ bo twɛy goo rèè sapɛ ɲan, tɔ nà bà jisee bla blaa faagoo faa tàànge, nìi fɛnɛɔ̀, è tsifaà màgoo wubee, à mà yè bà byɛ̀n tsùuŋnà faagoo wuu faa sapɛ kamà.

Tsìmotè fiiraa 3:15

Fɔ wo dziinkoomɛyniinkɔɔn nà, wo Ŋaablà re Kìtaabuà tɔ̀. Tɔ̀ rii dzia wo bà akiritsi, wo yè bà ni tsi ɲɛynaà baraka rɔ̀n, Yesù Kirisà ɲàn.

Tsìmotè fiiraa 3:17

gè riì ni à to, Ŋaablà re faagoofabaà yè bà mòdzin mɔunma, à dzii yè bà tsyɛɔ̀n faagoo wuu faa sapɛ dzyeèma kajaa tsɛ.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsitè 2:7

Goò sapɛ doùn, wo yɛ̀r'la sa yeè bà jaakpadeyra wùù faadzii wuɔ kajaa tsɛ. Sɔ̀bɛ̀nbee ko blàbee yè jà kàr'nà doùn.

Tsitè 3:1

È taa to, ci yè e majàà kùntsii rèè ko fàan mòdzin neè rè. Yè è vu kun, yè bà ni tsuù goowùɔ sapɛ faa ɲan tsuù ɲàn.

Tsitè 3:14

Mùn ne ɲɛynamoo rèè sa wù yè dɛ̀ɛ̀y goowuu faa rà, è sa yeè bà ni dzi e tsiì swey màgòò wùbè ge ì ka taama. Tà tsuru, è mà bà mòdzin ì, nàfa na ni nìì reè ɲàn waa.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Dzyèèsìbee mòdzin neè 10:24

Y'a to mùn yeè e taa to e si re, mìn si màxɔ̀n kɛ̀nbààbee ko goowuu faa rà.

Dzyèèsìbee mòdzin neè 13:2

Tɔnɔn ye na jàà e re, y'a kuun'n kuru wuu fa. E maà e taa myɛn jà tɔ̀ re waa, kàtsu, mɛ̀rɛ̀kɛ ì jàà jàu swey rè, yè è kuun'n kuru wube, è na à tɔ̀, ci à mɛ̀rɛ̀kɛ ì waa.

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

Piyɛrì jɔ̀naà 2:12

Ye e re jaamabee fa fau'n kuru wuu ra Ŋaabla tɔ bɛy reè fi. Tɔ̀ tsuru è kɛ̀nsɛɛn ye ba doò wɔɔ̀ ye ra ci ye gooɲaanfabaa ì, è nà ye faadzii wuɔ kààwɔ, yè tsoo dzi ɲɛn Ŋaablà tsɛ tɔ̀ bo sii sèè è re.

Piyɛrì jɔ̀naà 4:9

Ye e si ladɔn, ŋùnùnŋunun mà jà à ɲan waa.

Yùxanà zhììgìraa 1:12

Nìi Demeturusì kpɛ̀yn, mòdzian sapɛ tɔ̀ shɛɛrɛbe wuu boò, arì sààbeen sa. Ɲe sa y'a shɛɛrɛbe wuu boò, wo to y'à tɔ̀ ci ɲe raa shɛɛrɛbee sààben.