Tsìmotè jɔ̀naà 4:6 - Bible Dzùùngoo Unicode

⁶ Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.

Tsìmotè jɔ̀naà 4:6 ပူးပေါင်းရင်းမြစ်များ

Matsiyù 13:52

È dzin è ra ci: «Tɔ̀ kamà, Sàrìryà Kaamoo ge o ge ye ba Jìrànxɔɔ̀ Màsàbee doùn kàràndzin, tɔ bàa boo gbàtsi re, nìi gè ye ì ko gè bɔrɔɔ ì sa boò e re nàfòrò marama nɔ̀n.»

Kɛɛradzin neè faadziɛ 1:15

Àwà, sii sɔn see, kàràndzin neè yè nà e ladzyèè kɔn, è giribee yè bà na mòkun caànmoò ko dzin mòò boò. Tɔ̀ sii sèè, nìi Piyɛrì, tɔ̀ yeè fù, è tsiì è fi, è dzin nèe tsuru ci:

Kɛɛradzin neè faadziɛ 20:31

Tà doùn, e maà cìi dɛ ! Ye e taa to, ci è bè tàrà fɔ jii zhiigi feèn ko bwèè sa, kudɛyn, mun na ye mòò sɔ̀n sɔ̀nkɔɔn sapɛ latsia fɔ mun bèe jaayu boò waatsia sɔn ɲan.

Kɛɛradzin neè faadziɛ 20:35

Min niì sapɛ, mun na à kpàdèe ye ra kudɛyn, ci ye faagoò fa tɔ̀ tsuru, ye wɔ gbakɔɔn reè rà. Tsìfa Yesù nìi dèu, mìn taa to tɔ̀ re. À dziun ci: "E mòò kɔ̀, dzwɛ ni tɔ̀ rii ɲàn, è geren mòò y'à kɔ."»

Ɔ̀rɔ̀mùnka reè 15:15

Ŋà min bà ni ye taa to, min kuùn xɔbeu min sɛbɛn fa kàjaa reè swey tsɛ ye re, è ɲɛn Ŋaablà ɲanwùɔ tsɛ, à tɔ̀ niì faɔ̀ mun ne.

Korɛntsika reè jɔ̀naà 4:17

Tɔ̀ rii kamà, mun Tsìmotè kaà ye re, mun dzin kpiri kɛniunmaà, è bà vusootsi Tsìfaà ɲàn. Mun yè n ne jaamabee shi jiɛ nìi tsuru Kirisà ɲàn, a ci mun y'à kàr'na nìi tsuru min niì sapɛ, ɲɛynamoo kur'lèè sapɛ re, à nà ye taa to tɔ̀ re.

Korɛntsika reè fiiraa 11:23

È Kirisà rè faagoofadzin ì nì kɛ̀ ? Mun kpɛ̀yn nà gooma a ci akirifukɔɔn dɛ, ŋà mun Kirisà rè faagoofadzin è geren è tsɛ. Faagoo ɲaɔ̀n kàjaa tsɛ, mun tɔ̀ fau è geren è tsɛ. Kàsò dòùn jia kàjaa tsɛ, mun tɔ̀ fau è geren è tsɛ. Banbwee kàjaa tsɛ, tɔ̀ giri mun tàrau è mà, min saàn jà n jaa ra waatsi giri.

Korɛntsika reè fiiraa 3:6

Wò rii y'à dzi siun ɲe ra sa, ɲe yè bà dzyèèsìbè yeu faagoofabaa ì, nìi na sɛbɛɛn raa dzyèèsìbee waa, ŋà à Ŋaablà re Dzia raà rìì. È ɲɛn à tsɛ sɛbɛɛn, tɔ vui faa, ŋà Dzia, tɔ jaamabee sìan.

Korɛntsika reè fiiraa 6:4

Goò sapɛ doùn, ɲe yè e yɛrɛ goo dèe nìi ka tɔ̀ rii yɛ ɲe y'à kpàdè kàjaa sapɛ tsɛ ci ɲe Ŋaablà re faagoofabaa ì. Mɔ̀ɲɔn brisi ka, ɲe tɔ̀ kpàdèe byɛnbe reè doùn, fààntsì goo reè, vununkɔn goo reè.

Efɛsika reè 6:21

Àwà, ye yè bà ni à tɔ̀ goo nìì reè ni mun ne, ko mun nìi faa, nìi Tsishikì, mùn neema kpiri kɛniunmaà, Tsìfaà rè faagoofabaa vusootsià, tɔ nà bè ye toro kɔ̀ tɔ̀ sapɛ ra.

Filipika reè 2:20

È ɲɛn à tsɛ, Tsimotè boshɔ̀ùn, mòò pɛn kpɛrɛ na ni nìi ko mun kɛ̀sɛmàà sa soo ye raa goò tsɛ, è bà à vyɛ̀ɛ goo taki waa.

Filipika reè 2:22

Y'a tɔ̀, Tsìmotè yè e re sɔ̀bɛ̀nbee kpàdèu nìi tsuru, nìi yɛ è yɛrɛ siun Kùnàgoo Dziɔ̀ faagoo rà mun ka a ci dzin ko fà.

Filipika reè 3:16

Ŋà à bàu dzii o dzii, mùn wɔɔ wɔmà nìi ɲàn, mìn jìɛ̀ fa esire kàjaa soo tsɛ.

Kolosika reè 2:19

Kirisà, tɔ̀ niì kùngɔɔ̀, è na e shiɔ̀ tɔ̀ ra waa. Tɔ̀ to y'à tàrà, wò rii gɔɔ̀n sapɛ kuɔn e si ra soo xɔtsuma rèè ko fɛ̀r'lèè ka, è bà à dziira gaa è bɔɔ Ŋaablà re bɔɔ ɲan.

Kolosika reè 3:16

Kirisà rè goomaa yè e tsuù e ɲan, è buu. Ye e si kàràn, ye e si lasɔnmin akiriblabeè sapɛ ka ko ye ì ka: zàbùrù ye ì, màkìrì ye ì ko Ŋaa blabe ye ì. Ye è cèè Ŋaablà re ko e dusùkuan sapɛ ka è kòrò à ɲanwùɔ ka.

Kolosika reè 4:7

Goo o goo ni mun ne goò ɲàn, nìi Tsishikì, mùn neema kpiri kɛniunmaà, Tsìfaà rè faagoofabaa vusootsià ko mun faagoofasià, tɔ nà bè ye toro kɔ̀ tɔ̀ sapɛ ra.

Tesalonikika reè jɔ̀naà 3:2

Ɲe yè e neema kpiri Tsìmotè ka ye re, Ŋaablà faagoofasià Kirisà rè Kùnàgoo Dziɔ̀ dèè doùn, è bà ni fààn wɔ ye ɲan, è ye màxɔ̀n e re ɲɛynaà doùn.

Tsìmotè jɔ̀naà 1:10

È bà tsùuŋnà kɛ̀kɛ̀ɛ̀y gòò fa reè kamà, ko kpiri ko kpiri gaa reè, ko jòn gɔɔ reè, ko doo de reè, ko nìì reè yè e kɛɛ doò tsɛ, ko goo o goo rìì dzun wɔɔ kàràn takia rà.

Tsìmotè jɔ̀naà 4:16

A taa to a yɛr'le, a taa to a re kàr'nà rè. A ɲanshì tɔ̀ ra, è ɲɛn à tsɛ à fakɔɔn tɔ̀ tsuru, tɔ nà wo yɛ̀r'la tsi, è wo lamyɛnbaa rèè sa tsi.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Tsìmotè fiiraa 1:6

È ɲɛn tɔ̀ tsɛ, mun wo taa toò ci wo Ŋaablà ɲanwùɔ kwɛ̀yge rìi tàrau, mun si rèè tsùuŋmaà doùn wo tsɛ, tɔ̀ sàà dzu den kpɛrɛ.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.

Tsìmotè fiiraa 4:3

È ɲɛn à tsɛ, waatsi nàa, nìi doùn mòdzian na naà gaa kàràn takia rà dɛ, ŋà è kòrò è yɛ̀r'la dzibee goo reè ka, nìi dzi è tor'là rà, è nà twɛy dèbaa kààmoo reè kuru brisi gaa e yɛrɛ kɔ.

Tsitè 2:1

Àwà Tsitè, nìi kpɛ̀yn wo, mòdzian kàràn, è kòrò kàràn takia ka.

Piyɛrì jɔ̀naà 2:2

A ci dzinyɛy kereuma yeu ì, ye sɔ̀ɔ̀n Ŋaablà re Goomaa nɔnɔn taki takìà kpɛyn, gè riì ni à to tɔ̀ baraka ɲan, ye dzi bɔɔ e tsià kamà.

Yùxanà fiiraa 1:9

Mòò o moò na toò Kirisà raa kàr'nà tsɛ, fɔ à sɔn ni bà beè à tɛ̀y, tɔ̀ na Ŋaablà taraɔ̀ waa. Ŋà mòò riì toò tà kàr'nà tsɛ, tɔ Fàà ko Dzin Kpir'la sa taraɔ̀.

Yudè 1:5

Àwà mun sào ni min ye taa to goo sɔn ne, ye to kɛ̀nsɛɛn ye ba à sapɛ tɔ nòn. Nìi yɛ, ci Tsìfaà rè e re mòò rèè tsi boumaà shɔ̀ùn Misiran jamaan doùn, nìì reè na ɲɛn à ra waa, à twɛy vuu.