Tsìmotè jɔ̀naà 4:10 - Bible Dzùùngoo Unicode

¹⁰ Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Tsìmotè jɔ̀naà 4:10 ပူးပေါင်းရင်းမြစ်များ

Matsiyù 16:16

Shimɔn Piyɛrì ci: «Wo rìì Ŋaablà Jaara Modzìàn, Ŋaablà jaamaa Dzin Kpir'la.»

Matsiyù 27:43

À na e kɛɛ̀yfaɔ̀ Ŋaablà rii mà gbɛ ? À goo ye ba dzi tɔ̀ ra, tɔ̀ y'a tsi kɛ̀, kàtsu à dziun ci wò rii Ŋaablà Dzin Kpir'la.»

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Yùxanà 4:42

Yè dziàn taàn nà ci: «Wo raa goomaa shɔ̀ùn ɲe ɲɛun à ra. Ɲe yè ɲɛn à ra kɔn, kàtsu à goomau ɲe yɛ̀r'la jaa ra. Ɲe y'à tɔu, ci mòò riì dziɲaan mòdzian tsibaà e re gooɲaan nà, à wò rii taki.»

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Korɛntsika reè fiiraa 1:10

Wò rii ɲe tsiu tɔ̀ san brìsià rà, à to ɲe tsià arì she. Ɔ̀ɔn, wò rii ɲe tsiu, ɲe si to xɔ à tsɛ ci à nà ɲe tsi kɔn.

Tsìmotè jɔ̀naà 2:3

Nìi wù, è bà dzi mùn Tsibaa Ŋaablà ra, tɔ tɔ̀ rii,

Tsìmotè jɔ̀naà 2:4

tɔ̀ niì sào ni mòdzian sapɛ yeè tsi, yè dzi sààbeen tɔ̀.

Tsìmotè jɔ̀naà 2:6

Tɔ̀ yeè e yɛrɛ siun mòdzian sapɛ kungɔ̀ màbò sara. Tɔ bàu shɛɛrɛbe, nìi fau e waatsi ɲan.

Tsìmotè jɔ̀naà 3:15

Tà tsuru mun kɛ̀nsɛɛn ye cin, mòo wù è re goo shi jiì jììŋ'n kur'liì rà Ŋaablà jaamaa rè gbàà doùn, tɔ̀ niì y'à rè ɲɛynamoo kur'là, sààbeen tsindzian ko à sàngbanmaà, wo yè tɔ̀ tɔ̀.

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Dzyèèsìbee mòdzin neè 11:26

Musà y'à jàu, ci e seey Ŋaablà Jaara Modzìàn rè seey doùn, tɔ̀ nàfaà blà è geren Misiran jamaan nàfor'la sapɛ dzyeèma tsɛ. Sàr'lìi nà tàrà bònè, à jaa na ni tsuù tɔ̀ rii là.

Dzyèèsìbee mòdzin neè 13:13

Tà doùn, mùn sa yeè bo b'a ra mɔn wɔ̀ɔ̀ bònè, seey rìi y'à tàrau, tɔ̀ yeè mùn sa tarà.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Yùxanà jɔ̀naà 2:2

Wò rii bàu saaka, è mùn ne gooɲaantsiɛ mɛɛy bo mùn vu ra, à to na ɲe bàsɔùn waa, à dziɲantsiɛ sapɛ rii.

Yùxanà jɔ̀naà 4:14

Nìi ɲe, ɲe y'à jàu, ɲe to y'à shɛɛrɛbe faa, ci Fà Ŋaablà yeè e Dzin Kpir'la ka nau, è nà bà dziɲantsiɛ Tsibaa.