Tsìmotè jɔ̀naà 3:2 - Bible Dzùùngoo Unicode

² Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Tsìmotè jɔ̀naà 3:2 ပူးပေါင်းရင်းမြစ်များ

Lukì 1:6

Jakàrìya, ko e re tààn Elizabɛtsì, è fiɛ̀ sa na tereòn Ŋaablà jaa ra. È na mùn Tsìfaà dzugooma xɔù rèè ko à re shi kpadèunma rèè sapɛ shi jiɛ, arì jààma kiɲaanin naà ni è ra waa.

Lukì 2:36

Àwà, Ŋaablà re kɛɛra taan sɔn sa na ni mɔn, yè bà na tɔ̀ kir'là ci Anì. Àwà, Anì naa fàà tsoo na ci Fanuyɛlì, nìi Asɛr'laa tsua mòdzian sɔn. Anì sìà na wɔɔ sɔn ma. Kpir'liì y'à cangurukɔɔn màgoo fau, à jii ɲɛɛ̀nun nì fau ko tɔ̀ ka.

Ɔ̀rɔ̀mùnka reè 12:13

Ŋaablà re mòdzin neè màgoo ni nìi rà, ye è dzwɛ̀ma tɔ̀ ka, ye bà ni tɔnɔn ladɔɔn ɲan tsuù ɲàn.

Filipika reè 2:15

Tà tsuru ye bà ni ba mòdzin ì, jààma na ni nìì reè rà waa, yè bà fyɛɔ. Ye bà Ŋaablà dzin ì, fyɛ̀ na ni nìì reè rà waa, nèe waatsi ree mòdzin neè fi, twɛy nìì reè na tereòn waa, yè bà baraɔ̀. Ye den den è fi vyevyee tsuru, dziɲaan doùn.

Tsìmotè jɔ̀naà 3:12

Ɲɛynamoo kur'là goojaabo reè wù yè bà tààn dzìn sòòtsi ì, yè bà e dzin nèè koroun'n kuru wuu faɔ̀, yè dzi e yɛr'la rè tsun'nà nà.

Tsìmotè jɔ̀naà 3:8

Tɔ̀ soo tsuru, ɲɛynamoo kur'là goojaabo reè sa wù yè bà mòdzìn sɔbɛn ì, è na gooma fii debaa ì waa, è na mììn faa waa, è to na tàrà faa nanmarama waa.

Tsìmotè jɔ̀naà 4:3

Twɛy rìì dziàn ci furu mà fa waa, ci ɲwɛyn nèè swey to mà ɲɔn waa. Tɔ̀ to y'à tàrà Ŋaablà twɛy gè rèè sapɛ ɲɛun, gè riì n'a to ɲɛynamoo rèè yè bà ni à ɲɔn baraka sin doùn Ŋaablà ra, twɛy nìì reè sààbeen tɔ̀.

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsìmotè jɔ̀naà 5:22

Maà a si tabe tsuù mòò pɛn tsɛ e faagoo kɛ̀ɛ̀yfa à mà Ŋaa re gbàà doùn. Maà a ba mòò pɛn tɛ̀y e re gooɲaan doùn. À to e bà fyɛɔ.

Tsìmotè jɔ̀naà 5:9

Fùnshɔ̀ùntaàn nìi tsoo dzia sɛbɛn fùnshɔ̀ùntaan rèè ka, tɔ̀ rii yɛ nìi sìà na gbaɔ̀ jii muey ma waa, è bà baɔ̀ kpiri soo re tààn.

Tsìmotè fiiraa 2:24

Tɔ̀ to y'à tàrà, Tsìfaà rè faagoofadzian na wù è bà kaafabaa waa, ŋà è bà mòdzin, nìi vunun ma dzi mòdzian sapɛ ka, à dzia kàràn sian nà, è bà dzia goo ku e ɲan.

Tsitè 2:2

À dè mòòbɔɔ rèè rà ci yè e kuun'n kuru tɔ, yè bà mòdzìn sɔbɛn ì, yè bà akiritsi, ɲɛyna taki yeè bà ni è ɲan, kɛ̀nbààbe taki ko mɔ̀ɲɔn taki.

Dzyèèsìbee mòdzin neè 13:2

Tɔnɔn ye na jàà e re, y'a kuun'n kuru wuu fa. E maà e taa myɛn jà tɔ̀ re waa, kàtsu, mɛ̀rɛ̀kɛ ì jàà jàu swey rè, yè è kuun'n kuru wube, è na à tɔ̀, ci à mɛ̀rɛ̀kɛ ì waa.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Piyɛrì jɔ̀naà 4:9

Ye e si ladɔn, ŋùnùnŋunun mà jà à ɲan waa.

Piyɛrì jɔ̀naà 5:8

Ye e akiri to e yɛr'le, e maà cìi waa. È ɲɛn à tsɛ, ye ɲan Sànwɔbaà yè e gurugur'la a ci jɛ̀r'liì gɛyn boò, è bà mòò kunàma gaa à y'à tàà.