အွန်လိုင်း သမ္မာကျမ်းစာ

« အရင်

နောက်တစ်ခု »

Tsìmotè jɔ̀naà 3:16 - Bible Dzùùngoo Unicode

¹⁶ Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Tsìmotè jɔ̀naà 3:16
81 ပူးပေါင်းရင်းမြစ်များ

Matsiyù 1:23

«Cangur'liì na kpiri goo tɔ waa, tɔ nà don sen, è dzin kpiri kere, è kiri ci Emanuyɛlì.» Tɔ̀ dzuɔn yɛ: Ŋaabla ni mùn ka.

အခန်းကိုကြည့်ပါ။

Matsiyù 13:11

Yesù ci è ra ci: «Mun tɔ̀ faa, kàtsu e Ŋaablà re Màsàbee gòndoo tɔ̀, tɔ̀ twɛ̀ɛ siɔ̀n ye rìì là. Ŋà dzyee rèè, à na siɔ̀n twɛy rà waa.

အခန်းကိုကြည့်ပါ။

Matsiyù 28:2

È wɔumaà tɔ̀un, dzɔ̀nxɔ̀ɔ̀mà kpinin brisi sɔn yeè bàràma fu jaa soo. Tɔ fau min niì, Tsìfaà rè mɛ̀rɛ̀kɛ sɔn yeè jàà bo na jìrànxɔ rɔ̀n, è nà kpàà brisià kòròngoron bo kɔ̀ɔ̀ dzii ra, è tsuù à tsɛ.

အခန်းကိုကြည့်ပါ။

Matsiyù 3:16

Àwà, Yesù jaara fòò dòu min niì, è bo yu rɔ̀n. À bou min niì, jìrànxɔɔ̀ dzii yè san. Tɔ̀un, è Ŋaablà re Dzia jàà nakɔɔn ja a ci màsàkere, è nà à tsɛ.

အခန်းကိုကြည့်ပါ။

Matsiyù 4:11

Tɔ dèu min niì, Sànwɔbaà yè bo à tɛyn. Tɔ̀un, mɛ̀rɛ̀kɛ rèè swey yè e kpɛrɛ̀ à ra, y'à màgoo wube.

အခန်းကိုကြည့်ပါ။

Marikì 1:13

È to mɔn, è bè tàrà fɔ bwèy dzyèè. Tɔ̀ sapɛ ɲan, Sùtana y'à dzuun bo siɛ̀n. À na ni jòònshu reè fi mɔn, mɛ̀rɛ̀kɛ rèè yè bà na à màgoo wubee.

အခန်းကိုကြည့်ပါ။

Marikì 16:19

Àwà, Tsìfa Yesù gooma doumaà shɔ̀ùn kàràndzin neè ka tɔ̀ tsuru, à ɲan yeè sen fu bo è ɲan, è tèyn be jìrànxɔɔ̀ doùn, è bè e tsuù Ŋaablà sirama si jaa rè.

အခန်းကိုကြည့်ပါ။

Marikì 16:5

Tɔ̀un, yè dɔ̀n be kɔ̀ɔ̀ doùn. È dɔ̀un, yè dzunwɛyn sɔn tsuuŋma jà e sirama re, mɛ̀yɛ̀ blà fyɛ ni tɔ̀ mà. Yè shi fɔ è bè geren.

အခန်းကိုကြည့်ပါ။

Lukì 2:32

À vyevyee rìì, nìi nà à to dziɲantsiɛ mòdzian sapɛ yeè wo tɔ̀. À baraka rɔ̀n, wo re mòò rèè nà tsoo dzi tarà nìi Isirayɛlì mòdzin neè.»

အခန်းကိုကြည့်ပါ။

Lukì 20:44

Àwà, Dawudà yɛ̀r'la ye ba Ŋaablà Jaara Modzìàn kir'là, ci wò Tsìfaà, tɔ̀ y'a kpàdèe, ci à na Dawudà tsua dzin basɔùn kɛ̀ !»

အခန်းကိုကြည့်ပါ။

Lukì 22:43

[Tɔ̀un, Ŋaablà re mɛ̀rɛ̀kɛɛ̀ sɔn yeè bo na jìrànxɔ rɔ̀n, è nà e yɛrɛ kpadè à ra, è fààn wɔ à ɲan.

အခန်းကိုကြည့်ပါ။

Lukì 24:4

Tà goò yè è akiri dò. È ni tɔ̀ tsììma nɔ̀n, è ci e ye fee jà, kpiri fii tsìiŋnà è jaaterema, twɛy mà vya reè yè bà den deèn mɛ̀nɛ̀n mɛ̀nɛ̀n mɛ̀nɛ̀n.

အခန်းကိုကြည့်ပါ။

Lukì 24:51

È Yesù to dzwɛ jia rà è ra, à ɲan yeè nà sen fu bo è ɲan, è tèyn be jìrànxɔɔ̀ doùn.

အခန်းကိုကြည့်ပါ။

Yùxanà 1:14

Àwà, Goomaa bàu mòdzin, è tsuù mùn fi. À ɲan tsyɛɔ̀n wùɔ ko sààbeen rà. Mùn y'a nɔɔrɔɔ̀ jàu, nɔɔrɔ rìi daun Fà Ŋaablà re dzin kpiri soo raa.

အခန်းကိုကြည့်ပါ။

Yùxanà 13:3

Yesù na à jaa tɔ̀, ci Fà Ŋaabla goò sapɛ dzyeèma wɔɔ wò suun, wo daun w'e bo Ŋaablà rii lè, wò to nà e kpɛyn sèè wò rii lè.

အခန်းကိုကြည့်ပါ။

Yùxanà 15:26

«Mun nà Dzwɛ̀mabaa nìi ka na ye re, è bo Fà Ŋaablà re, nìi Ŋaablà re Dzi saàbèntsià, tɔ̀ ye na nà waatsi riì bwèy, à nà mun shɛɛrɛbe fa.

အခန်းကိုကြည့်ပါ။

Yùxanà 16:28

À sààben ni, mun boo Fà Ŋaablà rii lè, mun yè nà dziɲan na, mun to nà bo dziɲan na dòònuùn, mun yè bè Fà Ŋaablà re.»

အခန်းကိုကြည့်ပါ။

Yùxanà 17:5

Fà Ŋaablà, dòònuùn, blà wɔ n ɲan a taàkuùn. Nɔɔrɔ rìi na ni mun ne fɔ wo na dziɲan ɲɛn ŋe, tɔ̀ sìn n na.

အခန်းကိုကြည့်ပါ။

Yùxanà 20:12

Tɔ̀un, è mɛ̀rɛ̀kɛ fii tsùuŋma jà, mɛ̀yɛ̀ fyɛ ni twɛy mà. Yesù fùàn na ɲɛɔ̀n min niì, mɛ̀rɛ̀kɛɛ̀ soo na ni à kùngɔɔ̀ tsùùmaà kpàkèrè, soo yè bà ni à sàn nèè tsùùmaà kpàkèrè.

အခန်းကိုကြည့်ပါ။

Yùxanà 6:62

Adamà dziàn na ni min niì dan, ye ye na à tèyn bekɔɔn ja mɔn sii sɔn see, ye nà fee dè ?

အခန်းကိုကြည့်ပါ။

Kɛɛradzin neè faadziɛ 1:19

Yerusalɛmunka reè sapɛ toro jiu tɔ̀ goò ɲàn. Tɔ̀ rii kamà, è re kungoòmàà ɲàn, yè tɔ̀ dzù rèe tsoo wɔ ci: 'Akɛlidaman', nìi dzuɔn ci: Tsììn dzuà.

အခန်းကိုကြည့်ပါ။

Kɛɛradzin neè faadziɛ 10:34

Piyɛrì yè goomaa sen tɔ̀un, è dzin ci: «Dòònuùn, mun y'à tɔ̀u, ci mòdzian sapɛ soo Ŋaablà re.

အခန်းကိုကြည့်ပါ။

Kɛɛradzin neè faadziɛ 14:27

Àyìwà, è wɔu Siiri jamaan Antsiyɔshì tɔ̀un, yè ɲɛynamoo kur'là mòdzian ladzyeè. Tà doùn, Ŋaablà baraka rɔ̀n, è dziu goo o goo rìì fa jìɛ̀ doùn, tà ko nìì reè kun kpɛrɛ mòdzin neè, Ŋaabla dziɛ saun twɛy rè nìi tsuru, sànko è sa yeè ɲɛn à ra, yè tɔ̀ sapɛ kpunan bo è ra.

အခန်းကိုကြည့်ပါ။

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

အခန်းကိုကြည့်ပါ။

Ɔ̀rɔ̀mùnka reè 10:12

Tà doùn, dànfaran na ni Dzyèèsìbee mòdzin ko kun kpɛrɛ mòdzin fi waa, è ɲɛn à tsɛ, Tsìfa soo rìì ni è sapɛ re, nìi gètsi, è bà e tsoò kiribaa rèè sapɛ magoo wubee.

အခန်းကိုကြည့်ပါ။

Ɔ̀rɔ̀mùnka reè 10:18

Ŋà mun ci ɔ, Dzyèèsìbee mòdzin neè na à myɛ̀n ni gbɛ ? Y'à myɛun dɛrɛ ! Gooma ree dèbaa rèè vuà bou dzɔ̀nxɔɔ̀ min niì sapɛ. È bè fɔ dzɔ̀nxɔɔ̀ dààn rà, è re goomaa dziu fɔ mɔn.

အခန်းကိုကြည့်ပါ။

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

အခန်းကိုကြည့်ပါ။

Ɔ̀rɔ̀mùnka reè 16:26

Àwà dòònuùn, kɛɛra reè rè sɛbɛn neè baraka rɔ̀n, à kpàdèu è fyɛ. Tɔ fau a ci Ŋaablà dobɛɛ y'à dèu nìi tsuru, nìi yɛ, kun kpɛrɛ mòdzin neè sapɛ y'a tɔ̀, yè ɲɛynaà shi jiì.

အခန်းကိုကြည့်ပါ။

Ɔ̀rɔ̀mùnka reè 3:4

Ayi dɛrɛ ! À wù è tɔ̀ ci Ŋaablà rii sààbèntsi, mòdzin sapɛ yeè bà doodebaa, a ci à yɛ sɛbɛɔ̀n nìi tsuru Ŋaablà re Goomaa doùn ci: «À wù è tɔ̀ ci wo tereòn a re gooma reè doùn, kitsia doùn w'e bà dzi tarabaa.»

အခန်းကိုကြည့်ပါ။

Ɔ̀rɔ̀mùnka reè 8:3

Àwà sàrìyaa fa ni dzi nìi fa waa kàtsu à ŋɔn fyɛnbeu mòdzin ne fààn dzyɛnbee kamà, Ŋaablà tɔ̀ fau. Gooɲaan yè bà saabu, è yɛr'la Dzin Kpir'la bàji nau adamàdzin mòdzin gooɲaantsi rèè bosi, è nà gooɲaan raa bara gɔɔ̀n ɲàn.

အခန်းကိုကြည့်ပါ။

Ɔ̀rɔ̀mùnka reè 9:5

Nìì reè bou fàbɔɔ rèè ɲàn, à ye rìì. Ŋaablà Jaara Modzìàn sa to yè bo è ɲan adamadzinbee kàjaa tsɛ, è bà ni gè sapɛ kuùn. Tsoo dzi yeè ɲɛn Ŋaa tsɛ kudɛyn ! Àmiinà !

အခန်းကိုကြည့်ပါ။

Korɛntsika reè jɔ̀naà 15:47

Mòdzìn jɔnaa, tɔ bou dzɔ̀nxɔɔ̀ kpankpaàn ɲàn. Fiiraa, tɔ bou jìrànxɔ rɔ̀n.

အခန်းကိုကြည့်ပါ။

Korɛntsika reè jɔ̀naà 2:7

Ŋà Ŋaablà raa akiritsifabee, ɲe tɔ̀ rii gooma deè. Tɔ̀ akiritsifabee na gòndo mɛnɛn tsùuŋma, Ŋaabla na nìi ŋɛ̀nɛ̀ɲaɔ̀n sani dziɲan ye ɲɛn, è bà ni à ka nɔɔrɔ ɲɛn ɲe tsɛ.

အခန်းကိုကြည့်ပါ။

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

အခန်းကိုကြည့်ပါ။

Galatsika reè 2:8

È ɲɛn à tsɛ, nìi faagoo fau Piyɛrì ɲàn è bà Dzyèèsìbee mòdzin neè raa kɛɛradzin, tɔ̀ soo rii faagoò fau mun sa ɲan, min bà kun kpɛrɛ mòdzin neè raa kɛɛradzin.

အခန်းကိုကြည့်ပါ။

Galatsika reè 4:4

Ŋà waatsi riì na kpàdeò tɔ̀ dzii tsyɛun min niì, Ŋaablà yeè e Dzin Kpir'la ka na, è nà kere tàan re, sàrìyaa dzuun.

အခန်းကိုကြည့်ပါ။

Efɛsika reè 1:9

À sàɔ gòndo riì na mɛnɛn tsùuŋnà fɔ dan à tɔ̀ kpàdeu mùn na a ci à dzi à ra nìi tsuru, è kòrò à re làtigɛɛ ka, Kirisà ɲàn.

အခန်းကိုကြည့်ပါ။

Efɛsika reè 6:19

Ye Ŋaablà mafyɛ̀n mun sa re gè riì ni à to, mun ye n dzu san ci mun nà gooma, min dzi Kùnàgoo Dziɔ̀ gòndoo dè fyɛ ko akiritsuu ka.

အခန်းကိုကြည့်ပါ။

Kolosika reè 1:23

Ŋà, fɔ ye sàn gbaunma yè to ɲɛynaà tsɛ, goo sɔn pɛn mà dzi ye bo e shɔùn waa. Ye si to xɔ nìi tsɛ Kùnàgoo Dziɔ̀ doùn, e maà e bon wɔ tɔ̀ ra waa, e tɔ̀ Kùnàgoo Dziù rìi goomaa myɛ̀un, è bà dèu gè ɲɛunmaà sapɛ ra dziɲantsiɛ min niì sapɛ. Mun Polì, min bà bàu à faagoofabaa.

အခန်းကိုကြည့်ပါ။

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

အခန်းကိုကြည့်ပါ။

Kolosika reè 1:6

Tɔ̀ Kùnàgoo Dziɔ̀ dziu ye sa tsɛ a ci à dziu dziɲaan min niì sapɛ nìi tsuru è bà dzin bèe jɔun. À tɔ̀ soo sa faa ye fi, fɔ jisee riì ye Ŋaablà ɲanwùɔ gooma myɛun, y'a tɔ̀ sààben na.

အခန်းကိုကြည့်ပါ။

Kolosika reè 2:2

Mun tɔ̀ faa, gè riì ni à to è vunun yè cin, è shìuma yè to e si ra kɛ̀nbààbee doùn, tà ko yè dzi akiritsifabe brisi dziitsyɛunma tàrà, yè Ŋaablà re gòndoo tɔ̀, nìi Kirisà,

အခန်းကိုကြည့်ပါ။

Tesalonikika reè fiiraa 1:10

Tɔ nà fa, jisee riì è na nà, blà ye bà ni wɔ à ɲan e re mòò rèè fi, tà ko nìì reè ɲɛun à ra, è bà kabagoo twɛy sapɛ re. Ye sa to ɲɛun ɲe re shɛɛrɛbee rà do.

အခန်းကိုကြည့်ပါ။

Tesalonikika reè fiiraa 2:7

È ɲɛn à tsɛ, mòdzìn ɲaan faadzii mɛnɛunmaà goo rèè ni sààn nòn, ŋà nìi y'à jɔun shuɔ̀, fɔ tɔ̀ yeè bo mɔ̀n ŋe.

အခန်းကိုကြည့်ပါ။

Tsìmotè jɔ̀naà 3:9

Yè ɲɛynaà gòndoo màrà ko kɛ̀sɛmà wùù ka.

အခန်းကိုကြည့်ပါ။

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

အခန်းကိုကြည့်ပါ။

Dzyèèsìbee mòdzin neè 12:2

Àwà Yesù, mùn jaà gban tsùuŋma yè to tɔ̀ rii là, kàtsu mìn bà ɲɛɔ̀n Ŋaablà ra, wò rii tɔ̀ shia dzii saun, è bà à dziitsyɛnbaa. À yè e tsiiŋ, y'à gban gɔɔ̀ rà, y'à vu. Tɔ̀ yeè fa, tɔ̀ na ba à seè goo waa, kàtsu à taa na ni taamadzibe mà, Ŋaabla nìi lamɔnɔ̀n tsùuŋnà à re. Dòònuùn, è tsuuŋnà Ŋaablà sirama si jaa rè.

အခန်းကိုကြည့်ပါ။

Dzyèèsìbee mòdzin neè 7:7

Àwà, dzwɛɛ̀ jibaà, tɔ̀ rii blà dzwɛɛ̀ tàràbaà mà, sɔ̀swɛy na ni tɔ̀ ɲan waa.

အခန်းကိုကြည့်ပါ။

Dzyèèsìbee mòdzin neè 8:1

Àyìwà, mùn yɛ nìi sapɛ deè nèe, tɔ̀ goò kùngɔɔ̀ rìì yɛ, ci tɔ̀ tsuru Saaka Jɔundzin ni ɲe re, nìi tsùuŋnà Ŋaablà re màsà gbaaniɛn sirama si jaa rè, ŋaablaxɔɔ̀ doùn.

အခန်းကိုကြည့်ပါ။

Piyɛrì jɔ̀naà 1:12

À kpàdèu è ra ci è na ni tɔ̀ faagoo rìi rà, à naà è yɛ̀r'leè raa waa, ŋà è na tɔ̀ faa ye rìì lè. Ŋaablà re Dzi Fɛnɛɛ baraka ɲan, tɔ̀ riì kau è bo jìrànxɔ rɔ̀n, Kùnàgòò Dzìù de reè tɔ̀ goò rìì gooma deu ye ra dòònuùn, mɛ̀rɛ̀kɛ rèè sa yeè bà n'a re, ye jaa yè ɲɛn à mà.

အခန်းကိုကြည့်ပါ။

Piyɛrì jɔ̀naà 1:20

Sani dziɲaan yè ɲɛn, à goò na tɔ̀ tsùuŋnà nòn. È kòmànà kpàdè nèe waatsi latan nee ɲan, ye kamà.

အခန်းကိုကြည့်ပါ။

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

အခန်းကိုကြည့်ပါ။

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

အခန်းကိုကြည့်ပါ။

Piyɛrì jɔ̀naà 3:22

À tèyn bèu jìrànxɔɔ̀ doùn, è bà tsùuŋnà mɔn Ŋaablà sirama si jaa rè. Mɛ̀rɛ̀kɛ rèè ko kùntsii rèè, ko dzibaabe reè sapɛ koroòn à re.

အခန်းကိုကြည့်ပါ။

Yùxanà jɔ̀naà 1:2

Ɔ̀ɔn, jaamabee yè e kpadèu, ɲe to y'à jàu, ɲe y'à shɛɛrɛbe fa. À jaamabe dziù dòbɛɛ rìì gooma dekɔɔn ye ra, tɔ̀ niì na ni Fà Ŋaablà tɛyn è bà e yɛrɛ kpadèu ɲe ra.

အခန်းကိုကြည့်ပါ။

Yùxanà jɔ̀naà 3:5

Y'a tɔ̀ ci Yesù nàu, è bà ni mòdzian rè gooɲaantsiɛ mɛɛy bo è vu ra, nìi to y'à yɛ̀r'la, gooɲaantsii na ni à vu ra waa.

အခန်းကိုကြည့်ပါ။

Yùxanà jɔ̀naà 3:8

Mòò riì gooɲaan faa, tɔ Sànwɔbaà raa rìì, è ɲɛn à tsɛ fɔ dan, Sànwɔbaà ni gooɲaan faa rà. Ŋaablà Dzin Kpir'la to nàu nì, è Sànwɔbaà faadzii reè bara.

အခန်းကိုကြည့်ပါ။

Goo kpàdèuma rèè 17:5

Tsoo sɔn na sɛbɛɔ̀n à ten na, nìi gòndo, è bà yɛ ci: «Babilɔnìn blàa, ɲànmɔ̀ɔ̀taan rèè, ko dzɔ̀nxɔɔ̀ tsɛ Ŋaablà cɛn goo rèè naà.»

အခန်းကိုကြည့်ပါ။

Goo kpàdèuma rèè 17:7

Mɛ̀rɛ̀kɛɛ̀ yè dzin mun na ci: «Feera è bà jiɔ̀ wo dzii tsɛ ? Mun nà tàan rèe re gòndoo kpàdè wo ra, kpar'niì y'à seòn, è bà kùngɔ ɲɛ̀ɛ̀nun ko bin tsyeùn, min tɔ̀ re gòndoo kpàdè wo ra.

အခန်းကိုကြည့်ပါ။

Goo kpàdèuma rèè 7:9

Àwà, tà shɔ̀ùn kɔn, min jàma brìsi jà, mòò fa dzi nìì reè dan, è bà ni è dzii tsu tɔ. Kuan sapɛ modzin ì ni è ɲan, tsua sapɛ modzin ì ni, jàmàan rèè sapɛ modzin ì ni, kungoòmà rèè sapɛ modzin ì yè bà ni è ɲan. È na e tsiiŋnà màsà gbaaniɛn ko sààtòmòìriɛ jaaterema. È mɛ̀yɛ̀ blà fyɛ ì wɔɔ, shɔfyaa ì yè bà kuɔn è suun.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ