Tsìmotè jɔ̀naà 3:15 - Bible Dzùùngoo Unicode

¹⁵ Tà tsuru mun kɛ̀nsɛɛn ye cin, mòo wù è re goo shi jiì jììŋ'n kur'liì rà Ŋaablà jaamaa rè gbàà doùn, tɔ̀ niì y'à rè ɲɛynamoo kur'là, sààbeen tsindzian ko à sàngbanmaà, wo yè tɔ̀ tɔ̀.

Tsìmotè jɔ̀naà 3:15 ပူးပေါင်းရင်းမြစ်များ

Matsiyù 16:16

Shimɔn Piyɛrì ci: «Wo rìì Ŋaablà Jaara Modzìàn, Ŋaablà jaamaa Dzin Kpir'la.»

Matsiyù 18:18

Sààben na, mun nì ci e ra, ye ye e nɔn goo o goo mà dzɔ̀nxɔɔ̀ tsɛ, mòò fa e tsiì tɔ̀ ra jìrànxɔ rɔ̀n tsu waa. Ye to ye e tsiì goo o goo ra dzɔ̀nxɔɔ̀ tsɛ, mòò fa e nɔn tɔ̀ mà jìrànxɔ rɔ̀n tsu waa.

Yùxanà 1:17

Ŋaabla sàrìyaa sìun mùn na, è bo kɛɛra Musà rìì ɲàn, ŋà, à ɲanwùɔ ko sààbeen, twɛy bou à Jaara Moo Yesù rìì ɲàn.

Yùxanà 14:6

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Yùxanà 18:37

Pilatsì y'à tey tɔ̀un ci: «Tà bwèy, wo màsa rii kɛ̀ ?» Yesù yè dzin à ra ci: «Wo rìì ci mun màsa. Mun kere kùàn nì, min nà dziɲaan doùn, min sààbeen dè. Sààbeen dzi mòò o moò rà, twɛy sapɛ yeè e toro wɔɔ̀ mun ne goomaa rè.»

Yùxanà 6:69

Ɲe ɲɛɔ̀n à ra, ɲe yè bà à tɔ̀, ci Ŋaabla e re mòdzìn fɛnɛ riì ka naɔ, à wo rìì.»

Kɛɛradzin neè faadziɛ 14:15

«Mùn neema ì, ye fee rìì faa mìin nèe tsuru ? Ɲe sa mòdzin ì nì, a ci ye yɛ nìi tsuru. Ɲe naɔ̀ Kùnàgoo Dziɔ̀ rìì dè ye ra, gè riì ni à to, ye yè sèè bo nèe ɲɔ̀n nàfà bɛy ree rèè kpɛyn, ye yè e gban Ŋaablà jaamaa kpɛyn, tɔ̀ riì ŋaablaxɔɔ̀ ko dzɔ̀nxɔɔ̀ sa ɲɛun, è kòòyua ɲɛn, ko gè o ge ni twɛy sapɛ ɲan.

Ɔ̀rɔ̀mùnka reè 3:2

E bà Dzyèèsìbee mòdzin, tɔ̀ nàfaà blà kàjaa sapɛ tsɛ. È ɲɛn à tsɛ, Ŋaablà re Gooma reè kɛ̀ɛ̀yfau ye rìì jɔ̀na ma.

Ɔ̀rɔ̀mùnka reè 9:26

À to na deò è ra min niì ci: «Ye na mun ne mòdzin ì waa, tɔ̀ gàne soo ɲàn, è nà kiri ci Ŋaablà jaamaa dzin nèè.»

Korɛntsika reè jɔ̀naà 10:32

E maà bà mòò pɛn sàn nà baan kpàà. A ci à Dzyèèsìbee mòdzin o, à kun kpɛrɛ mòdzin o, à to Ŋaablà re ɲɛynamoo kur'là rìì ò, e maà bà mòò pɛn sàn nà baan kpàà.

Korɛntsika reè jɔ̀naà 3:16

Àwà ye na à tɔ̀ ci ye Ŋaablà re gbà blàa rìì, à re Dzia yè bà e tsuuŋnà ye ɲan ɔn ?

Korɛntsika reè fiiraa 3:3

À fyɛɔ ci ye Kirisà raa sɛbɛɛn rìì, nìi kɛ̀ɛ̀yfaɔ̀ ɲe mà e re faagoò doùn. À na sɛbɛɔ̀n daba yu ka waa, ŋà à sɛbɛɔ̀n Ŋaablà jaamaa rè Dzia rìì ka. À to na sɛbɛɔ̀n wàla ì tsɛ nìi kpàà waa, fɔ shutswɛɛ wàla ì, dùsùkun neè.

Korɛntsika reè fiiraa 6:16

Fèe soo dzia bà ni Ŋaablà re gbà blàa ko ɲɔ̀n rèè fi ? È ɲɛn à tsɛ, ɲe rìì Ŋaablà jaamaa rè gbà blàa, a ci Ŋaablà y'a dèu nìi tsuru ci: «Mun nà n tsuù è fi, min jìɛ̀ fa è ka. Mun nà bà è re Ŋaablà, yè bà mun ne mòò rèè.»

Korɛntsika reè fiiraa 6:7

Mùn y'a kpàdèe sààbeen goomaa ka, Ŋaablà re dzibaabee ka, terenbee kaa faa gè rèè ka, nìi yɛ ɲaàn kpɛyn kaa raa rèè, ko yɛ̀rɛ̀ tsɛ̀ shua raa rèè.

Galatsika reè 2:9

Àwà Yàkubà, ko Piyɛrì, ko Yùxanà, twɛy nìì reè jàtsi kuɔn ɲɛynamoo kur'là tsindzin neè, twɛy Ŋaablà ɲanwùɔ tɔ̀u mun kàjaa tsɛ. Tà doùn, yè si wɔ mun ko Barinabasì suun dzyèèsìbe tàànmàshɛn, ɲe yè bà ni faagoò fa kun kpɛrɛ mòdzin neè fi, ye y'à fa Dzyèèsìbee mòdzin neè fi.

Galatsika reè 3:1

Galatsika reè, ye akiribɛy taki ! Tsì rii ye jɔun gaaŋnà ? Yesù Kirisà yè gban gɔɔ̀ rà, tɔ̀ na kpadè fyɛ ye ra ɔ ?

Efɛsika reè 4:21

Ɔ̀ɔn, ye kpɛ̀ynto ye ba wò rii lamyɛun taki, ye yè kàràn à ɲan è kòrò ko sààbeen ka, tɔ̀ niì ni Yesù ɲàn.

Kolosika reè 1:5

Ye si xɔ nìi tsɛ, tɔ̀ yeè bà màrà tsùuŋnà ye re jìrànxɔɔ̀ doùn, tɔ̀ rii y'à saabu. Ye si to xɔ tɔ̀ niì tsɛ, ye tɔ̀ gooma myɛn dɔ̀un bɔrɔɔ sààbeen goomaa nì baraka ɲan, nìi Kùnàgoo Dziɔ̀.

Tesalonikika reè jɔ̀naà 1:9

À bèu wɔ fɔ ɲe wɔumaà ye re mɔn, ye ɲe kuun kuun'n kur'liì rà, tà ko ye sèè bou ɲɔ̀n rèè kpɛyn nìi tsuru ye yè e yɛrɛ sin Ŋaablà jaama takia rà, ye yè e ba tɔ̀ re jòn, è tɔ̀ sapɛ lakɛ̀ɛ.

Tsìmotè jɔ̀naà 3:14

Mun nèe sɛbɛn nee sìan wo ra, min bà à kɛ̀sɛɛ̀ ci sani dɛyn mun nà bè wo re mɔn.

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Tsìmotè jɔ̀naà 3:5

È ɲɛn à tsɛ, mòò riì na dziɔ̀ e yɛr'la rè tsun'nà nà, tɔ nà dzi Ŋaablà re ɲɛynamoo kur'là ladɔn dzùrù ?

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Tsìmotè jɔ̀naà 6:16

Wò rii soo pe na saàn waa, è bà ni vyevyee ɲan, mòo na dzia e kpɛrɛ̀ nìi rà. Mòò pɛn na à jà jà ŋe, mòò to na dzia à jà. Arì she, blàbee ko dzibaabe dobɛɛ yè bà à raa ! Àmiinà !

Tsìmotè fiiraa 2:19

Tɔ̀ ko e sa ra Ŋaabla dzunbama nìi tsùuŋnà, tɔ ni e shɔùn kpan, nèe gooma ree reè yè bà sɛbɛɔ̀n à tsɛ tàànmàshɛn, nìi yɛ ci: «Tsìfaà yè e raa rèè tɔ̀.» Tà ko «Mòò o moò Tsìfaà tsoo kir'là, è dan gbànbe terenbɛybee rà.»

Tsìmotè fiiraa 2:20

Gbà blàa doùn, tàànge sɛnuma ì ko warifyɛma ì bàsɔùn na ni waa. Swey gɔ̀ɔ̀ma ì, swey yè bà dzùma ì. Swey jisee bla blaa faagoo faara ì, swey yè bà jisee maana reè faagoo faara ì.

Dzyèèsìbee mòdzin neè 10:21

Wò rii ɲe re Saaka Jɔundzin, è bà tsùuŋnà Ŋaablà re gbàà goo rèè sapɛ kuùn.

Dzyèèsìbee mòdzin neè 12:22

Ŋà nìi ye, ye yè e kpɛrɛu Siyɔ̀n jèèn rà, ye yè e kpɛrɛ̀ Ŋaablà jaamaa rè wɔ̀ɔ̀ rà, tɔ̀ riì jìrànxɔ rɔ̀n Yerusalɛmùn, mɛ̀rɛ̀kɛ rèè gbaayirika yeè e si ladzyeeŋnà min niì jaaravi ra.

Dzyèèsìbee mòdzin neè 3:12

Tɔ̀ gàneè doùn, n neema ì, ye e yɛrɛ kaàwɔ, mòò mà nà jà e ɲan, akiri ɲaan ni nìi ɲàn, à na ɲɛɔ̀n Ŋaablà ra waa, fɔ è bè bà saabu, è nɔn Ŋaablà jaamaa rè waa.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Piyɛrì jɔ̀naà 2:5

Ye sa bàu a ci kpàà jaama ì, ye yè ka gbà ji, Ŋaablà re Dzia rè gbà. Ye yè bà saakagoojaabobaa jàmàkùrù fɛnɛ, ye bà ni saaka ì bo Ŋaablà re nìi dzi à ra, Yesù Kirisà baraka rɔ̀n.

Piyɛrì jɔ̀naà 4:17

Àwà kitsia dziikun bwèy wɔu, à to jɔ̀ɔn Ŋaablà re gbàdòùndzin neè rìì tsɛ. À to ye ba jɔ̀ɔn ɲe rìì tsɛ, nìì reè na e tsiiŋnà yè ɲɛn Ŋaablà re Kùnàgoo Dziɔ̀ goomaa nà, twɛy raà nà e latan dzùrù ?

Goo kpàdèuma rèè 7:2

Min mɛ̀rɛ̀kɛ kpɛrɛ jà kɔn, tɔ fuɔ̀ kir'la kèrè, Ŋaablà jaamaa rè tàànmàshɛn ni à suun. À shi wɔɔ mɛ̀rɛ̀kɛ nààlen nìì reè suun yè ɲaan fa dzɔ̀nxɔɔ̀ ko kòòyua sa ra, è vu rɔ̀n sen, è gooma twɛy ka fààn na.