Tsìmotè jɔ̀naà 3:13 - Bible Dzùùngoo Unicode

¹³ È ɲɛn à tsɛ, nìi reè goojaaboo faagoò faa fau'n kuru wuu ra, twɛy jɔundzinbe tar'la, blàbe ni nìi doùn, tà ko yè akiritsuu bla tarà ɲɛynaà doùn, tɔ̀ niì ni Yesù Kirisà ɲàn.

Tsìmotè jɔ̀naà 3:13 ပူးပေါင်းရင်းမြစ်များ

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Matsiyù 25:21

À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."

Lukì 19:17

Màsà kpir'là yè dzin à ra ci: "Tɔ wùbeu, wo jòn wùù. Mun ɲɛn niì fau wo ra nèe goo kiɲaanin nèe kuun'n kur'la doùn wo re, àwà, mun wo tsùuŋ wɔ̀ tsyeùn kùùn, wo yè bà twɛy jàmààntsi."

Kɛɛradzin neè faadziɛ 21:35

Àwà, Polì nàu bà dɔ̀ɔn tɔ̀ gàne rɔ̀n waatsi riì bwèy, jàmaà ɲanbe ɲaanfaa suun, à na wube kaadzin neè y'à sen.

Kɛɛradzin neè faadziɛ 6:15

Tɔ̀un, kitsi kunun kur'là mòdzin neè sapɛ jaà gban touma yè to Etsiyɛnìn nà. Etsiyɛnìn jaakɔɔ doòn siinkɔɔn è re, à na ni, à ci è jaa ni mɛ̀rɛ̀kɛ rìì là.

Kɛɛradzin neè faadziɛ 6:5

Àwà, tɔ̀ goomaa yè bà kàràndzin dzyee reè sapɛ sao, yè byɛ̀n tɔ̀ mà. Tɔ̀un, yè Etsiyɛnìn bo, tɔ̀ kpir'la na e shiɔ̀ Ŋaablà ra, à ɲan ye bà tsyɛɔ̀n Ŋaablà re Dzi Fɛnɛɛ rà. Fìlipù yè bà tɔ̀ tɛ̀y, ko Porokolì, ko Nikanɔrì, ko Tsimɔ̀n, ko Parimenasì, ko Nikola. Nikola, tɔ̀ na boò wɔ̀ sɔn ɲan, ci Antsiyɔshì. À na dɔɔ̀n Dzyèèsìbee mòdzin neè rè dzinɛɛ ɲàn dan, è kòmànà e ba Yesù rè kàràndzin neè kur'la tɛ̀y.

Kɛɛradzin neè faadziɛ 6:8

Àwà, Ŋaablà na xɛɛrɛ blà faɔ̀ Etsiyɛnìn nè, dzi yeè bà ni à ɲan, è bà kabagoo goo bla bla reè faa tɔ̀ ka.

Korɛntsika reè jɔ̀naà 16:15

Àwà neema reè, y'a tɔ̀ ci Sitefanasì ko e re mòdzìnbee rìì bàu Akayi mar'la ɲɛynamoo jɔ̀na rèè, è to yè e shiu faagoò rà Ŋaa re mòdzin neè rè. Tà doùn mun nà nìi gaa ye re, tɔ̀ rii yɛ,

Filipika reè 1:14

Mun ne jɔ̀rɔ̀kɔ reè bàu saabu neema reè giri si yè xɔbe Tsìfaà tsɛ, sɔn ye bà è re kùùnxɔ̀beè tɛ̀y yè dzi Ŋaablà re goomaa dè, arì è na shiɔ̀ tsu waa.

Tesalonikika reè jɔ̀naà 2:2

Y'a tɔ̀ sa, ci ɲe byɛunmaà ko ɲe kuun'n kuru ɲaan faumaà shɔ̀ùn Filipi wɔ̀ rɔ̀n, Ŋaabla akiritsuu siun ɲe ra, ɲe yè dzi à re Kùnàgoo Dziɔ̀ dè ye ra, kaa gir'là ko e raà sa ɲe ka.

Tsìmotè jɔ̀naà 3:14

Mun nèe sɛbɛn nee sìan wo ra, min bà à kɛ̀sɛɛ̀ ci sani dɛyn mun nà bè wo re mɔn.

Tsìmotè fiiraa 2:1

Tà doùn, n dzin kpiri, Ŋaablà ɲanwùù riì ni Yesù Kirisà ɲàn, fààn tarà bo tɔ̀ ɲan.

Dzyèèsìbee mòdzin neè 6:10

Mòdzin niì reè Ŋaablà raa, ye goo faa twɛy rè, ye yè bà tɔ̀ faa arì she. Twɛy goo rèè y'à kpàdèe, ci ye y'à kɛ̀niɔ̀n. Àwà, Ŋaabla tereòn, à taa fa myɛ̀n twɛy goo fauma rèè rè waa.