Tsìmotè jɔ̀naà 1:5 - Bible Dzùùngoo Unicode

⁵ Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Tsìmotè jɔ̀naà 1:5 ပူးပေါင်းရင်းမြစ်များ

Matsiyù 12:35

Mòdzin wuɔ, tɔ gè wùu ì rìì boò e raa nàfòrò marama wùɔ doùn, nìi y'à duɔ̀n. Mòdzìn ɲaan, tɔ̀ yeè bà gè ɲaan ì boò e raa nàfòrò marama ɲaan doùn, à duɔ̀n.

Matsiyù 5:8

Nìì reè duùn fyɛɔ, twɛy raa wùbeu, kàtsu, è nà Ŋaablà ja.

Kɛɛradzin neè faadziɛ 15:9

À ɲe ko twɛy sa bau soo, kàtsu twɛy ɲɛn niì fau à ra, à yè è duùn fyɛu tɔ̀ kamà.

Kɛɛradzin neè faadziɛ 23:1

Polì yè e jaà gban to kitsi kunun kuru blàa mòdzin neè sapɛ ra tɔ̀un, è kòmànà dzin ci: «Àwà n neema ì, è bè suu she dzu, min ne jaamabee shi jiiŋ, a ci Ŋaablà ci è fa nìi tsuru, mun na jààma jà n yɛr'la waa.»

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Ɔ̀rɔ̀mùnka reè 10:4

Àwà Kirisà rìì bàu sàrìyaa goo rèè dàntsiima, gè riì n'a to mòò o moò nà ɲɛn à ra, è kpàdè ci tɔ tereòn.

Ɔ̀rɔ̀mùnka reè 12:9

Ye kɛ̀nbààbee fa ko duun fyɛ ka. Ye ɲaan xɔbe e ma, ye e shi wùɔ rà.

Ɔ̀rɔ̀mùnka reè 14:15

Àwà, ɲwɛyn goo ye ba saabu wo neemasia yè taamaŋununbe tàrà, tɔ̀ y'a kpàdèe ci wo na jiɛ kɛ̀nbààbee shia tsɛ dɛ. A yɛrɛ kaàwɔ ɲwɛyn goo mà nà bà saabu, Kirisà saun mòò riì kamà, tɔ̀ yeè bara waa.

Ɔ̀rɔ̀mùnka reè 9:1

Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Korɛntsika reè jɔ̀naà 13:1

Àwà mun to kɛ̀nsɛɛn ye ba goomaa kungoòmà kpɛrɛ ì ɲàn, adamàdzin mòdzin ì rè gooma, arì mɛ̀rɛ̀kɛ ì rè gooma, kɛ̀nbààbe ma ba ni mun ɲan, mun ko kɛnkɛn benkɔɔn, ko myɛ̀ɛ̀n jaàn kpaakɔɔn sapɛ vu soo.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Tsìmotè jɔ̀naà 1:18

Mun dzin Tsìmotè, mun nèe goo rèe kɛ̀ɛ̀yfaa wo mà, è kòrò kɛɛrabe goòmà dè dɔ̀unma rèè ka wo tsɛ, wo yè bà ni kaa wùɔ fa, twɛy baraka ɲan.

Tsìmotè jɔ̀naà 1:19

Tɔ̀ fa, e ɲɛynaà màrà ko kɛ̀sɛmà wùù ka. Swey tɔ̀ akir'là maaŋ, è bà baragoò è mà ɲɛynaà kàjaa tsɛ.

Tsìmotè jɔ̀naà 3:9

Yè ɲɛynaà gòndoo màrà ko kɛ̀sɛmà wùù ka.

Tsìmotè fiiraa 1:3

Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Tsìmotè fiiraa 1:5

Ɲɛyna fyɛuma nìi ni wo ɲan, mun taa ni tɔ̀ re. Tɔ̀ niì bàu ni wo nabɔɔ Loyisì ko wo na Enisì jɔ̀na ɲan, mun ɲɛunà à ra ci tɔ̀ soo ni wo sa ɲan.

Tsìmotè fiiraa 2:22

Vwɛ̀yn dzunwɛynbeè kur'la goo reè jɔun. Nìì reè yè e vu boò Tsìfaà rà ko duun fyɛ ka, e terenbee, ko ɲɛynaà, ko kɛ̀nbààbee, ko jaanciàn gaa twɛy ka.

Tsitè 1:15

Àwà nìì reè fyɛɔ, goo sapɛ fyɛɔ twɛy rè. Ŋà nìì reè nooŋnà è to na ɲɛɔ̀n Ŋaablà ra, goo sɔn pɛn na fyɛɔ twɛy rè waa. È kɛ̀sɛmàà ko è akir'là sa nooŋnà.

Dzyèèsìbee mòdzin neè 10:22

Tà sapɛ kamà, y'a to mùn yeè e kpɛrɛ̀ Ŋaablà ra ko duunfyɛ ka, mìn bà ɲɛɔ̀n à ra ɲɛun'n kur'la sapɛ ra, duungoo ɲaan sapɛ yeè fòò bo mùn duun, mùn màà yè fòò yu fɛnɛuma ka.

Dzyèèsìbee mòdzin neè 13:18

Ye Ŋaablà mafyɛ̀ɛn mùn ne, kàtsu, ɲe ɲɛɔ̀n à ra, ci ɲe na jàaŋnà e yɛr'la kàjaa pɛn tsɛ waa. Ɲe kpɛ̀yn nìi gaa, tɔ̀ rii yɛ, goo o goo, ɲe jìì saàn yè bà tereòn.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Yàkubà 4:8

Ye e kpɛrɛ̀ Ŋaablà ra, à sa nà e kpɛrɛ̀ ye ra. Ye gooɲaan fa reè, ye e si rèè fòò. Akirifiitsi rèè, ye e duùn fyɛ.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 3:16

Ŋà, y'a goò fa vununmacin ko blàbe doùn, akiri wùù yeè bà ni e ɲan. Tà tsuru, ye re jaamabee fau'n kuru wuɔ doùn Kirisà ɲàn, nìì reè y'à gaa ye yè ye tsoo bara y'à bà ci ye ɲaan faa, twɛy kùngɔ yè sùùru.

Piyɛrì jɔ̀naà 3:21

Tɔ̀ na jaara foo tàànmàshɛn ni, nìi ye tsià dòònuùn. À na gɔɔ̀n raa noo reè boò jaara foo waa, ŋà a ye a dzii rìì sìn Ŋaablà ra, akiri wùù ka. Jaara foo ye tsià Yesù Kirisà sèè kpunaunmaà nì baraka ɲan, è bo saàn ɲàn.

Piyɛrì jɔ̀naà 4:8

Goò sapɛ jɔun, ye e si kɛ̀n cɛyn. È ɲɛn à tsɛ, kɛ̀nbààbee saabu ɲan, gooɲaantsii gir'lì mɛɛ̀.

Piyɛrì fiiraa 1:7

ye neemabee bà Ŋaablà jɔun shiɲaanbeè tɛ̀y, ye kɛ̀nbààbee bà neemabee tɛ̀y.

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.