အွန်လိုင်း သမ္မာကျမ်းစာ

« အရင်

နောက်တစ်ခု »

Tesalonikika reè jɔ̀naà 5:23 - Bible Dzùùngoo Unicode

²³ Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Tesalonikika reè jɔ̀naà 5:23
37 ပူးပေါင်းရင်းမြစ်များ

Lukì 1:46

Àyìwà, Mariyamùn yè dzin tɔ̀ rii ɲàn ci: «Mùn Tsìfa Ŋaablà blabee nìi boò, mun tsoo dzi ɲɛɛn à tsɛ, è ɲɛn tɔ̀ tsɛ.

အခန်းကိုကြည့်ပါ။

Yùxanà 17:19

È kamà, min n bo jia n si wo re, sànko sààbeen baraka rɔ̀n, è sa yeè e bo ji e si wo re.

အခန်းကိုကြည့်ပါ။

Kɛɛradzin neè faadziɛ 20:32

Àwà dòònuùn, à tou min ye kɛ̀ɛ̀yfa Ŋaablà ma, min ye kɛ̀ɛ̀yfa à ɲan wùɔ goomaa mà. Ye ɲɛn niì faɔ̀ à ra, à dzi n'a na, è fààn wɔ ye ɲan tà doùn. À nìì reè bo jiɔ̀ e si, yè bà à raa, à goo wùù wuu niì reè ŋɛ̀nɛ̀ɲaɔ̀n twɛy ka, è tɔ̀ sa sin ye ra.

အခန်းကိုကြည့်ပါ။

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

အခန်းကိုကြည့်ပါ။

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

အခန်းကိုကြည့်ပါ။

Ɔ̀rɔ̀mùnka reè 15:33

Arì she, jaanciàn tsìfa Ŋaablà yeè to e sapɛ ka ! Àmiinà !

အခန်းကိုကြည့်ပါ။

Ɔ̀rɔ̀mùnka reè 15:5

Arì she Ŋaablà riì mɔ̀ɲɔn siàn mòò rà, è mòò màxɔ̀n, tɔ̀ yeè e kɛsɛmàà bà soo, ye bà byɛɔ̀n a ci Yesù Kirisà ci nìi tsuru.

အခန်းကိုကြည့်ပါ။

Ɔ̀rɔ̀mùnka reè 16:20

Sani dɛyn, jaanciàn tsìfa Ŋaablà nà Sùtana tsyɛɛnma vu ye sàn dzuun. Arì she, mùn Tsìfa Yesù ɲanwùɔ yè bà ni e tsɛ !

အခန်းကိုကြည့်ပါ။

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

အခန်းကိုကြည့်ပါ။

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

အခန်းကိုကြည့်ပါ။

Korɛntsika reè jɔ̀naà 14:33

È ɲɛn à tsɛ Ŋaablà na goo gbiimaunma rèè Ŋaablà waa, à jaanciàn Ŋaablà rii, a ci à ni nìi tsuru Ŋaablà re mòdzìn neè rè, ɲɛynamoo kur'lèè sapɛ doùn.

အခန်းကိုကြည့်ပါ။

Korɛntsika reè fiiraa 5:19

È ɲɛn à tsɛ, Ŋaabla na ni Kirisà ɲàn, è bà dziɲan ko e fia lamɔn'na. Tà doùn à na mòdzian rè gooɲaantsiɛ daàn è kùùn dɛ, à to yè làmɔn'na goomaa ji ɲe ɲan.

အခန်းကိုကြည့်ပါ။

Filipika reè 1:10

ye bà ni à tɔ̀ nìi wù. Tà tsuru Kirisà raa jisee sii sèè, ye bà ni ba fyɛuna, jààma mà bà ni e ra waa.

အခန်းကိုကြည့်ပါ။

Filipika reè 1:6

Mun ɲɛɔ̀n goo soo ra, nìi yɛ, ci mòò riì tɔ̀ faagoo wùɔ dzii kuun ye ɲan, tɔ nà à fa è b'a vyɛ̀ e daùn, fɔ è bè suu Yesù Kirisà raa jisee dzu.

အခန်းကိုကြည့်ပါ။

Filipika reè 4:9

Ye nìi kàraun mun ne, ye nìi tàrau mun ne, ye nìi myɛ̀un mun ne, ye to nìi jàu mun ne, ye tɔ̀ shi jiì. Tɔ̀ tsuru, jaanciàn sìnbaa Ŋaabla nà bà ni ye ka.

အခန်းကိုကြည့်ပါ။

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

အခန်းကိုကြည့်ပါ။

Tesalonikika reè jɔ̀naà 2:19

Àwà mùn Tsìfa Yesù nà sii sèè, ɲe si nà bà xɔ tsi ì rìì tsɛ, yè bà ɲe re taamadzibe ko ɲe yɛ̀rɛ̀blàbè kun, nìi ɲe re dzi tar'la màsà baanfla à bììn ? À na ye o ?

အခန်းကိုကြည့်ပါ။

Tesalonikika reè jɔ̀naà 3:11

Arì she mùn Fà Ŋaablà yɛr'la ko mùn Tsìfa Yesù yè mùn ne shia foro fɔ ye re mɔn !

အခန်းကိုကြည့်ပါ။

Tesalonikika reè jɔ̀naà 3:13

Arì she Ŋaa yè fààn wɔ e dusùkun neè ɲàn, jààma mà jà e ra fɛnɛbee kàjaa tsɛ mùn Fà Ŋaablà jaa dzuun, mùn Tsìfa Yesù nà sii sèè e re mòò rèè sapɛ ka waa. Àmiinà !

အခန်းကိုကြည့်ပါ။

Tesalonikika reè jɔ̀naà 4:3

Nìi Ŋaablà sao, tɔ̀ rii yɛ, ye yè bà fɛnɛɔ̀, ye yè e yɛrɛ taàn kɛ̀kɛ̀ɛ̀ybeè mà.

အခန်းကိုကြည့်ပါ။

Tesalonikika reè jɔ̀naà 5:22

Ye e kaàwɔ gooɲaan kaatsià sapɛ ra.

အခန်းကိုကြည့်ပါ။

Tesalonikika reè fiiraa 3:16

Arì she, jaanciàn Tsìfaà yɛ̀r'la yè jaanciàn sìn e ra waatsi sapɛ ko fau'n kur'la sapɛ ra. Arì she Tsìfaà yè to e ka.

အခန်းကိုကြည့်ပါ။

Dzyèèsìbee mòdzin neè 13:20

Ŋaablà, tɔ̀ niì jaanciàn sìnbaà, tɔ mùn Tsìfa Yesù kpunan bou saàn ɲàn, è bo fùn nèè fi. À y'à bàu e re sàà rèè kplatsuubaa blà, à tsìɛn kounmaà baraka rɔ̀n, è bà saaka tɔ̀ niì dzyèèsìbe dobɛy dɔun Ŋaablà ko mòdzin neè fi.

အခန်းကိုကြည့်ပါ။

Dzyèèsìbee mòdzin neè 2:11

Àwà, Yesù rìì mòdzian bo jia e si Ŋaablà re, gooɲaantsiɛ yè bo è vu ra. À nìì reè bo jia e si Ŋaablà re, gooɲaantsiɛ yè bo è vu ra, fà soo rii ni à ko twɛy sa re. Tɔ̀ rii kamà, è bà ni è kiri, ci wò neema reè, tɔ̀ seey na ni à ra waa.

အခန်းကိုကြည့်ပါ။

Dzyèèsìbee mòdzin neè 4:12

Àwà, Ŋaablà re goomaa jaama, à ŋɔ̀n yè bà vùn. À dzii dzi è geren kaamunun dzii fiɛ̀ sa tsɛ. À dɔ̀ɔn mòdziin ɲàn, è bè wɔ fɔ xɔɔn ko akir'là tsɛ, a ci kaamunun ka xɔ tsuma rèè kùn'na nìi tsuru è dɔ̀n è bè wɔ fɔ sɔmɛɛ tsɛ. À mòdzian kɛ̀sɛ̀maà ko à duungoo sapɛ ɲansiɛ̀n, è tɔ̀.

အခန်းကိုကြည့်ပါ။

Yàkubà 1:4

Ye sàn gbaunmaà ɲɛynaà doùn, fɔ tɔ̀ yeè bà goo dziitsyɛunma. Tɔ̀ ye fa, ye nà bà mòdzin dziitsyɛunma ì, ye yè bà mòdzin mɔunma ì, goo sɔn pɛn fa bà ye fɔɔn waa.

အခန်းကိုကြည့်ပါ။

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

အခန်းကိုကြည့်ပါ။

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

အခန်းကိုကြည့်ပါ။

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

အခန်းကိုကြည့်ပါ။

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

အခန်းကိုကြည့်ပါ။

Yudè 1:24

Arì she, nìi dzia ye màrà, è ye tààn mɛɛ̀ mà, è ye jààkìbɛy tsiiŋma to taamadzibeè ɲàn nɔɔrɔɔ̀ jaaterema,

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ