Tesalonikika reè jɔ̀naà 5:14 - Bible Dzùùngoo Unicode

¹⁴ Neema reè, mìn maxɔ̀ɔn nìi rà, tɔ̀ rii yɛ, nìì reè pìrìpàrà modzìn, ye e latsi. Nìì reè vyɛ̀rɔɔ̀n, ye è kùùn xɔbe. Ye fààn bɛy reè dzun kun, ye e mɔɲɔn mòdzian sapɛ tɛyn.

Tesalonikika reè jɔ̀naà 5:14 ပူးပေါင်းရင်းမြစ်များ

Matsiyù 12:20

À fa kaan kungɔ sùùruuma kɛɛy waa, à to fa fìtsina màjààkɔɔn dzi waa. À nà tɔ̀ fa, fɔ goo tereonmaà yè bè bà dzibaa.

Lukì 22:32

Ŋà, mun Ŋaablà mafyɛɔ̀n wo re, sànko wo ɲɛn niì faɔ̀ Ŋaablà ra, tɔ mà bo wo ɲan waa. Wo ye na bà a yɛr'laa waatsi riì bwèy, wo yè sèè na mun na, a koòsì dzyee reè màxɔ̀n.»

Kɛɛradzin neè faadziɛ 20:27

À na mun ne goo waa, kàtsu, nìi Ŋaablà saɔ, mun ye toro kɔ̀u tɔ̀ ra, mun na à gàne pɛn mɛnɛn ye mà waa.

Kɛɛradzin neè faadziɛ 20:31

Tà doùn, e maà cìi dɛ ! Ye e taa to, ci è bè tàrà fɔ jii zhiigi feèn ko bwèè sa, kudɛyn, mun na ye mòò sɔ̀n sɔ̀nkɔɔn sapɛ latsia fɔ mun bèe jaayu boò waatsia sɔn ɲan.

Kɛɛradzin neè faadziɛ 20:35

Min niì sapɛ, mun na à kpàdèe ye ra kudɛyn, ci ye faagoò fa tɔ̀ tsuru, ye wɔ gbakɔɔn reè rà. Tsìfa Yesù nìi dèu, mìn taa to tɔ̀ re. À dziun ci: "E mòò kɔ̀, dzwɛ ni tɔ̀ rii ɲàn, è geren mòò y'à kɔ."»

Ɔ̀rɔ̀mùnka reè 12:1

Tà doùn, n neema ì, è ɲɛn Ŋaablà re màtsur'la tsɛ, mun ye màxɔ̀ɔn, ci ye e yɛrɛ sin Ŋaablà ra saaka jaama, nìi fɛnɛɔ̀, è bà dzi Ŋaablà ra. Tɔ̀ rii nà bà Ŋaablà blabèù'n kuru taki ye re.

Ɔ̀rɔ̀mùnka reè 14:1

Mòò riì ŋɔn fyɛn ɲɛynaà doùn, ye tɔ̀ tsìfa kuun'n kuru wuu fa. E maà siin à kɛ̀sɛmàà mà, y'a dè waa.

Korɛntsika reè jɔ̀naà 4:14

Mun na twɛy goo rèè sɛbɛɛn m'a ka ye seey waa, ŋà min sɛbɛɛn rìì m'a ka ye sɔ̀nmin, a ci mun dzin kɛ̀niunma rèè.

Korɛntsika reè jɔ̀naà 8:7

Ŋà, tɔ̀ twɛ̀ɛ na ni mòdzian sapɛ ɲan waa. È ɲɛn à tsɛ, swey dɛ̀rɔɔ̀n tɔ̀ ɲɔ̀n goo riì rà, arì she tɔ̀ ɲɔ̀n sààkà shu rèè, y'à ɲɔɔ̀n. Tà tsuru è kòrò è akir'là fàan dzyɛ̀nbee ka, y'à jàa ci ye nooŋ.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Efɛsika reè 4:32

Ye wùù fa e si ra, ye màtsuru e si ra. Ye yɛrɛ to e si re, a ci Ŋaablà sa yeè e yɛrɛ tou ye re nìi tsuru, Kirisà baraka rɔ̀n.

Kolosika reè 1:28

Ɲe Kirisà rìi gooma deè, ɲe yè mòdzian sapɛ lasɔ̀nmin, ɲe yè è kàràn akiriblabeè sapɛ ka, à wò rii. Ɲe tɔ̀ faa gè riì ni à to, ɲe yè mòdzian sapɛ dziitsyɛunma kpàdè Kirisà ɲàn.

Tesalonikika reè fiiraa 3:15

Ŋà, e maà à bà e ɲan waa, y'a latsi rii a ci neemaa sɔn.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Tsìmotè jɔ̀naà 6:11

Ŋà nìi wo, Ŋaablà re mòdzian, vwɛ̀yn twɛy goo rèè jɔun. A gban nìì reè kpɛyn, tɔ̀ rii yɛ terenbee, ko Ŋaablà jɔun shiɲaanbee, ko ɲɛynaà, ko kɛ̀nbààbee, ko mɔ̀ɲɔɔn, ko vununmadzibeè.

Tsìmotè fiiraa 4:2

ci waatsi wuu sen ɲɛn waatsi ɲaan tsɛ, e Ŋaablà re Goomaa dè, a tsi à tsɛ. Doò dzuun bo, mòdzian sɔ̀ɔ̀n dè, e màxɔ̀n. Mɔ̀ɲɔn brisi doùn, yè kàràn.

Tsitè 1:10

Àwà mòò giri ni, è sapɛ mòdzin mabaunma ì, gooma dɔntsɔ̀bɛy reè ko mòdzìn sànfìrì goòmà rèè rìì ni è dzu. À fàan sapɛ Dzyèèsìbee mòdzin bauma ɲɛynamoo rèè.

Tsitè 1:6

Twɛy bɔɔ rèè wù yè bà mòdzin ì, jààma na ni nìì reè rà waa, è tààn dzìn sòòtsi ì, è dzin nèè ɲɛynamoo ì, jààma na ni è ra kɛ̀kɛ̀ɛ̀y goo kajaa tsɛ, è to na mòdzin mabaunma ì waa.

Dzyèèsìbee mòdzin neè 12:12

Tɔ̀ kamà, ye fààn wɔ e si rèè flàunmaà ɲàn, ye fààn wɔ kun'nèè tsɔkɔɔn sa ɲan.

Dzyèèsìbee mòdzin neè 13:3

Ye e taa to kàsòdzin neè rè, a ci ye sa yeè è sɔn ni. Nìì reè to kuun'n kuru ɲaan faɔ̀, ye e taa to twɛy sa re, kàtsu, tɔ̀ gɔn soo rìì ni ye sa re, à dzia nìi sa tarà.