Tesalonikika reè jɔ̀naà 5:12 - Bible Dzùùngoo Unicode

¹² Àwà neema ì, nìì reè byɛɛn faagoò rà ye fi, yè bà ni ye kùùn Tsìfaà ɲàn, yè bà ye latsia, ɲe y'à gaa ye re, ye è blàbe.

Tesalonikika reè jɔ̀naà 5:12 ပူးပေါင်းရင်းမြစ်များ

Lukì 10:7

Fɔɔn re dzin niì reè ye e tsiì ye jaà ye re, ye to tà fɔɔn doùn. È ye ɲwɛyn nìi sìn e ra, ye tɔ̀ ɲɔn. Yè yu rìi sìn e ra, ye tɔ̀ mìn, kàtsu, faagoofadzian wù e sar'là ka. E maà e tɔɔnsi tsiɛ lakere kere beè waa.

Yùxanà 4:38

Mun ye ka bèu dzù sɔn ɲan, ye na faagoo faɔ̀ min niì waa, ci ye yè b'a shìmaan gaa. Swey y'à faagoò fau, ye yè è re byɛnbee tɔ̀n'nà tàrà.»

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Kɛɛradzin neè faadziɛ 20:35

Min niì sapɛ, mun na à kpàdèe ye ra kudɛyn, ci ye faagoò fa tɔ̀ tsuru, ye wɔ gbakɔɔn reè rà. Tsìfa Yesù nìi dèu, mìn taa to tɔ̀ re. À dziun ci: "E mòò kɔ̀, dzwɛ ni tɔ̀ rii ɲàn, è geren mòò y'à kɔ."»

Ɔ̀rɔ̀mùnka reè 16:12

Ye tswɛ̀y sin Tsirifayinà ko Tsirifosà rà, twɛy tàan nìì reè yè e yɛrɛ siun faagoò rà Tsìfaà rè. Ye tswɛ̀y sin Pɛrɛsisì sa ra, tàan kɛ̀niunmaà, tɔ̀ niì sa faagoo giri fau Tsìfaà rè.

Ɔ̀rɔ̀mùnka reè 16:6

Ye tswɛ̀y sin Mariyamùn nà, tɔ̀ niì faagoo giri fau ye re.

Korɛntsika reè jɔ̀naà 12:28

Tà tsuru, Ŋaabla mòdzin ì bou è tsùù ɲɛynamoo kur'là jɔun nìì reè yɛ: jɔ̀naà, tɔ kɛɛradzin neè, fiiraa, tɔ kɛɛra reè, zhììgìraa, tɔ kàrànfa rèè. Tà shɔ̀ùn, nìì reè kabagoo goo reè faa, ko ɲìn'nèè cɛrɛmabeè dzia siɔ̀n nìì reè rà, dzwɛ̀mà faa dzia, kurukuin faa dzia, ko kungooma kpɛrɛ dee dzia.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Korɛntsika reè jɔ̀naà 16:16

ci ye e majàà twɛy mòdzìn tsu rèè rè, ko nìì reè sapɛ faagoò faa ko è ka, yè bà ni tɔ̀ faagoo xɔù soo rà.

Korɛntsika reè jɔ̀naà 16:18

Àwà è mun akiri tsùuŋ, yè ye sa akiri tsùù. Twɛy mòdzìn tsu rèè, ye è nàfaà tɔ̀.

Korɛntsika reè jɔ̀naà 3:9

È ɲɛn à tsɛ, ɲe ko Ŋaablà yeè e si faagoofasi ì à re faagoò doùn. Ye rìì Ŋaablà re dzù faramaà, ye yè bà à re gbà jiramaà.

Korɛntsika reè fiiraa 11:23

È Kirisà rè faagoofadzin ì nì kɛ̀ ? Mun kpɛ̀yn nà gooma a ci akirifukɔɔn dɛ, ŋà mun Kirisà rè faagoofadzin è geren è tsɛ. Faagoo ɲaɔ̀n kàjaa tsɛ, mun tɔ̀ fau è geren è tsɛ. Kàsò dòùn jia kàjaa tsɛ, mun tɔ̀ fau è geren è tsɛ. Banbwee kàjaa tsɛ, tɔ̀ giri mun tàrau è mà, min saàn jà n jaa ra waatsi giri.

Korɛntsika reè fiiraa 5:9

Mùn nìi sa gaa tɔ̀ rii yɛ, ci mùn tou nèe gɔn nèe ɲan o, mùn to bou à ɲan o, mùn goo rìì yè bà dzi à ra.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Galatsika reè 4:11

Mun vyɛ̀ɛ̀ymaà na pɛn ye ka, à mà nà bà ci mun faagoo ɲaùn nìi fau ye kamà, tɔ bàu maana waa.

Filipika reè 2:16

Tɔ̀un, è jaamabee goomaa to ye suun, tɔ nà bà mun yɛ̀rɛ̀blàbè kun Kirisà rè jisee sii sèè, è kpàdè ci mun na vwɛyn maana, mun na byɛnbee fa maana waa.

Filipika reè 2:19

À ni mun duùn ci Tsìfa Yesù ɲàn, sani dɛyn mun nà Tsìmotè ka ye re. Tà tsuru mun nà ye kùnàgoo myɛn, tɔ yeè mun màxɔ̀n.

Kolosika reè 1:29

Tɔ̀ rii kamà, min bà n yɛrɛ siàn faagoò byɛnbee rà, min sikuan fa è kòrò à re faagoò ka mun ɲan, tɔ̀ niì faa dzibaabe ka.

Tesalonikika reè jɔ̀naà 2:9

Àwà neema reè, ye taa ni ɲe re faagoo xɔɔ̀ ko ɲe re byɛnbee rè. Ɲe faagoò fau feèn ko bwèè sa, ɲe mà nà bà ye sɔn ne seyn waa, ɲe yè Ŋaablà re Kùnàgoo Dziɔ̀ dè ye ra.

Tesalonikika reè jɔ̀naà 4:1

Tà doùn neema ì, ye wù ye yè jìì nìi tsuru ye yè dzibe Ŋaablà ra, ɲe tɔ̀ kàraun ye ra. À kpɛ̀yn sààben, ye y'à faa tɔ̀ tsuru. Ŋà arì she, Tsìfa Yesù ɲàn, ɲe y'à gaa ye re, ɲe yè ye màxɔ̀n ci ye yè sɔn ba à tɛ̀y.

Tesalonikika reè jɔ̀naà 5:14

Neema reè, mìn maxɔ̀ɔn nìi rà, tɔ̀ rii yɛ, nìì reè pìrìpàrà modzìn, ye e latsi. Nìì reè vyɛ̀rɔɔ̀n, ye è kùùn xɔbe. Ye fààn bɛy reè dzun kun, ye e mɔɲɔn mòdzian sapɛ tɛyn.

Tsìmotè jɔ̀naà 5:1

Àwà maà a vu màxɔbe mòòbɔɔ̀ ka waa, ŋà à mà nì xɔ̀n a ci a fa. Dzunwɛyn neè, e twɛy màxɔ̀n a ci a tseyn ì.

Tsìmotè jɔ̀naà 5:20

Sɔn ye gooɲaan fa, à dè à ra mòdzian sapɛ jaa ra, gè riì n'a to dzyee rèè sa ye shi.

Tsìmotè fiiraa 2:6

Fɛɛfabaa rìi byɛɛn è fɛɛ fa, tɔ̀ rii jɔ̀na wù è nin tarà shìmaan ɲàn.

Tsitè 1:3

Tà doùn è kòrò à waatsi wuu ka, è re goomaa kpàdèu waajibia baraka ɲan, à tɔ̀ niì kɛ̀ɛ̀yfau mun mà, è kòrò à re dèumaà ka, wò riì mùn Tsibaa Ŋaablà.

Tsitè 1:5

Mun wo tou Kɛrɛtsì gàne rɔ̀n, gè riì ni à to goo nìì reè too màbyɛ̀nàma mɔn, w'e twɛy sɔ̀n byɛ̀ùn'n kuru wube, w'e bɔɔ ì tsùù tsùù be wɔ̀ɔ̀ soo soo sapɛ doùn ɲɛynamoo kur'lèè jɔun, a ci mun y'à dèu wo ra nìi tsuru.

Tsitè 2:15

Tɔ̀ rii dè mòdzian nà, e màxɔ̀n, e sààben de è ra kùntsììbee fàan sapɛ ka. Mòò pɛn mà a ɲanfyanbe.

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Dzyèèsìbee mòdzin neè 13:7

E jɔundzin bɔrɔɔ niì reè yè è toro kɔ̀ dɔ̀un Ŋaablà re goomaa nà, ye e taa to twɛy rè. È re jaamabee lataun nìi tsuru, ye tɔ̀ siin, e sa yeè ɲɛn Ŋaablà ra è raà tsuru.

Goo kpàdèuma rèè 1:20

Wo swɛyn ɲɛ̀ɛ̀nun nìi jàu mun sirama sia doùn, ko fìtsìnà ge sɛnuma ɲɛɛ̀nuàn, tɔ̀ gòndoo dzuɔn nì siin: Swɛyn ɲɛ̀ɛ̀nuàn, tɔ ɲɛynamoo kuru ɲɛ̀ɛ̀nun nèè raa mɛ̀rɛ̀kɛ rèè, fìtsìnà ge ɲɛɛ̀nun nèè, twɛy yè bà ɲɛynamoo kuru ɲɛ̀ɛ̀nun nèè.»

Goo kpàdèuma rèè 2:12

Àwà, ɲɛynamoo kur'lìi ni Pɛrigamùn wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Kaamunun dzii fii dzii dziɔ̀ ni mòò riì suun, tɔ nìi dèe, tɔ̀ rii siin:

Goo kpàdèuma rèè 2:18

Àwà, ɲɛynamoo kur'lìi ni Tsiyatsirì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Ŋaablà Dzin Kpir'liì jaa rèè ni a ci sàden, à sàn nèè yè bà ni a ci dànɲàn myɛɛn maninin, tɔ nìi dèe, tɔ̀ rii siin:

Goo kpàdèuma rèè 2:3

Wo y'à mɔɲɔun, w'e byɛnbee ku a ɲan mun kamà, wo na byɛn waa.

Goo kpàdèuma rèè 2:8

Àwà, ɲɛynamoo kur'lìi ni Simirinìn wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Mòo riì Jɔ̀naà è bà Lataan, nìi saun è sèè è jaamabe fa kɔn, tɔ nìi dèe, tɔ̀ rii siin:

Goo kpàdèuma rèè 3:1

Àwà, ɲɛynamoo kur'lìi ni Saridzì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Ŋaablà re dzi ɲɛɛ̀nuàn ko swɛyn ɲɛ̀ɛ̀nuàn ni mòò riì rè, tɔ nìi dèe, tɔ̀ rii siin: Mun wo faadziɛ tɔ̀. Wo tsoò boo ci wo jaama, tɔ̀ to y'à tàrà wo saɔn rìì.

Goo kpàdèuma rèè 3:14

Àwà, ɲɛynamoo kur'lìi ni Lawodzisè wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi kir'là Àmiinà, shɛɛrɛ vusootsi taki takìà, Ŋaablà re gè ɲɛunma rèè sapɛ dzunbomaà, tɔ nìi dèe, tɔ̀ rii siin:

Goo kpàdèuma rèè 3:7

Àwà, ɲɛynamoo kur'lìi ni Filadɛlifì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi fɛnɛɔ̀, è bà taki takià, màsà kpiri Dawudà rè nèèdzian ni nìi suun, à ye dziɛ̀ san mòò pɛn na dzia à tsyee, à to y'a tsyee, mòò pɛn na dzia à san, tɔ nìi dèe, tɔ̀ rii siin: