Tesalonikika reè jɔ̀naà 5:11 - Bible Dzùùngoo Unicode

¹¹ Tɔ̀ kamà, ye e si màxɔ̀n, ye fààn wɔ e si ɲan, a ci y'a faa nìi tsuru nòn.

Tesalonikika reè jɔ̀naà 5:11 ပူးပေါင်းရင်းမြစ်များ

Ɔ̀rɔ̀mùnka reè 14:19

Tà doùn, goo nìì reè nàa jaancin ka, mìn twɛy rìì gaa, ko nìì reè nà à to mìn fààn wɔ e si ɲan.

Ɔ̀rɔ̀mùnka reè 15:14

Mun neema reè, nìi mun yɛ̀r'la, mun ɲɛɔ̀n à ra è fyɛ, ci nìi ye, ye ɲan tsyɛɔ̀n ŋɛ̀nɛ̀ɲan wuɔ rà, twɛ̀ɛ sapɛ ni ye ɲan, ye yè bà dzia e si latsi.

Ɔ̀rɔ̀mùnka reè 15:2

Mùn soo sookɔɔn sapɛ y'a gaa rii mìn dzibe e modzìnsia rà à yɛ̀r'la nàfaà kamà, sɔn yeè bà ni ba à barakaà tɛ̀y.

Korɛntsika reè jɔ̀naà 10:23

Goò sapɛ dàaŋnà, tɔ sààben, ŋà nàfa na ni goò sapɛ ɲan waa. Ɔ̀ɔn, goò sapɛ dàaŋnà, ŋà goò sapɛ na fààn siàn waa.

Korɛntsika reè jɔ̀naà 14:12

Àwà, ye sɔ̀ɔn Ŋaablà re Dzia kwɛ̀yge rèè kpɛyn nìi tsuru, nìi reè nà fààn wɔ ɲɛynamoo kur'là ɲàn, ye twɛy giri gaa.

Korɛntsika reè jɔ̀naà 14:29

Nìì reè to kɛɛrabee faa, mòkun fii, zhììgi tsuru yè tɔ̀ kɛɛrabe goòmà rèè dè, dzyee rèè y'à ɲansiin.

Korɛntsika reè jɔ̀naà 14:5

Mun sàɔ rìì kpɛ̀yn yɛ, ye sapɛ yeè bà goomaa kun kpɛrɛ goòmà ì ɲàn, ŋà ye yè bà kɛɛrabe goòmà ì dèe, mun gaa tɔ̀ ra kɔn, è geren. È ɲɛn à tsɛ, mòò riì kɛɛrabe goòmà rèè dèe, tɔ ni kun kpɛrɛ gooma debaà jɔun, fɔ kun kpɛrɛ gooma debaà ye ba à dzuun deè boshɔ̀ùn, è bà ni fààn wɔ ɲɛynamoo kur'là ɲàn.

Korɛntsika reè fiiraa 12:19

Fɔ waatsi gbaan y'a kɛ̀sɛɛ̀ ci ɲe yè e dzi rìì dèe ye jaa ra. Ayi, à na tɔ̀ tsuru waa. Ɲe goomaa Ŋaablà rii jaaterema, Kirisà ɲàn. Àwà neema kɛniunma rèè, ɲe tɔ̀ sapɛ faa ye rìì yè bà ni fààn tarà.

Efɛsika reè 4:12

À tɔ̀ fau, è bà ni Ŋaablà re mòò rèè màbyɛ̀n faagoò kamà, Kirisà gɔɔ̀n yè bà ni fààn tarà.

Efɛsika reè 4:16

Wò rii baraka ɲan, gɔɔ̀n ko e kur'la sapɛ yeè e si kuɔn è bà soo, xɔtsuma rèè y'à tsù e si ra. Tɔ̀ tsuru, à yè è soo soo sa to e raa faagoò rà, gɔɔ̀n ko e kur'la bɔɔbèe è fààn tarà, kɛ̀nbààbee doùn.

Efɛsika reè 4:29

Gooma ɲaan pɛn mà bo e dzu, fɔ gooma wuu, nìi dzia fààn wɔ e myɛnbaa rèè ɲàn, è wùù fa è ra, à màgoo ye ba ni.

Tesalonikika reè jɔ̀naà 4:10

À sààben, Maseduwanin mar'la min niì sapɛ, ye tɔ̀ shi jiɛ neema reè sapɛ kajaa tsɛ. Ŋà arì she neema ì, ɲe ye màxɔ̀ɔn, ye sɔn ba à tɛ̀y.

Tesalonikika reè jɔ̀naà 4:18

Àwà ye twɛy gooma reè ka e si màxɔ̀ɔn.

Tsìmotè jɔ̀naà 1:4

Ci è mà e shi sina cee goòmà ì ko buruju gbaan goòmà ì nà, twɛ̀y nìì rèe nàa sɔ̀swɛy giri ka sani yè Ŋaablà raa goò kuun'n kuru wuu kpadè mòò rà, tɔ̀ niì gbaɔn ɲɛynaà tsɛ.

Dzyèèsìbee mòdzin neè 10:25

Mùn si ladzyee niì reè faa, n mà e raa bo tɔ̀ ɲan, a ci swey dɛ̀rɔɔ̀n y'à faa nìi tsuru waa. Mìn nìi fa, tɔ̀ rii yɛ, mìn si màxɔ̀n, kàtsu, ye jaà n'a na, ci Ŋaablà Jaara Modzìàn nà jisee yè e kpɛrɛɔ̀.

Dzyèèsìbee mòdzin neè 3:13

Tà doùn, màan ji o ji seroun, mìn bà dziàn ci 'she', ye e si màxɔ̀n, sànko, mòò mà nà jà e ɲan, gooɲaan nà nìi sàn fìrì, à y'à bà mòdzin nìi na e toro wɔɔ̀ Ŋaablà re waa.

Piyɛrì fiiraa 1:12

Tɔ̀ rii y'à to ye kɛ̀nsɛɛn ye ba twɛy goo rèè jaa tɔ̀, ye sàn yè bà gbaɔn tɔ̀ sààbeen ɲàn, à wù min ye taa toò è re kudɛyn.

Yudè 1:20

Ŋà nìi ye, mun ne kɛ̀niunma rèè, ye fààn wɔ e yɛrɛ ɲan è ɲɛn ye re ɲɛyna fɛnɛɛ tsɛ. Ye Ŋaablà mafyɛ̀n à re Dzi Fɛnɛɛ baraka rɔ̀n.