Tesalonikika reè jɔ̀naà 4:3 - Bible Dzùùngoo Unicode

³ Nìi Ŋaablà sao, tɔ̀ rii yɛ, ye yè bà fɛnɛɔ̀, ye yè e yɛrɛ taàn kɛ̀kɛ̀ɛ̀ybeè mà.

Tesalonikika reè jɔ̀naà 4:3 ပူးပေါင်းရင်းမြစ်များ

Matsiyù 12:50

Àwà mun Fà rìi ni jìrànxɔ rɔ̀n, mòò riì tɔ̀ sàɔ faa, tɔ̀ rii mun tseyn kpiri, mun tseyn taan, ko mun na.»

Matsiyù 15:19

Goo nìì reè boò duùn nɔ̀n, tɔ̀ rii yɛ, kɛ̀sɛmà ɲaan neè, ko mòdzìn vua, ko ɲànmɔ̀ɔ̀bee ko kɛ̀kɛ̀ɛ̀ybeè, ko shɔnbeè, ko doò, ko tsoo bara goo reè.

Matsiyù 5:32

Ŋà, mun nì ci e ra, mòò o moò yè re tààn bàjia, à mà bà kɛ̀kɛ̀ɛ̀ybe kamà fyeu, tɔ̀ ye e re tààn jaa kaà ɲànmɔ̀ɔ̀be rii là. Mòò riì to tàan bàjiumaà seen, à sa ɲànmɔ̀ɔ̀be rii.»

Matsiyù 7:21

Àwà, nìì reè sapɛ dziàn mun na ci: "Tsìfaà, Tsìfaà," à na ni a ci twɛy sapɛ rii nà dɔ̀n Ŋaablà re Màsà gane rɔn dɛ ! Mun Fà Ŋaablà riì ni jìrànxɔ rɔ̀n, nìì reè tɔ̀ sàɔ faa, twɛy rìì nà dɔ̀n mɔn.

Marikì 3:35

Mòò riì Ŋaablà saɔ faa, tɔ̀ rii mun tseyn kpiri, tɔ̀ rii mun tseyn taan, ko mun na.»

Yùxanà 4:34

Yesù yè dzin è ra ci: «Mun naa ɲwɛɛ̀n nì yɛ, mòò riì mun kaɔ, min tɔ̀ sàɔ shi jiì, à to faagoo rìi kɛ̀ɛ̀yfaɔ̀ mun mà, min tɔ̀ fa vyɛ e daùn.

Yùxanà 7:17

Mòò riì ye ba n'a re è Ŋaablà saɔ fa, tɔ nà à tɔ̀, mun ne kàr'nà ye ba boò Ŋaablà rii ɲàn, à to ye ba boò mun yɛ̀r'la rìì ɲàn o.

Kɛɛradzin neè faadziɛ 15:20

Ŋà, mùn yeè sɛbɛn ni ka è re, mùn y'a dè è ra tà doùn, ci è mà ɲɔ̀n kɔɔ shu tàà waa. Ci yè dzi e re saaniin fɛɛ̀ rà. Ci è mà shu còrò vuuma tàà waa, è to mà shu tsiin ɲɔn waa.

Kɛɛradzin neè faadziɛ 15:29

E maà ɲɔ̀n kɔɔ shu tàà waa, e maà shu còrò vuuma tàà waa, e to mà shu tsiin ɲɔn waa, ye dzi e re saaniin fɛɛ̀ rà. E ye dzi tɔ̀ sapɛ jɔun bo, tɔ wù. Ŋaa yè e cɛrɛma to.»

Kɛɛradzin neè faadziɛ 20:32

Àwà dòònuùn, à tou min ye kɛ̀ɛ̀yfa Ŋaablà ma, min ye kɛ̀ɛ̀yfa à ɲan wùɔ goomaa mà. Ye ɲɛn niì faɔ̀ à ra, à dzi n'a na, è fààn wɔ ye ɲan tà doùn. À nìì reè bo jiɔ̀ e si, yè bà à raa, à goo wùù wuu niì reè ŋɛ̀nɛ̀ɲaɔ̀n twɛy ka, è tɔ̀ sa sin ye ra.

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

Ɔ̀rɔ̀mùnka reè 1:29

È ɲan tsyɛɔ̀n terenbɛybe goo kaatsià sapɛ ka, ɲanbee, kur'la goo ɲaan neè, jaaɲininbeè, mòdzìn vua, kaà, jàànfaà, ɲaan kaatsià sapɛ. È tsoo bar'la faa.

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Ɔ̀rɔ̀mùnka reè 6:22

Ŋà dòònuùn, ye xɔrɔnbeumaà ye bo gooɲaan ɲàn, ye bàu Ŋaablà re jon ì. Tɔ̀ nàfaà rìì yɛ goo nìì reè dzi Ŋaablà ra, à lataan yè bà jaamabe dziù dòbɛɛ.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 7:2

Ŋà gè riì ni à to kɛ̀kɛ̀ɛ̀ybe mà fa, à wù kpir'la sapɛ ko e yɛr'là taan, è bà taàn sapɛ ko e yɛr'là kpiri.

Korɛntsika reè fiiraa 12:21

Mun shiɔ̀ ci mun nà nà dɔ̀n bo rìi fa ye re mɔn kɔn, mun ne Ŋaabla mà nà bè mun màjàà ye kamà waa. Mun mà nà gɛyn mòò giri kamà, twɛy nìì reè sapɛ gooɲaan fa dɔun è to na e tsiiŋnà yè e re jaamabee fau'n kur'la lakere, yè sèè bo e re nookɔɔn goo reè, ko e re kɛ̀kɛ̀ɛ̀ybè goo reè, ko e re seeybɛybe goo reè kpɛyn waa.

Galatsika reè 5:19

Gɔɔ̀n ɲàn goo ɲaan neè gè niì, mùn twɛy tɔ̀. Ye rìì yɛ: kɛ̀kɛ̀ɛ̀ybeè, noo goo, seeybɛybeè,

Efɛsika reè 5:17

È ɲɛn tɔ̀ tsɛ, e maà bà mòdzin akiribɛy ì waa, ŋà Tsìfaà sàɔ nìi, ye tɔ̀ rii gaa tɔ.

Efɛsika reè 6:6

À mà bà è jaa ra goo bàsɔùn, a ci y'a faa ye yè dzibe mòdzin ì nà waa. Y'a fa rii, ci ye Kirisà rè jon ì, è bà Ŋaablà saɔ fakɔɔn ko e duɔ̀n sapɛ ka.

Kolosika reè 1:9

È ɲɛn tɔ̀ tsɛ, fɔ jisee riì ɲe twɛy kùnàgoo reè myɛ̀un, kudɛyn ɲe ni Ŋaabla mafyɛɛ̀n nà ye re. Ɲe y'à gaa Ŋaablà re, è ye ɲantsyɛn e saɔ twɛ̀ɛ rà, è kòrò à re Dzia rè akiriblabeè sapɛ, ko à re akiridzibeè sapɛ ka.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Tesalonikika reè jɔ̀naà 4:2

Àwà ɲe ye latsiu goo nìì reè ka Tsìfa Yesù baraka rɔ̀n, ye twɛy tɔ̀.

Tesalonikika reè jɔ̀naà 4:4

Ye soo sookɔɔn sapɛ yeè dzi e gɔɔ̀n rà fɛnɛbee ko blàbe doùn.

Tesalonikika reè jɔ̀naà 5:18

Goo sapɛ doùn, ye baraka sìn Ŋaablà ra, kàtsu tɔ̀ rii y'à sàɔ ye kàjaa tsɛ, Yesù Kirisà ɲàn.

Tesalonikika reè jɔ̀naà 5:23

Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Tesalonikika reè fiiraa 2:13

Neema reè, Tsìfaà ye nìì reè kɛ̀niɔn, nìi kpɛ̀yn ɲe, ɲe wù ɲe yè baraka sìan Ŋaablà ra kudɛyn ye kamà. È ɲɛn à tsɛ, à ye ɲankɛrɛun fɔ goo rèè dzunjɔn bwèy ye yè bà ni tsi à re Dzia baraka rɔ̀n, tɔ̀ niì fɛnɛbee sìan, tà ko ye ɲɛunmaà sààbeen rà.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Dzyèèsìbee mòdzin neè 10:36

E ye dzin ci ye Ŋaablà saɔ fa, è bà ni e re làyiri seunmaà bo e shi tsɛ, à wù y'a tsi e ma.

Dzyèèsìbee mòdzin neè 12:16

Ye e yɛrɛ kaàwɔ sa, mòò pɛn mà nà bà mòdzin kɛkɛ̀ɛ̀yra waa. Mòò pɛn to mà bà goo fɛnɛɛ noobaa, a ci Isawù waa, tɔ̀ niì yè e re dzin jɔna shɛɛn ɲancinaun, ɲwɛyn ɲɔn soo ka.

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

Dzyèèsìbee mòdzin neè 13:4

Mòdzian sapɛ yeè blà wɔ fur'la ɲàn. Kpir'la ko taàn pɛn na wù yè ɲànmɔ̀ɔ̀be fa waa, kàtsu, Ŋaabla nà kitsia kunun kɛ̀kɛ̀ɛ̀yra reè ko ɲànmɔ̀ɔ̀bè fa reè tsɛ.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

Piyɛrì jɔ̀naà 4:2

Tà tsuru à mà nà e re jaamabee fa adamàdzin mòdzin neè raa kur'la goo reè tsɛ dɛ waa, ŋà à y'à fa Ŋaablà raa sàɔ tsɛ, e re waatsi dzyee faramaà doùn dzɔ̀nxɔɔ̀ tsɛ.

Yùxanà jɔ̀naà 2:17

Tɔ̀ to y'à tàrà dziɲaan dɔ̀n boò, ko à kur'la goo reè sa. Ŋà mòò riì Ŋaablà saɔ faa, dò na ni tɔ̀ mà waa.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Goo kpàdèuma rèè 22:15

Nìì reè nà to da rɔn, twɛy rìì siin: Kɛ̀kɛ̀ɛ̀y gòò fa reè, tɔ̀ gòò fa reè, goo nooŋma fa reè, vui fa reè, ɲɔ̀n gòò fa reè ko nìì reè sapɛ ni doò fyɛ̀ùn.