Tesalonikika reè jɔ̀naà 4:13 - Bible Dzùùngoo Unicode

¹³ Àyìwà neema ì, nìì reè saɔ nòn, mùn sàò na ni ye yè to sɔn tɔ bɛy twɛy raa goò kàjaa tsɛ waa. Tɔ mà nà bà ye taamaŋununbe goo a ci sixɔbema na ni nìì reè rè waa.

Tesalonikika reè jɔ̀naà 4:13 ပူးပေါင်းရင်းမြစ်များ

Matsiyù 27:52

Fùnkɔɔ reè yè san ji, Ŋaablà re mòdzin saunma rèè giri yè sèè kpunan.

Yùxanà 11:24

Maritsì yè dzin à ra ci: «Mun kpɛ̀ynto y'à tɔ̀, ci tsìɛ̀ sii sèè, à sa nà sèè kpunan bo saàn ɲàn ko fùn nèè ka.»

Kɛɛradzin neè faadziɛ 13:36

Tɔ̀ y'a tàrà, Dawudà raa waatsi rɔn, à Ŋaablà saɔ shi jiiŋ, è bè suu fɔ à raa jisee dzu. Tà doùn, à fà rèè wɔu min niì, à sa yeè bè wɔ mɔn. À fùàn to fyeeŋ.

Kɛɛradzin neè faadziɛ 7:60

Tà shɔ̀ùn, è gban e kun'nèè tsɛ, è sɛ̀ɛ̀y fààn na ci: «Tsìfaà, nèe gooɲaan nee tsìɛ̀ mɛɛy bo è mà.» Etsiyɛnìn tɔ̀ dèu min niì, è xɔn bo.

Kɛɛradzin neè faadziɛ 8:2

Mòdzin ì to yè jà, nìi reè shia Ŋaablà jɔun, twɛy yè Etsiyɛnìn fùàn sen, yè bè à wɔ, y'à shìgoo fa cɛyn.

Ɔ̀rɔ̀mùnka reè 1:13

Neema reè, mun n'a re y'a tɔ̀, ci m'a gaa jaa giri fau min bè bo ye kpà, ŋà è bè suu fɔ dòònuùn dzu, mun na dzi be ŋe waa. Àwà, mun nìi gaa, tɔ̀ rii yɛ, mun yè n ne faagoò nàfaà tàrà ye re mɔn a ci m'a tàrau kun kpɛrɛ ì sa re nìi tsuru.

Korɛntsika reè jɔ̀naà 10:1

Àwà neema reè, mun sàò na ni ye yè to nèe goo rèe tɔ̀ bɛy waa. Ŋaamun'na bàu ni ɲe fàbɔɔ rèè sapɛ tsɛ è boumaà doùn Misiran jamaan doùn, è sapɛ to kòòyu xeo fuuŋ.

Korɛntsika reè jɔ̀naà 12:1

Àyìwà neema reè, nìi Ŋaablà re Dzia rè goo rèè kàjaa tsɛ, mun sàò na ni ye to twɛy goo rèè tɔ̀ bɛy waa.

Korɛntsika reè jɔ̀naà 15:6

Tà shɔ̀ùn kɔn, è yɛrɛ kpadè neema reè càànmoò nùn ko e bonè rà. Twɛy giri jaama ni ŋe, swey yè bà saɔn.

Korɛntsika reè fiiraa 1:8

Àwà neema reè, byɛnbe riì ɲe tàrau Azhi mar'lɔùn, à na ɲe sào, ye yè to tɔ̀ tɔ̀ bɛy waa. Ɲe byɛun fɔ è bè geren. À tsun vùnbeu fɔ è bè geren ɲe fàan bɛ̀r'la tsɛ. Ɲe si tsu naà xɔ à tsɛ ci ɲe nà jaamabe fa dɛ.

Efɛsika reè 2:12

Ye e taa to ci tɔ̀ waatsi rɔn, ye na Ŋaablà jaara modzìàn bɛy, ye nìn to naà ni Isirayɛlidzin neè ka waa. Ye na tɔnɔn ì Ŋaablà re dzyèèsìbe reè ko à re làyir'là kàjaa tsɛ. Siɲɛnma naà ni ye re waa, ye to na Ŋaabla bɛy ì dziɲan ree doùn.

Efɛsika reè 2:3

Ɲe sapɛ, ɲe sa na twɛy mòdzin neè kur'li. Ɲe sa na gɔɔ̀n kur'la goo ɲaan neè shi jiɛ dan, ɲe y'à sàɔ faa, ɲe yè e gban kɛ̀sɛmà ɲaan neè kpɛyn. Àwà, è ɲe to tà tsuru, Ŋaablà re vununtaà na ni ɲe sa tsɛ, a ci dzyee rèè.

Tesalonikika reè jɔ̀naà 4:14

Àwà mìn ba ɲɛun à ra ci Yesù saun è sèè kpunan, tɔ̀ soo tsuru, nìì reè saun yè bà ni Yesù ɲàn, Ŋaablà sa nà twɛy sèè fu Yesù baraka ɲan, yè bà ni ko à ka.

Tesalonikika reè jɔ̀naà 4:15

È ɲɛn Tsìfaà rè gooma sɔn tsɛ, ɲe nìi dèe ye ra tɔ̀ rii yɛ ci Tsìfaà nà sii sèè, nìì reè saɔn nòn, ɲe jaama ree fa dɔ̀n twɛy jɔun waa.

Tesalonikika reè jɔ̀naà 5:10

tɔ̀ niì saun mùn kamà, gè riì ni à to, mùn bàu jaama o, mùn to saɔn rìì ò, mìn bà ni jaamabee ra ko à ka, esire.

Tesalonikika reè jɔ̀naà 5:6

Tà doùn, mùn mà cìi a ci dzyee rèè waa, ŋà mìn to e jaa ra, mùn akiri yè bà ni e yɛr'le.

Piyɛrì fiiraa 3:4

È nà dzin ci: «À nà goo làyir'lìi seun, tɔ ni min na ? È ɲɛn à tsɛ, fɔ mùn fàbɔɔ rèè sa yeè bè san, goò sapɛ ni e niu'n kur'la fɔ dziɲaan jɔ̀n bwey.»

Piyɛrì fiiraa 3:8

Ŋà n ne kɛ̀niunma rèè, goo soo ni e maà e taamyɛn nìi rè waa. Tsìfaà rè, bwèy sɔn ni a ci jii gbaa soo, jii gbaa soo yeè bà ni a ci bwèy sɔn.