Tesalonikika reè jɔ̀naà 3:6 - Bible Dzùùngoo Unicode

⁶ Ŋà Tsìmotè daun ye re mɔn, è nà kùnàgoo dziù dè ɲe ra ye re ɲɛynaà ko ye re kɛ̀nbààbee tsɛ. À ci ye taa ni ɲe mà cɛyn. Ci à kuru ni ye ra ye yè ɲe sèè jà, a ci à kuru ni ɲe sa ra nìi tsuru, ɲe yè ye sèè jà.

Tesalonikika reè jɔ̀naà 3:6 ပူးပေါင်းရင်းမြစ်များ

Kɛɛradzin neè faadziɛ 16:1

Àwà, Polì ko Silasì yè bè Dɛribè wɔ̀ rɔ̀n. È bou mɔn, yè bè Lisìrì wɔ̀ rɔ̀n. È wɔu mɔn, yè kàràndzin sɔn ja mɔn, tɔ̀ tsoo ci Tsìmotè. À naà na Dzyèèsìbee mòdzian sɔn, è bà baɔ̀ Yesù rè kàràndzin. À fàà, tɔ̀ yeè bà na kun kpɛrɛ mòdzin, nìi Gɛ̀rɛ̀kià sɔn.

Kɛɛradzin neè faadziɛ 18:1

Àwà, twɛy goo rèè shɔ̀ùn, Polì yè bo Atɛnìn wɔ̀ rɔ̀n, è dɔ̀n be wɔ̀ sɔn ɲan, ci Korɛntsì.

Kɛɛradzin neè faadziɛ 18:5

Àyìwà, Silasì ko Tsìmotè nàu dan yè bo Maseduwanìn waatsi riì bwèy, Polì na goo kpɛ̀rɛ̀ fa waajibi faa tɛ̀y dɛ. À y'à jaa dèe Dzyèèsìbee mòdzin neè rà, ci Yesù rìì Ŋaablà Jaara Modzìàn.

Korɛntsika reè jɔ̀naà 11:2

Mun tsoo dzi ɲɛɛn ye tsɛ, è ɲɛn à tsɛ, goo gè o ge, ye taa ni mun mà, mun to kàr'nìi sìun ye ra, y'a màraɔ̀ a ci m'a sìun ye ra nìi tsuru.

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Filipika reè 1:8

Ŋaablà yɛr'la mun shɛɛrɛ, ci ye sapɛ goojaa ni mun duùn fɔ è bè geren, è ɲɛn Yesù Kirisà ɲàn kɛ̀nbààbe brisià tsɛ.

Kolosika reè 1:4

È ɲɛn à tsɛ, ye ɲɛɔ̀n Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, ɲe torò jiu tɔ̀ ɲan.

Kolosika reè 4:18

Mun Polì, nèe mun yɛ̀r'la sià rè sɛbɛn ni, min tswɛ̀y sin ye ra. Ye taa to ci mun ni kàsoò rà. Arì she, Ŋaablà ɲanwùɔ yè bà ni e tsɛ !

Tesalonikika reè jɔ̀naà 1:3

Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

Tesalonikika reè jɔ̀naà 2:17

Nìi ɲe, neema reè, ɲe ko ye jaa kpɛ̀yn fɔun e si ra waatsi dɛɛnin doùn, ŋà dùsùkuan ɲàn, mùn ni esire. Ɲe goò sapɛ ko e kuru fau ɲe yè bà ni ye jà kɔn, kàtsu tɔ̀ kuru na ni ɲe ra fɔ è bè geren.

Tesalonikika reè jɔ̀naà 2:9

Àwà neema reè, ye taa ni ɲe re faagoo xɔɔ̀ ko ɲe re byɛnbee rè. Ɲe faagoò fau feèn ko bwèè sa, ɲe mà nà bà ye sɔn ne seyn waa, ɲe yè Ŋaablà re Kùnàgoo Dziɔ̀ dè ye ra.

Tesalonikika reè jɔ̀naà 3:7

È ɲɛn tɔ̀ tsɛ neema ì, è ɲe to e re xɔbee ko e re byɛnbee sapɛ ɲan, ye re ɲɛynaà kamà, ye ɲe màxɔ̀un.

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Tsìmotè fiiraa 1:3

Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Filemɔ̀n 1:5

È ɲɛn à tsɛ, wo re kɛ̀nbààbee ko wo re ɲɛynaà nìi boo Tsìfa Yesù ko Ŋaa re mòdzin neè kàjaa tsɛ, mun tɔ̀ myɛ̀ɛn.

Dzyèèsìbee mòdzin neè 13:3

Ye e taa to kàsòdzin neè rè, a ci ye sa yeè è sɔn ni. Nìì reè to kuun'n kuru ɲaan faɔ̀, ye e taa to twɛy sa re, kàtsu, tɔ̀ gɔn soo rìì ni ye sa re, à dzia nìi sa tarà.

Dzyèèsìbee mòdzin neè 13:7

E jɔundzin bɔrɔɔ niì reè yè è toro kɔ̀ dɔ̀un Ŋaablà re goomaa nà, ye e taa to twɛy rè. È re jaamabee lataun nìi tsuru, ye tɔ̀ siin, e sa yeè ɲɛn Ŋaablà ra è raà tsuru.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.