Tesalonikika reè jɔ̀naà 2:14 - Bible Dzùùngoo Unicode

¹⁴ Àwà neema reè, Ŋaablà re ɲɛynamoo kuru nìì reè ni Yesù Kirisà ɲàn Yude mar'lɔùn, ye bàu twɛy shɔ̀ùnminanbaa ì. È ɲɛn à tsɛ, ye yɛ̀r'la fàdzìnsi reè ye byɛun a ci Dzyèèsìbee mòdzin neè yè è sa byɛun nìi tsuru.

Tesalonikika reè jɔ̀naà 2:14 ပူးပေါင်းရင်းမြစ်များ

Kɛɛradzin neè faadziɛ 11:19

Àyìwà, Etsiyɛnìn vuumaà shɔ̀ùn, Dzyèèsìbee mòdzin neè byɛnbe ɲaùn nìi jiu Yesù rè kàràndzin neè tsɛ, tɔ̀ na è vwɛ̀yn jeeŋna min niì sapɛ. È ɲan, swey bèu fɔ jàmàan sɔn ɲan, ci Fenisi, swey yè bè Shipùrù jàmàan nɔ̀n, swey yè bè wɔ̀ sɔn ɲan, ci Antsiyɔshì. Ŋà, Dzyèèsìbee mòdzin neè boshɔ̀ùn, è naà mòò kpɛrɛ toro kɔ̀ɔ Ŋaablà re goomaa nà waa.

Kɛɛradzin neè faadziɛ 13:50

Tɔ̀un, tàan mòdzin bla niì reè na ni wɔ̀ɔ̀ doùn, yè bà e shiɔ̀ Ŋaablà ra, y'à blàbee, Dzyèèsìbee mòdzin neè yè twɛy, ko wɔ̀ɔ̀ jɔundzin neè dzu wɔ Polì ko Barinabasì kpɛyn. Twɛy yè Polì ko Barinabasì byɛn, yè è kaa bo e re gàne rɔ̀n.

Kɛɛradzin neè faadziɛ 14:19

Tà doùn, Dzyèèsìbee mòdzin ì yè bo Pisidzi jamaan Antsiyɔshì, ko Ikoniyɔmùn yè nà. È nàu, yè mòdzian duùn wɔ, yè Polì dzyɛn kpàà ì ka, a ci è n'a vu. Tà shɔ̀ùn, y'à siɛ̀n ci à saɔn nìi fa, y'à geren, yè b'a ji wɔ̀ɔ̀ bònè.

Kɛɛradzin neè faadziɛ 14:2

Ŋà, Dzyèèsìbee mòdzin neè swey na e tsiì Tsìfaà rà waa. Twɛy yè siin tɔ̀un, nìì reè na Dzyèèsìbee mòdzin ì waa, yè twɛy dzu wɔ kàràndzin neè kpɛyn.

Kɛɛradzin neè faadziɛ 14:4

Wɔ̀dòùndzin neè yè tara kuru fii. Swey ni ko Dzyèèsìbee mòdzin neè ka, swey yè bà ni kɛɛradzin neè ka.

Kɛɛradzin neè faadziɛ 14:5

Tà doùn, Dzyèèsìbee mòdzin neè, ko kun kpɛrɛ mòdzin neè ko è kùntsii rèè, yè e mabyɛ̀n, ci ye nà Polì ko Barinabasì kuun'n kuru ɲaan fa, ye yè è dzyɛn vu ko kpàà ì ka.

Kɛɛradzin neè faadziɛ 17:13

Tesalonikì wɔ̀ɔ̀ Dzyèèsìbee mòdzin neè y'à myɛ̀un min niì, ci Polì ì Beereka reè sa toro kɔ̀ɔ Ŋaablà re goomaa nà, yè jàà mɔn, yè bè twɛy mòdzin neè duùn wɔ, yè fù ji màànkaan ka wɔ̀ɔ̀ min niì sapɛ.

Kɛɛradzin neè faadziɛ 18:12

Àwà, jàmààntsi sɔn na ni, ci Galiɲɔn, è bà na tsùuŋnà jàmàan sɔn kuùn, ci Akayì. Tɔ̀ jàmààntsià raa waatsi rɔn, Dzyèèsìbee mòdzin neè yè byɛ̀n fa Polì kùùn, y'à kun, yè b'a ka kitsi kunun kur'là mòdzin neè rè.

Kɛɛradzin neè faadziɛ 8:1

Nìi Sɔlì, tɔ̀ sa kpɛ̀ynto yè e tsiiŋ Etsiyɛnìn vua rà. È sen tɔ̀ jisee rà, yè byɛnbe xɔù mɛɛy ɲɛynamoo kur'là tsɛ Yerusalɛmùn wɔ̀ɔ̀ min niì sapɛ. Tɔ̀un, è sapɛ yeè vwɛ̀yn jee Yude mar'la, ko Samari mar'la ɲàn. Kɛɛradzin neè bàsɔùn nì yè to.

Kɛɛradzin neè faadziɛ 8:3

Nìi kpɛ̀yn Sɔlì, tɔ̀ na ni à re, wò yeè ɲɛynamoo kur'là dò rìì peu. È dɔ̀n beè gbà rèè doùn, à ye kàràndzin niì jà, à kpir'li ò, à tàan nì o, à y'à kuàn nì fàan nà, è bè à ji kàsoò doùn.

Kɛɛradzin neè faadziɛ 9:1

Àyìwà, tà bwèy, Sɔlì kpɛ̀ynto na ni Tsìfa Yesù rè kàràndzin neè kpɛyn nìi tsuru, à na ni è kpɛyn tɔ̀ rii tsuru, à ci wò ye nìi kun, wo tɔ̀ vua rìì. Àwà, è nà bè Saaka Jɔundzin blaa rè.

Kɛɛradzin neè faadziɛ 9:13

Tsìfa Yesù rè goomaa shɔ̀ùn, Ananiyasì yè dzin ci: «Ee Tsìfaà, mun to gooma giri myɛɔ̀n kpir'lee tsɛ dɛ ! À gooɲaan niì sapɛ fau wo re kàràndzin neè rà Yerusalɛmùn, mòò giri tɔ̀ lakɛrɔun mun na.

Kɛɛradzin neè faadziɛ 9:31

Àwà, tɔ̀ waatsi rɔn, ɲɛynamoo kuru nìì reè ni Yude mar'la ɲàn ko nìì reè ni Galile mar'la ɲàn ko nìì reè ni Samari mar'la ɲàn, jaancin na ni è kuru soo soo sapɛ tsɛ. È na jɔun ni tàrà beè kudɛyn, è re blàbe yeè bà na ni Ŋaablà tsɛ. Ŋaablà re Dzi Fɛnɛɛ na è dzwɛ̀maa nìi fa, tɔ̀ baraka rɔ̀n, è na giribe beè.

Korɛntsika reè jɔ̀naà 10:32

E maà bà mòò pɛn sàn nà baan kpàà. A ci à Dzyèèsìbee mòdzin o, à kun kpɛrɛ mòdzin o, à to Ŋaablà re ɲɛynamoo kur'là rìì ò, e maà bà mòò pɛn sàn nà baan kpàà.

Korɛntsika reè jɔ̀naà 7:17

Tɔ̀ nìn yè bo à ra, nìi bàu mòdzian soo soo sapɛ nin Tsìfaà rè, Ŋaablà y'a kiriu à y'à to nìi doùn, è re jaamabee fa tɔ̀ tsɛ. Mun tɔ̀ rii shi tsuù beè ɲɛynamoo kur'lèè sapɛ re.

Galatsika reè 1:22

Àwà tɔ̀ sapɛ ɲan, ɲɛynamoo kuru nìì reè na ni Yude mar'lɔùn Kirisà ɲàn, twɛy naà mun jaɔ̀ ŋe yè mun tɔ̀ waa.

Tesalonikika reè jɔ̀naà 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni Fà Ŋaablà ɲan, ye yè bà ni Tsìfa Yesù Kirisà ɲàn. Arì she, Ŋaablà ɲanwùɔ ko jaanciàn, twɛy yè bà ni e tsɛ !

Tesalonikika reè jɔ̀naà 1:6

Ye bàu ɲe shɔ̀ùnminanbaa ì, ye yè bà Tsìfaà shɔ̀ùnminanbaa ì. È ɲɛn à tsɛ byɛnbe xɔɔ̀ ko e raà sa, ye yè e tsiiŋ Ŋaablà re Goomaa nà ko taamadzibe ka, Ŋaablà re Dzi Fɛnɛɛ rè taamadzibe.

Tesalonikika reè jɔ̀naà 3:4

È ɲe to ye re mɔn, ɲe na à dè tsùɔ ye ra ci byɛnbee nà mùn tàrà. Tɔ̀ rii to fau, ye y'à tɔ̀.

Tesalonikika reè fiiraa 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni mùn Fà Ŋaablà ɲan, ye yè bà ni Tsìfa Yesù Kirisà ɲàn.

Tesalonikika reè fiiraa 1:4

Tà tsuru, ye baɔ̀ ɲe yɛ̀rɛ̀blàbè kun Ŋaablà re ɲɛynamoo kur'lèè doùn. È ɲɛn à tsɛ, ye ɲanshiɔ̀, ye yè bà ni ɲɛynaà tsɛ. Dzuunbweè ko byɛnbee ni ye tsɛ, ŋà ye tɔ̀ sapɛ kuɔ e ɲan.