Tesalonikika reè jɔ̀naà 1:7 - Bible Dzùùngoo Unicode

⁷ Tà tsuru, ye bàu jaakpadeyra Maseduwanin mar'la ko Akayi mar'la ɲɛynamoo rèè sapɛ re.

Tesalonikika reè jɔ̀naà 1:7 ပူးပေါင်းရင်းမြစ်များ

Kɛɛradzin neè faadziɛ 1:13

È nàu wɔ Yerusalɛmùn, è dɛ̀rɔɔ̀n yè e si ladzyee sangaso nìi doùn, yè bè dɔ̀n mɔn. À na Piyɛrì, ko Yùxanà, ko Yàkubà, ko Andère, ko Fìlipù, ko Tomà, ko Batelemin, ko Matsiyù, ko Àlifù raa dzin kpiri Yàkubà, ko Shimɔ̀n, nìi kir'là ci Zhèlɔtsì fàtsiɛ kùùnkààfabaà, tɔ̀ yeè kòmànà ɲɛn Yàkubà raa dzin kpiri Yudè tsɛ.

Kɛɛradzin neè faadziɛ 16:12

Ɲe bou mɔn, ɲe yè bè wɔ̀ sɔn ɲan, ci Filipi. Filipi, tɔ Maseduwanin jamaan màrà jɔnaa wɔ̀ɔ̀ sɔn. Tɔ̀ wɔ̀ɔ̀ na ni Ɔ̀rɔ̀mùnka reè rìì suun. Àwà, ɲe yè to mɔn tɔ̀un, ɲe yè bwèy dan fa.

Kɛɛradzin neè faadziɛ 18:1

Àwà, twɛy goo rèè shɔ̀ùn, Polì yè bo Atɛnìn wɔ̀ rɔ̀n, è dɔ̀n be wɔ̀ sɔn ɲan, ci Korɛntsì.

Kɛɛradzin neè faadziɛ 18:12

Àwà, jàmààntsi sɔn na ni, ci Galiɲɔn, è bà na tsùuŋnà jàmàan sɔn kuùn, ci Akayì. Tɔ̀ jàmààntsià raa waatsi rɔn, Dzyèèsìbee mòdzin neè yè byɛ̀n fa Polì kùùn, y'à kun, yè b'a ka kitsi kunun kur'là mòdzin neè rè.

Kɛɛradzin neè faadziɛ 19:21

Twɛy goo rèè sapɛ shɔùn, Ŋaablà re Dzia baraka rɔ̀n, Polì y'à ji e duùn ci wo nà dɔ̀n bo Maseduwanin jamaan ɲàn, wò yeè dɔ̀n bo Akayi jamaan ɲàn, wò yeè bè Yerusalɛmùn. À yè bà na à dèe sa, ci wò wɔumaà shɔ̀ùn mɔn, fɔ wò yeè nà bè Ɔ̀rɔmùn sa.

Ɔ̀rɔ̀mùnka reè 15:26

È ɲɛn à tsɛ, Maseduwanin mar'la ko Akayi mar'la ɲɛyna moo rèè y'à ŋɛ̀nɛ̀ɲaun yè dzyèè, yè e si ji e si tsɛ, y'à ka Yerusalɛmùn Ŋaablà re mòdzin gbakɔɔn reè dzwɛ̀ma.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè fiiraa 9:2

È ɲɛn à tsɛ, ŋɛ̀nɛ̀ɲan wuu riì ni ye ɲan tɔ̀ goò doùn, mun tɔ̀ tɔ̀. È bè wɔ fɔ min ye ka bara ɲɔn Maseduwanin mar'la mòdzin neè rè. Mun dziun è ra, ci Akayi mar'la mòdzin neè sɔn byɛɔ̀n fɔ jii dɔunmaà. Ye re sɔ̀bɛ̀nbee bàu saabu, è twɛy mòdzin neè giri màxɔ̀n.

Tesalonikika reè jɔ̀naà 1:8

È ɲɛn à tsɛ, Tsìfaà rè goomaa bou ye re mɔn è jee bè fɔ Maseduwanin mar'la ko Akayi mar'la ɲàn. À na tɔ̀ basɔùn waa, ye ɲɛyna nìi faɔ̀ Ŋaablà ra, tɔ̀ goomaa wɔu min niì sapɛ, fɔ à na wɔɔ̀ ɲe yè sɔn de à tsɛ dɛ.

Tesalonikika reè jɔ̀naà 4:10

À sààben, Maseduwanin mar'la min niì sapɛ, ye tɔ̀ shi jiɛ neema reè sapɛ kajaa tsɛ. Ŋà arì she neema ì, ɲe ye màxɔ̀ɔn, ye sɔn ba à tɛ̀y.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Tsitè 2:7

Goò sapɛ doùn, wo yɛ̀r'la sa yeè bà jaakpadeyra wùù faadzii wuɔ kajaa tsɛ. Sɔ̀bɛ̀nbee ko blàbee yè jà kàr'nà doùn.

Piyɛrì jɔ̀naà 5:3

Twɛy nìì reè kɛ̀ɛ̀yfaɔ̀ ye mà, e maà e faan ɲinan è tsɛ waa, ŋà ye bà sààkur'là jaakpadebaa ì rìì.