အွန်လိုင်း သမ္မာကျမ်းစာ

« အရင်

နောက်တစ်ခု »

Tesalonikika reè jɔ̀naà 1:5 - Bible Dzùùngoo Unicode

⁵ È ɲɛn à tsɛ, ɲe re Kùnàgoo Dziɔ̀ goomaa na dzi ye tsɛ gooma basɔùn ka waa, ŋà à dziu ko dzibaabe ka Ŋaablà re Dzi Fɛnɛɛ baraka rɔ̀n, sɔ̀swɛy na ni nìi ɲàn waa. Àwà ye wùbe kamà, ɲe yè e re jaamabee fau fau'n kur'liì rà ye fi, ye tɔ̀ tɔ̀.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Tesalonikika reè jɔ̀naà 1:5
60 ပူးပေါင်းရင်းမြစ်များ

Marikì 16:20

Kàràndzin neè sa yeè dɔ̀n be, yè bè Kùnàgoo Dziɔ̀ gbango beè min niì sapɛ. Tsìfaà na wɔɔ è ra faagoò doùn. À na dzi siɔ̀n è ra yè kabagoo goo reè faa, tɔ̀ y'a kpàdè, ci è re gooma reè sààben.]

အခန်းကိုကြည့်ပါ။

Lukì 1:1

Mòdzìn sɔbɛn Tèwofilì, Ŋaabla goo niì reè fau ɲe re mìin, à goo rèè fau mòò giri jaa ra, è sen fɔ à dzunjɔn bwey rɔ̀n. Nìì reè bàu à goo rèè shɛɛrɛ, Ŋaablà re goomaa jaa dèè yè bà ni twɛy suun, twɛy y'à lakɛrɔun mùn na. Y'à lakɛrɔun mùn na nìi tsuru, mòò giri sɛbɛn faunà à tsɛ tà tsuru nòn. Tɔ̀ rii y'à to, twɛy goo nìì reè fau, è sen fɔ à dzunjɔn bwey rɔ̀n, mun sa twɛy jaa taki takì gaaŋnà. Mun to y'à jaɔ̀, ci à wù, mun y'à jaa dè wo ra mòdzìn sɔbɛn Tèwofilì, è bà sɛbɛn gbaɔn e si ra.

အခန်းကိုကြည့်ပါ။

Kɛɛradzin neè faadziɛ 11:21

Mùn Tsìfa Ŋaablà na ni twɛy kàràndzin neè ka, è bà wɔɔ̀ è ra. Tɔ̀ baraka rɔ̀n, mòò giri yè ɲɛn è ra, yè e tsiì Tsìfaà rà.

အခန်းကိုကြည့်ပါ။

Kɛɛradzin neè faadziɛ 16:14

Tàan sɔn na ni twɛy tàan rèè ɲàn, tɔ̀ tsoo yè bà ci Lidzì. Tɔ̀ taàn na vya kun sɔn ni duru faa, nìi ni xèù, à kpà yè bà xɔ. À na wɔ̀ sɔn modzin, nìi kir'là ci Tsiyatsirì. Àwà, tɔ̀ taàn na shia Ŋaablà jɔun. Tɔ̀ taàn toro wɔ tsùuŋmaà goomaa rè, Ŋaablà y'a akir'là dzii san, sànko è Pol'lè goomaa lamyɛùn'n kuru wube cɛyn.

အခန်းကိုကြည့်ပါ။

Kɛɛradzin neè faadziɛ 2:33

È sèè è blà wɔ à ɲan, à y'à tsùù e sirama si jaa rè. Yesù na Dzi Fɛnɛɛ riì làyiri seòn ɲe re, à fà Ŋaabla tɔ̀ sìun à ra. Àwà, à sa tɔ̀ Dzia rìì jàaŋnà ɲe tsɛ. Ye jaa yɛ nìi rà, ye yè bà à myɛ̀ɛn, tɔ tɔ̀ Dzia tàànmàshɛɛn nì.

အခန်းကိုကြည့်ပါ။

Ɔ̀rɔ̀mùnka reè 1:16

Àwà Kùnàgoo Dziɔ̀ seey na ni mun na waa, kàtsu à Ŋaablà re dzibaabe rii, sànko nìì reè sapɛ ɲɛɛn Ŋaablà ra, yè dzi tsi. È jɔ̀n Dzyèèsìbee mòdzin neè tsɛ, è suu kun kpɛrɛ mòdzin neè rà.

အခန်းကိုကြည့်ပါ။

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

အခန်းကိုကြည့်ပါ။

Ɔ̀rɔ̀mùnka reè 2:16

Ŋaablà ye ba nà mòdzian rè goo mɛnɛunma rèè kitsi kunun jisee riì, è bo Yesù Kirisà ɲàn, a ci mun ne Kùnàgoo Dziɔ̀ y'à dèe nìi tsuru, tɔ̀ sapɛ nà kpàdè tɔ̀ sii sèè.

အခန်းကိုကြည့်ပါ။

Korɛntsika reè jɔ̀naà 1:24

Ŋà, Ŋaabla nìì reè kiriɔ, Dzyèèsìbee mòdzin sen ɲɛn Gɛ̀rɛ̀ki tsɛ, Kirisà Ŋaablà re dzibaabee ko à re akiritsifabee rìì twɛy jaa ra.

အခန်းကိုကြည့်ပါ။

Korɛntsika reè jɔ̀naà 10:33

Mun sa tɔ̀ rii faa, nìì yɛ goò sapɛ doùn, min dzibe mòdzian sapɛ ra. Mun na n yɛrɛ nafa gaa waa, fɔ mòò giri nàfa, gè riì ni à to yè tsi.

အခန်းကိုကြည့်ပါ။

Korɛntsika reè jɔ̀naà 3:16

Àwà ye na à tɔ̀ ci ye Ŋaablà re gbà blàa rìì, à re Dzia yè bà e tsuuŋnà ye ɲan ɔn ?

အခန်းကိုကြည့်ပါ။

Korɛntsika reè jɔ̀naà 3:6

Mun gèè sìu, Apolɔsì y'à kɔ̀ yu, ŋà è bɔɔ, tɔ bàu Ŋaablà rii.

အခန်းကိုကြည့်ပါ။

Korɛntsika reè jɔ̀naà 4:20

È ɲɛn à tsɛ, Ŋaablà re màsàbee na gooma na goo waa, ŋà à dzibaabe goo rii.

အခန်းကိုကြည့်ပါ။

Korɛntsika reè jɔ̀naà 9:14

Tɔ̀ soo tsuru, nìì reè Kùnàgoo Dziɔ̀ dèe, Tsìfaà ci twɛy sa ɲwɛyn dzii ye bo Kùnàgoo Dziɔ̀ ɲàn.

အခန်းကိုကြည့်ပါ။

Korɛntsika reè fiiraa 3:6

Wò rii y'à dzi siun ɲe ra sa, ɲe yè bà dzyèèsìbè yeu faagoofabaa ì, nìi na sɛbɛɛn raa dzyèèsìbee waa, ŋà à Ŋaablà re Dzia raà rìì. È ɲɛn à tsɛ sɛbɛɛn, tɔ vui faa, ŋà Dzia, tɔ jaamabee sìan.

အခန်းကိုကြည့်ပါ။

Galatsika reè 2:2

Mun bèu mɔn è ɲɛn goo kpàdèuma nì tsɛ. Mun to Kùnàgoo Dziù rìi dèe kun kpɛrɛ mòdzin neè rà, min tɔ̀ jaa dè jɔundzin neè rà e dan na, gè riì ni à to, mun vwɛ̀yn riì fau ko mun ni vwɛ̀yn riì rà, tɔ mà nà bà goo maana waa.

အခန်းကိုကြည့်ပါ။

Galatsika reè 5:5

Nìi kpɛ̀yn ɲe, Ŋaablà re Dzia rìì baraka ɲan, ɲe si xɔ à tsɛ, ci Ŋaabla nà ɲe bà mòdzin tereonma ì. Ɲɛynaà baraka ɲan, ɲe tɔ̀ màshua.

အခန်းကိုကြည့်ပါ။

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

အခန်းကိုကြည့်ပါ။

Efɛsika reè 3:20

À dzi ni Ŋaablà riì ɲàn è dzi goò sapɛ fa è geren mun ne gaaŋmaà ko mùn kɛ̀sɛmàà sapɛ tsɛ à re dzibaabee baraka rɔ̀n, tɔ̀ niì ni faagoò rà mùn ɲan,

အခန်းကိုကြည့်ပါ။

Filipika reè 2:13

È ɲɛn à tsɛ, goò faa ŋɛ̀nɛ̀ɲan wuɔ, tà ko è fa, Ŋaablà rii tɔ̀ jia ye ɲan è kòrò à sàɔ ka.

အခန်းကိုကြည့်ပါ။

Filipika reè 4:9

Ye nìi kàraun mun ne, ye nìi tàrau mun ne, ye nìi myɛ̀un mun ne, ye to nìi jàu mun ne, ye tɔ̀ shi jiì. Tɔ̀ tsuru, jaanciàn sìnbaa Ŋaabla nà bà ni ye ka.

အခန်းကိုကြည့်ပါ။

Kolosika reè 2:2

Mun tɔ̀ faa, gè riì ni à to è vunun yè cin, è shìuma yè to e si ra kɛ̀nbààbee doùn, tà ko yè dzi akiritsifabe brisi dziitsyɛunma tàrà, yè Ŋaablà re gòndoo tɔ̀, nìi Kirisà,

အခန်းကိုကြည့်ပါ။

Tesalonikika reè jɔ̀naà 2:13

Tɔ̀ kamà, kudɛyn ɲe baraka sìan Ŋaablà ra sa, è ɲɛn à tsɛ ye y'à re gooma niì myɛ̀un ɲe re, ye na e tsiì à ra, ci à adamàdzin mòdzin ì nè gooma waa, ŋà ci à Ŋaablà re gooma ni taki, nìi faagoò faa ye ɲɛynamoo rèè ɲàn.

အခန်းကိုကြည့်ပါ။

Tesalonikika reè fiiraa 2:14

À ye kiriu ɲe re Kùnàgoo Dziɔ̀ baraka rɔ̀n tɔ̀ rii sa kamà, gè riì ni à to ye nìn yè jà mùn Tsìfa Yesù Kirisà nɔɔrɔɔ̀ ɲàn.

အခန်းကိုကြည့်ပါ။

Tsìmotè fiiraa 2:10

Tɔ̀ rii y'à to mun goò sapɛ ladzyèèmaa tsià n ma, Ŋaablà jaara moo rèè kamà, gè riì ni à to Yesù Kirisà baraka ɲan, twɛy sa yeè tsiuma tàrà, yè nɔɔrɔ dòbɛɛ tàrà.

အခန်းကိုကြည့်ပါ။

Tsìmotè fiiraa 2:8

A taa to Yesù Kirisà rè, màsà kpiri Dawudà tsua dziàn, tɔ̀ niì kpunan bou fùn nèè fi, a ci mun yɛ Kùnàgoo Dziù rìi dèe.

အခန်းကိုကြည့်ပါ။

Dzyèèsìbee mòdzin neè 10:22

Tà sapɛ kamà, y'a to mùn yeè e kpɛrɛ̀ Ŋaablà ra ko duunfyɛ ka, mìn bà ɲɛɔ̀n à ra ɲɛun'n kur'la sapɛ ra, duungoo ɲaan sapɛ yeè fòò bo mùn duun, mùn màà yè fòò yu fɛnɛuma ka.

အခန်းကိုကြည့်ပါ။

Dzyèèsìbee mòdzin neè 6:11

Ɲe nìi gaa, tɔ̀ rii yɛ, ci ye soo sookɔɔn sa yeè e maxɔbe fɔ à lataan, ye si xɔ nìi tsɛ, tɔ̀ dziitsyɛunma yè bo e shi tsɛ.

အခန်းကိုကြည့်ပါ။

Piyɛrì jɔ̀naà 1:12

À kpàdèu è ra ci è na ni tɔ̀ faagoo rìi rà, à naà è yɛ̀r'leè raa waa, ŋà è na tɔ̀ faa ye rìì lè. Ŋaablà re Dzi Fɛnɛɛ baraka ɲan, tɔ̀ riì kau è bo jìrànxɔ rɔ̀n, Kùnàgòò Dzìù de reè tɔ̀ goò rìì gooma deu ye ra dòònuùn, mɛ̀rɛ̀kɛ rèè sa yeè bà n'a re, ye jaa yè ɲɛn à mà.

အခန်းကိုကြည့်ပါ။

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

အခန်းကိုကြည့်ပါ။

Piyɛrì jɔ̀naà 5:3

Twɛy nìì reè kɛ̀ɛ̀yfaɔ̀ ye mà, e maà e faan ɲinan è tsɛ waa, ŋà ye bà sààkur'là jaakpadebaa ì rìì.

အခန်းကိုကြည့်ပါ။

Piyɛrì fiiraa 1:10

Tɔ̀ kamà n neema ì, Ŋaabla ye kir'lìi fau è ye bo e jaara, ye e maxɔbe, ye tɔ̀ sàn gban. Tɔ̀ ye fa, goo sɔn pɛn fa à to ye yè e san nà ban dɛ.

အခန်းကိုကြည့်ပါ။

Piyɛrì fiiraa 1:19

È bà tɔ̀ tɛ̀y, kɛɛra reè rè goomaa sa ni mùn ne, nìi gooma san gbaunma, à dzi yè bà ni ye re, y'a kààwɔ cɛyn. Tɔ ni a ci fìtsìnà vyee, nìi deèn tsitsii gane ɲan è bè suu fɔ dzɔ̀n via dzu, fɔ dzɔ̀nvìdziɛ rè swɛɛ̀n yè nà vyevyeè bo ye dùsùkun neè tsɛ.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ