Tesalonikika reè jɔ̀naà 1:3 - Bible Dzùùngoo Unicode

³ Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

Tesalonikika reè jɔ̀naà 1:3 ပူးပေါင်းရင်းမြစ်များ

Yùxanà 14:15

Ye ye ba mun kɛ̀niɔ̀n taki, ye nà mun dzugooma xɔù rèè shi jiì.

Yùxanà 15:10

Ye ye mun dzugooma xɔù rèè to e duùn, ye nà to tsùù mun ne kɛ̀nbààbee doùn, a ci mun yè n Fa Ŋaablà dzugooma xɔù rèè tou n duùn nìi tsuru, min bà ni tsuù à re kɛ̀nbààbee doùn.

Kɛɛradzin neè faadziɛ 10:31

È dzin mun na ci: "Kɔrɔnayì ! Ŋaabla wo re màfyɛyn nèè kuun. Wo to goowùù niì faa gbakɔɔn reè rà, à twɛy kààwɔuna, à to yè e taa too wo re.

Kɛɛradzin neè faadziɛ 3:19

Dòònuùn, ye sèè bo e re gooɲaan neè kpɛyn, ye e re jaamabee fau'n kur'la lakere, ye sèè na Ŋaablà ra, sànko e re gooɲaan tsìɛ̀ yè mɛɛy bo e vu ra.

Ɔ̀rɔ̀mùnka reè 12:12

E si xɔ nìi tsɛ, ye taama dzibe tɔ̀ ra. Byɛnbee doùn ye e mɔɲɔn, ye e maxɔ̀n màfyɛɛ̀n nà.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Ɔ̀rɔ̀mùnka reè 15:4

Nìi sapɛ sɛbɛun dan, tɔ fau nì, è bà ni mùn kàràn. Tà ko twɛy gooma reè nà mɔ̀ɲɔn niì sìn mùn na, yè mùn màxɔ̀n, tɔ̀ yeè bà saabu mìn sixɔbema tarà.

Ɔ̀rɔ̀mùnka reè 16:26

Àwà dòònuùn, kɛɛra reè rè sɛbɛn neè baraka rɔ̀n, à kpàdèu è fyɛ. Tɔ fau a ci Ŋaablà dobɛɛ y'à dèu nìi tsuru, nìi yɛ, kun kpɛrɛ mòdzin neè sapɛ y'a tɔ̀, yè ɲɛynaà shi jiì.

Ɔ̀rɔ̀mùnka reè 16:6

Ye tswɛ̀y sin Mariyamùn nà, tɔ̀ niì faagoo giri fau ye re.

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Korɛntsika reè jɔ̀naà 15:58

Tà doùn, mun neema kɛniunma rèè, e san gbaunma yè to cɛyn, e maà yuuyuu bo e shɔùn waa. Ye bè jɔun kudɛyn Tsìfaà rè faagoò doùn, ye bà à tɔ̀ ci ye re faagoò na maana Tsìfaà ɲàn waa.

Korɛntsika reè fiiraa 2:17

Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Galatsika reè 5:13

Àwà neema reè, nìi kpɛ̀yn ye, ye kiriu xɔrɔnbe rii kamà. Ŋà, tɔ̀ xɔrɔnbee mà bà saabu, è nà gɔɔ̀n kur'la goo ɲaan faa ka e ma waa. Ye nìi fa, tɔ̀ rii yɛ kɛ̀nbààbee doùn, ye e magoo wɔ e si ɲan.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Galatsika reè 6:9

Àwà mùn mà byɛn goowuu faa rà waa. È ɲɛn à tsɛ, mùn ma tɔ̀ dzii bà fyeu, mùn nà nà à shìmaan gaa e waatsi wuu ɲan.

Tesalonikika reè jɔ̀naà 3:6

Ŋà Tsìmotè daun ye re mɔn, è nà kùnàgoo dziù dè ɲe ra ye re ɲɛynaà ko ye re kɛ̀nbààbee tsɛ. À ci ye taa ni ɲe mà cɛyn. Ci à kuru ni ye ra ye yè ɲe sèè jà, a ci à kuru ni ɲe sa ra nìi tsuru, ɲe yè ye sèè jà.

Tesalonikika reè fiiraa 1:11

Tɔ̀ kamà, ɲe Ŋaablà mafyɛ̀ɛn ye re kudɛyn, gè riì ni à to, è jà ci ɲe re Ŋaabla ye kiriɔ kùn nìi rà, ye wù tɔ̀ ka, tà ko à re dzibaabee baraka rɔ̀n, ye re goowùɔ ŋɛ̀nɛ̀ɲan wuɔ sapɛ, ko ɲɛynaà faagoò dzii yè tsyɛn.

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

Tsìmotè jɔ̀naà 1:14

Mùn Tsìfaà ɲanwùɔ blàbeu mun kàjaa tsɛ fɔ è bè geren, è ɲɛn ɲɛynaà ko kɛ̀nbààbee tsɛ, tɔ̀ niì ni Yesù Kirisà ɲàn.

Tsìmotè jɔ̀naà 2:3

Nìi wù, è bà dzi mùn Tsibaa Ŋaablà ra, tɔ tɔ̀ rii,

Dzyèèsìbee mòdzin neè 10:36

E ye dzin ci ye Ŋaablà saɔ fa, è bà ni e re làyiri seunmaà bo e shi tsɛ, à wù y'a tsi e ma.

Dzyèèsìbee mòdzin neè 11:17

Ibraximà ɲɛunmaà kamà Ŋaablà ra, Ŋaablà ci e y'a sɔ̀n mà siin waatsi riì bwèy, ci è Ishakà sìn wò ra saaka, Ibraximà na e nɔn waa. À na e nɔn e dzin kpiri soo sìàn mà waa, tɔ̀ to y'à tàrà, Ŋaabla na làyiri seòn à re.

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

Dzyèèsìbee mòdzin neè 4:11

Tɔ̀ kamà, y'a to mìn maxɔbe, mìn dɔ̀n tɔ̀ ɲànwɔma nɔn. Y'a to mìn tɔ̀ fa, sànko, mòò mà nà jà mùn ɲan, Ŋaablà dzugoomaa shi jiìbɛ̀ybeè kamà, a ci ɲe fàbɔɔ rèè, è to dɔ̀n bɛy waa.

Dzyèèsìbee mòdzin neè 6:15

Àwà, Ibraximà sa to yè e mɔɲɔn, fɔ Ŋaablà na nìi làyiri seòn à re, tɔ̀ yeè bè bo e shi tsɛ.

Piyɛrì jɔ̀naà 3:4

Ŋà e re màwɔɔ yè bà duùn naa màwɔɔ rìì, nìi màwɔ mɛnɛunma. Tɔ̀ rii yɛ vununmadzibeè ko vununciàn. Tɔ màwɔ, nìi na bar'la waa, à kpà yè bà xɔ Ŋaablà re.

Yùxanà jɔ̀naà 3:18

Dziniin ì, n mà kɛ̀nbààbee fa dziira goòmàà ko nɛɛ̀n bàsɔùn ka waa, ŋà faadziɛ ko sààbeen.

Yùxanà jɔ̀naà 3:21

Mun ne kɛ̀niunma rèè, mùn dùsùkuan ma ba mùn jààkia fyeu, mùn akiri tsùuŋma bàa ni Ŋaablà biìn.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Yùxanà jɔ̀naà 5:3

Àwà, e Ŋaablà kɛn, tɔ̀ rii yɛ, a dzugooma xɔù rèè shi jiì, à dzugooma xɔù rèè to na seyn vuun waa.

Goo kpàdèuma rèè 2:19

Mun wo faadziɛ tɔ̀. Wo re kɛ̀nbààbee, ko wo re ɲɛynaà, ko wo re faagoò, ko wo re mɔ̀ɲɔɔn. M'a tɔ̀, wo re bònè goo fauma rèè giri jɔ̀na rèè mà.

Goo kpàdèuma rèè 3:10

Wo y'à mɔɲɔn niì fau w'e to mun ne goomaa tsɛ, mun sa nà wo màrà dzɔ̀nxɔɔ̀ tsɛ byɛnbe nakɔɔn jɔun, tɔ̀ niì nà dziɲaan ko e kur'la mòdzian sapɛ tarà, è dzuun bo.