Tesalonikika reè jɔ̀naà 1:1 - Bible Dzùùngoo Unicode

¹ Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni Fà Ŋaablà ɲan, ye yè bà ni Tsìfa Yesù Kirisà ɲàn. Arì she, Ŋaablà ɲanwùɔ ko jaanciàn, twɛy yè bà ni e tsɛ !

Tesalonikika reè jɔ̀naà 1:1 ပူးပေါင်းရင်းမြစ်များ

Kɛɛradzin neè faadziɛ 15:22

Yàkubà rè goomaa shɔ̀ùn, Kɛɛradzin neè, ko kàràndzìn kur'là jɔundzin neè ko ɲɛynamoo kur'là mòdzian sapɛ, yè byɛ̀n à mà, ci ye nà mòdzin ì bo e ɲan, twɛy yè bà Polì ko Barinabasì tɛ̀y, ye yè è ka bè Antsiyɔshì. Tɔ̀un, yè Yudè bo, à tsoò sɔn ci Barisabasì, tà ko kpiri sɔn, ci Silasì. È fiɛ̀ sa na mòdzin bla ì kàràndzin neè rè.

Kɛɛradzin neè faadziɛ 15:27

Àyìwà, ɲe yɛ gooma niì jiɔ̀ sɛbɛn nee doùn nèe, ɲe Yudè ko Silasì kaà ye re, sànko ye yè tà gooma soo myɛ̀n twɛy sa dzu.

Kɛɛradzin neè faadziɛ 15:40

Nìi Polì, tɔ̀ sa yeè Silasì bà e tɛy. Tɔ̀un, kàràndzin neè yè dzwɛ ji è ra, yè è kɛ̀ɛ̀yfa Tsìfaà mà. Tà shɔ̀ùn, yè kòmànà dɔ̀n be.

Kɛɛradzin neè faadziɛ 16:19

Àwà, tɔ̀ goò y'à to, jòn tàànmɛ̀ɛn kùntsii rèè na ɲɛyn niì tàr'la à ɲan, tɔ̀ yeè bara twɛy mà. Twɛy y'à goò jàu tɔ̀ tsuru min niì, yè bè Polì ko Silasì kun, yè è sɔ̀ɔ̀n dɔ̀n be jɔundzin neè rè, e re wɔ̀ɔ̀ sijafama nɔ̀n.

Kɛɛradzin neè faadziɛ 16:25

Feèn ci e ye wɔ e tar'la mà, Polì ko Silasì na Ŋaablà mafyɛ̀ɛn, yè ye ì cèe, nìi reè tsoo dzi ɲɛɛn Ŋaablà tsɛ. Nìi kàsòdzìn dzyee reè, twɛy na e toro wɔɔ è re.

Kɛɛradzin neè faadziɛ 16:29

Kàsò gbaà kplatsuubaà yè sàvyee gaa tɔ̀un, è tabe dɔn kàsò gbaà doùn, à màsɔ̀ɔ̀nkɔɔn yeè bè e kunun gban Polì ko Silasì bììn.

Kɛɛradzin neè faadziɛ 17:11

È bèu Dzyèèsìbee mòdzin niì reè jà mɔn, twɛy ka goo na dzi, è geren Tesalonikì wɔ̀ɔ̀ Dzyèèsìbee mòdzin neè raà tsɛ. Twɛy yè e tsiiŋ Ŋaablà re Goomaa nà taamadzibe ko duun fyɛ ka. Jisee sapɛ, twɛy mòdzin neè na Ŋaablà re Goomaa kìtaabuà dzii saàn, y'à siin Polì ì nìi dèe, è ba sààben taki.

Kɛɛradzin neè faadziɛ 18:5

Àyìwà, Silasì ko Tsìmotè nàu dan yè bo Maseduwanìn waatsi riì bwèy, Polì na goo kpɛ̀rɛ̀ fa waajibi faa tɛ̀y dɛ. À y'à jaa dèe Dzyèèsìbee mòdzin neè rà, ci Yesù rìì Ŋaablà Jaara Modzìàn.

Kɛɛradzin neè faadziɛ 19:22

Tɔ̀un, è dzyeèsi rèè mòkun fii ka bè e jɔun Maseduwanin jamaan ɲàn. Tsìmotè, ko soo kpɛrɛ, ci Erasitsì. Àwà, à yɛ̀r'la yè to Azhi jamaan ɲàn, è waatsi dan fa mɔn.

Kɛɛradzin neè faadziɛ 20:4

À dzyèèsi nìì reè na ni à ka, twɛy rìì siin: Sɔn tsoo na Sopatɛrì è bà kpiri sɔn dzin, ci Pirusì, tɔ̀ na boò Beerè wɔ̀ rɔ̀n. Arisitakì na ni, sɔn ni, ci Segɔndusì, twɛy boò Tesalonikì wɔ̀ rɔ̀n. Gayusì ni, tɔ boò Dɛribè wɔ̀ rɔ̀n, Tsìmotè ni, ko mòkun fii kpɛrɛ, soo tsoo ci Tsishikì, soo tsoo yè bà ci Torofimùn, twɛy Azhi jamaan mòdzin ì.

Ɔ̀rɔ̀mùnka reè 1:7

Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

Galatsika reè 1:2

Nèe sɛbɛn, mun ko n neema niì reè sapɛ ni mun ka, ɲe nìi kaà Galatsi mar'la ɲɛynamoo kur'lèè rè.

Galatsika reè 1:22

Àwà tɔ̀ sapɛ ɲan, ɲɛynamoo kuru nìì reè na ni Yude mar'lɔùn Kirisà ɲàn, twɛy naà mun jaɔ̀ ŋe yè mun tɔ̀ waa.

Efɛsika reè 1:2

Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Tesalonikika reè fiiraa 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni mùn Fà Ŋaablà ɲan, ye yè bà ni Tsìfa Yesù Kirisà ɲàn.

Tsìmotè jɔ̀naà 1:2

nèe mun ne sɛbɛn, è sìn wo Tsìmotè rà, mun dzin taki takià, ɲɛynaà baraka rɔ̀n. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Tsìmotè fiiraa 1:2

nèe mun ne sɛbɛn, m'a sìn wo Tsìmotè rà, mun dzin kpiri kɛniunmaà. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Dzyèèsìbee mòdzin neè 13:23

Àyìwà, ye bà à tɔ̀, ci è mùn neema kpiri Tsìmotè bàjiu. À ye dzi mun tsɛ tabe, à ko mun nà bè ye kpà, mìn bè ye siin.

Piyɛrì jɔ̀naà 5:12

Àwà Silivɛ̀n, mun tɔ̀ niì jàtsikuàn mùn neema è bà vusootsi, mun nèe dzii jaa fii sɛbɛn nee fau tɔ̀ rii ka, min bà ni ye màxɔ̀n, tà ko m'a dè ye ra, ci ye yè shiɔ̀ nìi rà, tɔ̀ rii Ŋaablà ɲanwùɔ takia.

Yùxanà jɔ̀naà 1:3

Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.