Piyɛrì jɔ̀naà 5:5 - Bible Dzùùngoo Unicode

⁵ Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì jɔ̀naà 5:5 ပူးပေါင်းရင်းမြစ်များ

Lukì 22:26

Nìi ye, à na wù è bà tɔ̀ tsuru waa. Ye ɲan, mòò riì ci wo blà, tɔ wù, è bà a ci ye ɲan mòdzin kiɲaaniàn. Mòò riì to ni kùntsììbee rà, à wù, tɔ̀ yeè bà ni a ci faagoofadzian.

Ɔ̀rɔ̀mùnka reè 12:10

Ye e si kɛ̀n, a ci neema ì wù yè e si kɛ̀n nìi tsuru. Ye e si dàn blàbee kàjaa tsɛ.

Ɔ̀rɔ̀mùnka reè 13:14

Ye Tsìfa Yesù Kirisà rìì ji e ma, nìi to gɔɔ̀n raa goo rèè, e maà e yɛrɛ to twɛy suun, y'a kur'la goo ɲaan neè fa waa.

Efɛsika reè 5:21

Kirisà jɔun shiɲaanbe kamà, ye e majàà e si re.

Filipika reè 2:3

E maà goo sɔn pɛn fa tsyɛ̀ɛ̀nɛ̀nbe tàmafa yɛ̀rɛ̀blàbe maana maànà ka waa. Ŋà ye e majàà rii, y'a jà ci dzyee rèè blà ye mà.

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Tsìmotè jɔ̀naà 5:1

Àwà maà a vu màxɔbe mòòbɔɔ̀ ka waa, ŋà à mà nì xɔ̀n a ci a fa. Dzunwɛyn neè, e twɛy màxɔ̀n a ci a tseyn ì.

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Yàkubà 4:6

È ɲɛn tɔ̀ sapɛ tsɛ, à ɲanwùɔ mùn ka, tɔ blà fɔ è bè geren. Àwà à deò à re Goomaa doùn ci: «Nìì reè blà e yɛr'le, Ŋaabla kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Piyɛrì jɔ̀naà 4:1

Àwà, a ci Kirisà byɛun gɔɔ̀n ɲàn nìi tsuru, e sa yeè fààn wɔ e ɲan tɔ̀ kɛ̀sɛmà soo ka. È ɲɛn à tsɛ, mòò riì byɛun gɔɔ̀n ɲàn, tɔ dzi tarau gooɲaan tsɛ.

Piyɛrì jɔ̀naà 4:5

Ŋà, Ŋaablà riì sɔn byɛɔ̀n è jaama reè ko fùn nèè sa kitsi, è nà nà kùn dey fa tɔ̀ ra.