Piyɛrì jɔ̀naà 5:2 - Bible Dzùùngoo Unicode

² Ŋaablà re sààkur'lìi kɛ̀ɛ̀yfaɔ̀ e ma, ye tɔ̀ kɔ̀ ɲwɛyn, y'a kààwɔ. E maà à fa a ci à yè e ma fààn waa, ŋà y'a fa rii ci à dzi ye ra, a ci Ŋaablà ci è fa nìi tsuru. E maà à bà tɔ̀nɔ̀n gàà shi nanmara ni nìi ɲàn waa, ŋà y'a bà e dusùkùn nà goo.

Piyɛrì jɔ̀naà 5:2 ပူးပေါင်းရင်းမြစ်များ

Lukì 12:32

Tà shɔ̀ùn Yesù yè dzin e re kàràndzin neè rà kɔn ci: «Ye kpɛ̀yn na giri waa, ŋà, e maà shi waa. À dzibeu ye fà Ŋaablà ra, è ye dɔ̀n e re màsàbee ɲàn.

Kɛɛradzin neè faadziɛ 20:29

M'a tɔ̀, ci mun ma ba ni waatsi riì bwèy dɛ, kparan ɲan ì tsuru mòdzin ì nà dɔ̀n ye fi, è to fa màtsuru sàà kur'là rà waa.

Kɛɛradzin neè faadziɛ 21:13

Ŋà, Polì yè dzin ci: «Fee ye gɛyn kun ? Ye sào ni ye yè mun akiri bara tɔ̀ ka gbɛ ? À mà dàn kàsò dòùn jia bàsɔùn mà dɛ, arì mun yè bà nà san nì Yerusalɛmùn Tsìfa Yesù kamà, mun ni tɔ̀ ɲan tsuù ɲàn.»

Ɔ̀rɔ̀mùnka reè 1:15

Tɔ̀ kamà à kuru ni mun na cèreoma, min kùnàgoo dziɔ̀ dè ye sa ra, ye nìì reè tsùuŋnà Ɔ̀rɔmùn.

Korɛntsika reè jɔ̀naà 9:7

Tsì rii dzia bà ni sùràshìbee rà, è sèè è yɛrɛ sar'la ? Tsì rii dzia gɔ̀ɔ̀dzuà wɔ, è to à dziàn ɲɔn bɛy ? Tàmafa dzwɛka kplatsuubaa kɛ̀n ni dzia bà dzwɛkà rèè kplatsuɔ, è to nɔnɔɔn mìn bɛy ?

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Tsìmotè jɔ̀naà 3:8

Tɔ̀ soo tsuru, ɲɛynamoo kur'là goojaabo reè sa wù yè bà mòdzìn sɔbɛn ì, è na gooma fii debaa ì waa, è na mììn faa waa, è to na tàrà faa nanmarama waa.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Tsitè 1:7

Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsitè 3:1

È taa to, ci yè e majàà kùntsii rèè ko fàan mòdzin neè rè. Yè è vu kun, yè bà ni tsuù goowùɔ sapɛ faa ɲan tsuù ɲàn.

Filemɔ̀n 1:14

Ŋà à naà mun sàò min goo sɔn pɛn fa wo na dzyèeŋnà nìi ka waa. Tà tsuru wo nà wùù niì fa, tɔ mà bà goo karaba jiuma wo jɔun waa, ŋà è bà dzi wo ra.

Dzyèèsìbee mòdzin neè 12:15

Ye e yɛrɛ kaàwɔ, mòò pɛn mà nà e dzii bo Ŋaablà ɲanwùɔ ɲàn waa. Mòò pɛn to mà jà e ɲan, nìi nà xe bo a ci gɔ̀ɔ̀jii bàà ɲaùn, è goo rèè gbiiman waa. Tà boshɔ̀ùn, à bàà nà mòò giri sa kun.

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.