Piyɛrì jɔ̀naà 5:12 - Bible Dzùùngoo Unicode

¹² Àwà Silivɛ̀n, mun tɔ̀ niì jàtsikuàn mùn neema è bà vusootsi, mun nèe dzii jaa fii sɛbɛn nee fau tɔ̀ rii ka, min bà ni ye màxɔ̀n, tà ko m'a dè ye ra, ci ye yè shiɔ̀ nìi rà, tɔ̀ rii Ŋaablà ɲanwùɔ takia.

Piyɛrì jɔ̀naà 5:12 ပူးပေါင်းရင်းမြစ်များ

Yùxanà 21:21

Àwà, Piyɛrì y'à jàu tɔ̀un, è Yesù tey ci: «Tsìfaà, nèe do, fee nà tɔ̀ tàrà ?»

Kɛɛradzin neè faadziɛ 11:23

Àwà, Barinabasì bèu wɔ mɔn, goo nìi fau twɛy mòdzin neè rè, Ŋaablà baraka rɔ̀n, à jaadzin yeè ɲɛn tɔ̀ mà. Tɔ̀un, à taama yè dzibe cɛyn. À yè è màxɔ̀n, ci yè e shi tsùù Ŋaablà ra kudɛyn, è mà bo tɔ̀ tsɛ waa.

Kɛɛradzin neè faadziɛ 15:22

Yàkubà rè goomaa shɔ̀ùn, Kɛɛradzin neè, ko kàràndzìn kur'là jɔundzin neè ko ɲɛynamoo kur'là mòdzian sapɛ, yè byɛ̀n à mà, ci ye nà mòdzin ì bo e ɲan, twɛy yè bà Polì ko Barinabasì tɛ̀y, ye yè è ka bè Antsiyɔshì. Tɔ̀un, yè Yudè bo, à tsoò sɔn ci Barisabasì, tà ko kpiri sɔn, ci Silasì. È fiɛ̀ sa na mòdzin bla ì kàràndzin neè rè.

Kɛɛradzin neè faadziɛ 20:24

Mun kpɛ̀yn na sɔɔn n yɛr'la raa jaamabee kpɛyn dɛ, kàtsu, tɔ̀ na gèsɔn pɛn mun ne waa. Mun nìi kaà, Tsìfa Yesù faagoo nìi kɛ̀ɛ̀yfaɔ̀ mun mà, min dzi tɔ̀ fa, m'a vyɛ̀ e daùn. Tɔ̀ rii yɛ, min mòdzian toro kɔ̀ Kùnàgoo Dziɔ̀ rà, Ŋaablà ɲanwùɔ goomaa.

Ɔ̀rɔ̀mùnka reè 5:2

Yesù rìì baraka ɲan, è kòrò ɲɛynaà ka, mùn nìn bàu ni Ŋaablà ɲanwùɔ ɲàn, mùn sàn gbaunma ni tɔ̀ niì ɲàn. Ɲe wàsau, è ɲɛn à tsɛ, ɲe si xɔ à tsɛ ci ɲe nà Ŋaablà nɔɔrɔɔ̀ tàrà.

Korɛntsika reè jɔ̀naà 15:1

Àwà neema reè, mun ye toro kɔ̀u Kùnàgoo Dziù rìi rà, ye yè bà e tsiiŋ à ra ye to yè bà e shiɔ̀ à ra, mun ye taa toò tɔ̀ rii lè.

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

Korɛntsika reè fiiraa 1:24

À na ni a ci ɲe ye kùntsii ì rìì ye re ɲɛynaà kàjaa tsɛ dɛ. À na tà tsuru waa, ŋà ɲe ye re taamadzibeè rìì faa ye ka. È ɲɛn à tsɛ, ɲɛynaà doùn, ye san gbaɔn.

Efɛsika reè 3:3

Mun yè tɔ̀ gòndoo tɔ̀, tɔ kpàdèu mun na ni, a ci mun y'à dɛyn sɛbɛn dɔun nìi tsuru mun y'à dè ye ra.

Efɛsika reè 6:21

Àwà, ye yè bà ni à tɔ̀ goo nìì reè ni mun ne, ko mun nìi faa, nìi Tsishikì, mùn neema kpiri kɛniunmaà, Tsìfaà rè faagoofabaa vusootsià, tɔ nà bè ye toro kɔ̀ tɔ̀ sapɛ ra.

Kolosika reè 1:7

Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.

Kolosika reè 4:7

Goo o goo ni mun ne goò ɲàn, nìi Tsishikì, mùn neema kpiri kɛniunmaà, Tsìfaà rè faagoofabaa vusootsià ko mun faagoofasià, tɔ nà bè ye toro kɔ̀ tɔ̀ sapɛ ra.

Kolosika reè 4:9

Mun y'à kaà ko Onesimùn ka, mùn neema kpiri vusootsi kɛ̀niunmaà, è bà ye sɔn. Goo o goo ni mìin, è nà bè ye toro kɔ̀ à sapɛ ra.

Tesalonikika reè jɔ̀naà 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni Fà Ŋaablà ɲan, ye yè bà ni Tsìfa Yesù Kirisà ɲàn. Arì she, Ŋaablà ɲanwùɔ ko jaanciàn, twɛy yè bà ni e tsɛ !

Tesalonikika reè fiiraa 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni mùn Fà Ŋaablà ɲan, ye yè bà ni Tsìfa Yesù Kirisà ɲàn.

Dzyèèsìbee mòdzin neè 13:22

N neema ì, mun yɛ nèe gooma niì reè sɛbɛn kaɔ ye re, m'a ka ye màxɔ̀n, m'a gaa e re, ye e toro wɔ à re, y'a ku e ɲan. À to yɛ̀rɛ̀ na baɔ̀ gooma gbaan tsu waa.

Piyɛrì jɔ̀naà 1:13

Tɔ̀ kamà ye e ɲanshì, e akiri yè bà ni e yɛr'le. Ye e si ko e kuru xɔbe Ŋaablà ɲanwùɔ tsɛ e naà tɔ̀ niì tàrà è bo Ŋaablà re, Yesù Kirisà kpàdè sii sèè.

Piyɛrì jɔ̀naà 4:10

E sa kwɛ̀yge rìi tàraɔ̀ Ŋaablà re, y'a ka faagoò fa e si re. Tà tsuru, Ŋaablà re kwɛ̀ygeè kaatsi gir'là, e naà bà tɔ̀ goojaabobaa wùu ì.

Piyɛrì fiiraa 1:12

Tɔ̀ rii y'à to ye kɛ̀nsɛɛn ye ba twɛy goo rèè jaa tɔ̀, ye sàn yè bà gbaɔn tɔ̀ sààbeen ɲàn, à wù min ye taa toò è re kudɛyn.

Piyɛrì fiiraa 2:15

È shi tereunmaà bàjiu, yè e gban Bòzɔrì dzin kpiri Bàlaamùn naa shia kpɛyn, terenbɛybee sàr'là dzibeu tɔ̀ niì rà.

Yùxanà zhììgìraa 1:12

Nìi Demeturusì kpɛ̀yn, mòdzian sapɛ tɔ̀ shɛɛrɛbe wuu boò, arì sààbeen sa. Ɲe sa y'a shɛɛrɛbe wuu boò, wo to y'à tɔ̀ ci ɲe raa shɛɛrɛbee sààben.

Yudè 1:3

Mun ne kɛ̀niunma rèè, mùn sa dzyèeŋnà tsii rìi mà, mun sàò na ni min goo sapɛ ko e kuru fa, min sɛbɛn ka ye re tɔ̀ kàjaa tsɛ. Ŋà, à bàu mun mà fààn, min nèe sɛbɛn nee ka ye re, m'a ka ye màxɔ̀n ye yè bà ni ɲɛynaà kaà fa, tɔ̀ niì sìun Ŋaablà re mòò rèè rà jaa soo pe.