Piyɛrì jɔ̀naà 4:14 - Bible Dzùùngoo Unicode

¹⁴ Yè ba ye ɲɛ̀ɛn Kirisà tsoò kamà, ye raà wùbeu. È ɲɛn à tsɛ, nìi nɔɔrɔɔ̀ Dzia, Ŋaablà re Dzia, tɔ ni ye tsɛ.

Piyɛrì jɔ̀naà 4:14 ပူးပေါင်းရင်းမြစ်များ

Matsiyù 5:11

Mòdzian ye ba ye ɲɛ̀ɛn, yè ye byɛn, yè ɲanbee kaatsià sapɛ doò wɔ ye ra mun kamà, ye raa wùbeu.

Matsiyù 5:16

Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Lukì 6:22

Mòdzian ye ba ye kpɛynbee, yè e nɔn ye re, yè ye ɲɛ̀ɛn, yè ye tsoo ɲaan kir'là Adamà dziàn tsoò kamà, ye raa wùbeu.

Yùxanà 15:21

Àwà, è nà twɛy goo rèè sapɛ faa ye ra mun kamà, kàtsu mòò riì mun ka naɔ, è na tɔ̀ tsìfa tɔ̀ waa.

Yùxanà 8:48

Dzyèèsìbee mòdzin neè yè dzin Yesù rà ci: «À dzi ni ɲe re, ɲe yè dzin ci wo Samarika, wo yè bà kweykɔɔn.»

Yùxanà 9:28

Y'à ɲɛ̀n tɔ̀un, yè dzin ci: «Wo rìì y'à re kàràndzin. Nìi ɲe, ɲe Musà raa kàràndzin ì nì.

Yùxanà 9:34

Yè dzin à ra ci: «Ci dzùrù ! Fɔ wo yè kere, gooɲaantsiɛ ni wo vu ra, è sen wo sàn nèè rà, fɔ wo kùngɔɔ̀ rà, wo to ci, wo yè ɲe kàràn ?» È tɔ̀ dèu min niì, y'à kaa bo ŋaablabegbaà doùn.

Kɛɛradzin neè faadziɛ 13:45

Dzyèèsìbee mòdzin neè dziu jàmaà jà tà tsuru min niì, à goò jaaɲininbe yè è kun. Tɔ̀un, yè e maa, yè Polì sɔ̀swɛɛ̀, y'à ɲɛ̀ɛn.

Kɛɛradzin neè faadziɛ 18:6

Ŋà, twɛy na e tsiì à ra waa, y'à ɲɛ̀ɛn. Tɔ̀un, Polì sa yeè e re vya rèè ɲan yuuyuu, è dzin è ra ci: «Nìì ye ye tàrà, tɔ̀ ye yɛ̀r'la rìì gaa goo, à na mun ne goo dɛ waa. Àwà, è sen dòònuùn nà, mun nà n jaa ji kun kpɛrɛ mòdzin neè kpà.»

Kɛɛradzin neè faadziɛ 28:22

Ŋà, nìi ni wo duùn, ɲe sào ni, wo yɛ̀r'la yè tɔ̀ dè ɲe y'à myɛ̀n. Ɲe y'à tɔ̀, ci wo yɛ dzinɛ niì ɲàn, min niì sapɛ, mòdzian yè e dzunwɔɔ à ra.»

Kɛɛradzin neè faadziɛ 5:41

Kɛɛradzin neè taama dzibeuma brìsi yè bo kitsi kunun kur'là mòdzin neè tɛyn, kàtsu y'à jàu, ci à dzibeu Ŋaablà ra rìì, yè ye byɛn, yè ye seey Yesù tsoò kamà.

Korɛntsika reè fiiraa 12:10

Tɔ̀ rii y'à to Kirisà kamà, mun taama dzi gbaa goo rèè doùn, ɲɛ̀yn neè doùn, fààntsì goo reè doùn, byɛnbe goo reè doùn, ko taamaŋununbe goo reè doùn. È ɲɛn à tsɛ, min ba gbaɔ̀ waatsi riì bwèy, tɔ̀ rii bwèy, fàan bàa ni mun ɲan.

Korɛntsika reè fiiraa 4:10

Kudɛyn, ɲe Yesù saàn byɛnbee seòn e gɔn nɔn, gè riì ni à to à re jaamabee sa yeè kpàdè ɲe gɔn nɔ̀n.

Korɛntsika reè fiiraa 4:16

Tɔ̀ kamà ɲe gɔn na vu jaà waa. È ɲɛn à tsɛ, arì ɲe dà kèrè gɔɔn kɛ̀nsɛɛn ye ba bara beè, ɲe doùn kèr'là bà beè yeu siì saa see.

Galatsika reè 1:24

È to na nɔɔrɔ ɲɛɛn Ŋaablà tsɛ, è ɲɛn mun goò tsɛ.

Dzyèèsìbee mòdzin neè 11:26

Musà y'à jàu, ci e seey Ŋaablà Jaara Modzìàn rè seey doùn, tɔ̀ nàfaà blà è geren Misiran jamaan nàfor'la sapɛ dzyeèma tsɛ. Sàr'lìi nà tàrà bònè, à jaa na ni tsuù tɔ̀ rii là.

Yàkubà 1:12

Àwà, mòò riì byɛnbee tsià e ma e sɔn màsiinkɔɔn waatsi rɔn, tɔ̀ tsìfa raà wùbeu. À raà wùbeu, kàtsu à sɔ̀n màsiin dòumaà shɔ̀ùn, Ŋaabla nìi làyiri seòn e kɛnbaa rèè rè, tɔ̀ yeè bà jaamabe dziù dòbɛɛ màsà baanflaa, à nà tɔ̀ tàrà.

Yàkubà 5:11

Àwà, nìì reè yè e mɔɲɔun, yè byɛnbee tsi e ma, mùn ci twɛy raa wùbeu. Yɔbù yè e mɔɲɔun nìi tsuru è byɛnbee tsi e ma, ye tɔ̀ goomaa myɛ̀un. Tsìfaà nàu nìi fa à re à latanma nɔ̀n, ye tɔ̀ sa tɔ. Tɔ fau, kàtsu wùù ni Tsìfaà ɲàn fɔ è bè geren, è bà màtsur'la.

Piyɛrì jɔ̀naà 2:12

Ye e re jaamabee fa fau'n kuru wuu ra Ŋaabla tɔ bɛy reè fi. Tɔ̀ tsuru è kɛ̀nsɛɛn ye ba doò wɔɔ̀ ye ra ci ye gooɲaanfabaa ì, è nà ye faadzii wuɔ kààwɔ, yè tsoo dzi ɲɛn Ŋaablà tsɛ tɔ̀ bo sii sèè è re.

Piyɛrì jɔ̀naà 3:14

Àwà ye to kɛ̀nsɛɛn ye byɛn, terenbee yè bà saabu, ye raa wùbeu. E maà shi è shia goo pɛn jɔun, e akiri to mà gbiiman.

Piyɛrì jɔ̀naà 3:16

Ŋà, y'a goò fa vununmacin ko blàbe doùn, akiri wùù yeè bà ni e ɲan. Tà tsuru, ye re jaamabee fau'n kuru wuɔ doùn Kirisà ɲàn, nìì reè y'à gaa ye yè ye tsoo bara y'à bà ci ye ɲaan faa, twɛy kùngɔ yè sùùru.

Piyɛrì jɔ̀naà 4:16

Ŋà à tsìfa ye ba byɛɛn rìì ci à ɲɛynamoo, tɔ mà bà à seè goo waa. È nɔɔrɔ rìì ɲɛn Ŋaablà tsɛ, tɔ̀ tsoò kamà.

Piyɛrì fiiraa 2:2

Mòò giri nà e gban è kpɛyn e re seeybɛybe goo reè doùn. È kamà, Ŋaablà re sààbèn shià tsoo nà bara.