Piyɛrì jɔ̀naà 4:1 - Bible Dzùùngoo Unicode

¹ Àwà, a ci Kirisà byɛun gɔɔ̀n ɲàn nìi tsuru, e sa yeè fààn wɔ e ɲan tɔ̀ kɛ̀sɛmà soo ka. È ɲɛn à tsɛ, mòò riì byɛun gɔɔ̀n ɲàn, tɔ dzi tarau gooɲaan tsɛ.

Piyɛrì jɔ̀naà 4:1 ပူးပေါင်းရင်းမြစ်များ

Marikì 3:3

Àwà, Yesù yè dzin kpiri si sɔn saunmaà nà tɔ̀un ci: «Fù a tsiì mòdzian fi.»

Ɔ̀rɔ̀mùnka reè 6:11

Tà doùn, e sa y'a jà, ci ye saun gooɲaan kàjaa tsɛ, ye to ni jaamabe riì rà, ye tɔ̀ faa Ŋaablà re fa rii ɲàn, Yesù Kirisà ɲàn.

Ɔ̀rɔ̀mùnka reè 6:2

Ayi dɛrɛ! Mùn saunmaà shɔ̀ùn gooɲaan kàjaa tsɛ, mùn dzia to tsùù gooɲaan ɲàn dzùrù kɔn ?

Ɔ̀rɔ̀mùnka reè 6:7

À tà tsuru, è ɲɛn à tsɛ, mòò riì saun, tɔ bou gooɲaan suun.

Galatsika reè 2:20

Mun kpɛ̀yn ni jaamabee rà, ŋà à na mun ne jaamabe fakɔɔn dɛ waa, Kirisà rìì ni jaamabee rà mun ɲan. È ɲɛn à tsɛ, mun ni jaamabe riì rà gɔɔ̀n kàjaa tsɛ dòònuùn, mun tɔ̀ faa ɲɛynaà nì baraka ɲan Ŋaablà Dzin Kpir'la ɲàn, tɔ̀ niì mun kɛ̀niun, è yɛrɛ sin mun kamà.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Efɛsika reè 6:13

Tɔ̀ kamà, ye Ŋaablà re kaa faa gè rèè sapɛ sen, e san gbaunma yè bà ni to jisee ɲaan sii sèè. Goò sapɛ fa douma shɔ̀ùn, ye bà ni tsuù e san tsɛ.

Filipika reè 2:5

Kɛ̀sɛmà nìi na ni Yesù Kirisà ɲàn, y'a to tɔ̀ yeè bà ni e sa ɲan.

Dzyèèsìbee mòdzin neè 12:3

Ye e kɛsɛ Yesù rà. Mòò riì byɛun cɛyn gooɲaan fa reè suun, à to yè byɛnbe ree tsi e ma, tɔ wò rii. Tɔ̀ gàneè doùn, e maà e gɔn vu waa.

Dzyèèsìbee mòdzin neè 4:10

Àwà, mòò riì ye dɔn Ŋaablà re ɲànwɔma nɔ̀n, Ŋaablà re faagoò dòu nìi tsuru è ɲanwɔ, tɔ̀ tsìfa sa raa faagoò dòo tɔ̀ rii tsuru, è ɲanwɔ.

Piyɛrì jɔ̀naà 2:21

Àwà ye kiriu tɔ̀ rii kamà. È ɲɛn à tsɛ Kirisà sa byɛun ye kamà, è bà ni ye jaa kpàdè, ye yè jìì à sàn kɔɔ doùn.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.