Piyɛrì jɔ̀naà 3:8 - Bible Dzùùngoo Unicode

⁸ Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Piyɛrì jɔ̀naà 3:8 ပူးပေါင်းရင်းမြစ်များ

Matsiyù 18:33

Wo sa naà wù w'e màtsuru a faagoofadzinsia rà a ci mun màtsuruu wo ra nìi tsuru ɔ ?"

Lukì 10:33

Twɛy kpiri fiɛ̀ dɔ̀n boumaà shɔ̀ùn, Samarika kpiri sɔn sa bekɔɔn wɔ̀ùn, tɔ̀ sa na nàa tɔ̀ shi sɔɔ̀n tsɛ. À nàu wɔ à gàne rɔ̀n, è kpir'la jà. À dziu kpir'la jà tà tsuru min niì, à màtsuru y'a kun fɔ è bè geren.

Kɛɛradzin neè faadziɛ 2:1

Àwà, Dzyèèsìbee mòdzin neè rè jòòn jaa sɛr'lìi na kir'là, ci Pantekɔtsì, tɔ̀ jisee wɔu, Yesù rè kàràndzin neè sapɛ yeè bè e ladzyèè e ladzyèèma bɔrɔɔ rɔn.

Kɛɛradzin neè faadziɛ 27:3

Tɔ̀ raa gbee, mìn bè wɔ Sidɔ̀n wɔ̀ rɔ̀n. Mùn wɔu mɔn, Yuliyusì ɲanwùɔ doùn ko Polì ka, à y'à to è bè bo e dzunwɛynsi reè kpà, sànko à màgoo ni goo nìi reè rà, twɛy yè tɔ̀ fa à re.

Kɛɛradzin neè faadziɛ 28:7

Malitsì gàneè jɔundzian tsoo na Pubiliyusì. Ɲe na ni min niì, gàne sɔn na ni tɔ̀ tɛyn, nìi tɔ̀ kpir'la raa. Pubiliyusì yè bè ɲe jàà e re gàne rɔ̀n, è ɲe kuun'n kuru wuu fa, è bè tàrà, fɔ bwèy zhììgi.

Kɛɛradzin neè faadziɛ 4:32

Àyìwà, Yesù rè kàràndzin neè sapɛ yeè byɛ̀n soo ma, è sa dzyeèmaa yè e duungoo bà soo. È pɛn naà e suun ge baà e soo jɔnkwɛ̀y waa, ŋà, è sapɛ na e re gè bàa e si dzyèèmà ge.

Ɔ̀rɔ̀mùnka reè 12:10

Ye e si kɛ̀n, a ci neema ì wù yè e si kɛ̀n nìi tsuru. Ye e si dàn blàbee kàjaa tsɛ.

Ɔ̀rɔ̀mùnka reè 15:5

Arì she Ŋaablà riì mɔ̀ɲɔn siàn mòò rà, è mòò màxɔ̀n, tɔ̀ yeè e kɛsɛmàà bà soo, ye bà byɛɔ̀n a ci Yesù Kirisà ci nìi tsuru.

Korɛntsika reè jɔ̀naà 1:10

Àwà neema ì, mun ye màxɔ̀ɔn nìi rà, tɔ̀ rii yɛ, ci mùn Tsìfa Yesù Kirisà tsoò kamà, ye e vuà ji soo, e fi mà vyɛ̀ waa. Kɛ̀sɛmà soo yeè bà ni e sapɛ re, ko akiri soo.

Korɛntsika reè jɔ̀naà 12:26

Tà tsuru, gɔɔ̀n gàneè sɔn ye ba byɛɛn, dzyee rèè sapɛ rii byɛɛn ko a ka. Nɔɔrɔ ye ɲɛn sɔn tsɛ, dzyee rèè sapɛ rii taama dzibee ko à ka.

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Efɛsika reè 4:31

Xɔnasonbeè, vununɲanbeè, vununtaà, màànkaan, ɲɛ̀ɛn, ɲanbee kaatsià sapɛ, twɛy sapɛ yeè bo e fi.

Efɛsika reè 4:32

Ye wùù fa e si ra, ye màtsuru e si ra. Ye yɛrɛ to e si re, a ci Ŋaablà sa yeè e yɛrɛ tou ye re nìi tsuru, Kirisà baraka rɔ̀n.

Filipika reè 2:3

E maà goo sɔn pɛn fa tsyɛ̀ɛ̀nɛ̀nbe tàmafa yɛ̀rɛ̀blàbe maana maànà ka waa. Ŋà ye e majàà rii, y'a jà ci dzyee rèè blà ye mà.

Filipika reè 3:16

Ŋà à bàu dzii o dzii, mùn wɔɔ wɔmà nìi ɲàn, mìn jìɛ̀ fa esire kàjaa soo tsɛ.

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Dzyèèsìbee mòdzin neè 13:1

Àwà, e re neemabee doùn, y'a to kɛ̀nbààbee yè bà ni e ko e si fi kudɛyn.

Yàkubà 2:13

Mòò riì ma matsuru dzyee rèè rà, Ŋaabla nà kitsia kùnùn tɔ̀ tsɛ, arì à fa màtsuru waa. Àwà màtsur'la rìì kitsia mɛɛ̀.

Yàkubà 3:17

Ŋà akiriblabe rìi daɔn è bo jìrànxɔ rɔ̀n, tɔ ni mòò riì ɲàn, à tsìfa fyɛɔ, à na kaa faa, à vunun ma dzi, à mɔ̀nɲɔɔ̀n, à màtsur'la fɔ è bè geren, faadzii wuu ni à ɲan, à na ɲànkɛrɛn faa, à to na duungoofiitsi.

Yàkubà 5:11

Àwà, nìì reè yè e mɔɲɔun, yè byɛnbee tsi e ma, mùn ci twɛy raa wùbeu. Yɔbù yè e mɔɲɔun nìi tsuru è byɛnbee tsi e ma, ye tɔ̀ goomaa myɛ̀un. Tsìfaà nàu nìi fa à re à latanma nɔ̀n, ye tɔ̀ sa tɔ. Tɔ fau, kàtsu wùù ni Tsìfaà ɲàn fɔ è bè geren, è bà màtsur'la.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 2:17

Ye blà wɔ mòdzian sapɛ ɲan, ye neema reè kɛ̀n, ye shi Ŋaablà jɔun, ye blà wɔ màsà kpir'là ɲàn.

Piyɛrì jɔ̀naà 5:5

Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì fiiraa 1:7

ye neemabee bà Ŋaablà jɔun shiɲaanbeè tɛ̀y, ye kɛ̀nbààbee bà neemabee tɛ̀y.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.